ສປຊ ໃຫ້​ຄວາມ​ຊ່ວຍເຫຼືອ​ມຽນ​ມາ

413 22 ກ.ພ. 2019 ຂ່າວຕ່າງປະເທດ
ສປຊ ໃຫ້​ຄວາມ​ຊ່ວຍເຫຼືອ​ມຽນ​ມາ

  ເມື່ອ​ວັນ​ທີ 19 ກຸມພາ​ນີ້ ອົງການ​ອາຫານ ແລະ ກະສິກຳ ຂອງ​ສະ​ປະຊາ​ຊາດ (FAO) ແລະ ລັດຖະບານ​ມຽນ​ມາ ໄດ້​ລົງ​ນາມ​ຂໍ້​ຕົກລົງ​ໃນ​ໄລຍະ​ຍາວ​ສະບັບ​ໜຶ່ງ ກ່ຽວ​ກັບ​ການ​ສົມທົບ ແກ້​ໄຂ​ບັນຫາ​ໂພ​ສະ​ນາ​ການ ແລະ​ຄວາມ​ສະຫງົບ​ທາງ​ດ້ານ​ສະບຽງ​ອາຫານ ຢູ່​ໃນ​ມຽນ​ມາ ພ້ອມ​ກັນ​ນັ້ນ​ກໍ​ປ້ອງ​ກັນ ແລະ​ ຄຸ້ມ​ຄອງ​ແບບ​ຍືນ​ຍົງ ໃນ​ການ​ນຳ​ໃຊ້​ຊັບພະຍາກອນ​ທຳ​ມະ​ຊາດ.

    ນາງ ເກດ​ທະວີ ກາ​ດີ​ເຣ​ສານ ຜູ້​ຊ່ວຍ​ວຽກ​ຂອງ​ຜູ້ອຳນວຍການ​ໃຫຍ່ ທັງ​ເປັນ​ຜູ້​ແທນ​ຂອງ FAO ປະຈຳ​ພາກ​ພື້ນ​ອາຊີ-ປາ​ຊີ​ຟິກ ກ່າວ​ຢູ່​ໃນ​ພິທີ​ລົງ​ນາມ​ຂໍ້​ຕົກລົງ​ດັ່ງກ່າວ ຢູ່​ທີ່​ນະຄອນຫຼວງ ເນ​ປີ​ດໍ ຂອງ​ມຽນ​ມາ ວ່າ​ຂົງເຂດ​ກະສິກຳ ມີ​ບົດບາດ​ສຳຄັນ ໃນ​ການ​ແກ້​ໄຂ​ສະພາບ​ຂາດ​ຄວາມ​ສະຫງົບ ທາງ​ດ້ານ​ສະບຽງ​ອາຫານ ແລະ​ ສະພາບ​ການ​ຂາດ​ໂພ​ສະ​ນາ​ການ ໂດຍ​ຜ່ານ​ການ​ຫັນ​ເປັນ​ຫຼາກ​ຫຼາຍ ໃນ​ດ້ານ​ກະສິກຳ ແລະ​ຍົກ​ສູງ​ລາຍ​ຮັບ​ຢູ່​ໃນ​ເຂດ​ຊົນນະບົດ.

    ຂໍ້​ຕົກລົງ​ດັ່ງກ່າວ ເປັນ​ສັນຍາ​ສະບັບ​ຂອບ ກ່ຽວ​ກັບ​ໂຄງການ​ດ້ານ​ຊົນນະບົດ (CPF) ໂດຍ​ຈະ​ຊ່ວຍ​ໃຫ້​ລັດຖະບານ​ມຽນ​ມາ ສາມາດ​ບັນລຸ 3 ເປົ້າ​ໝາຍ​ຕົ້ນຕໍ ອັນ​ປະກອບ​ດ້ວຍ ການ​ເພີ່ມ​ທະວີ​ຄວາມ​ສະຫງົບ​ທາງ​ດ້ານ​ທັນ​ຍາ​ຫານ ໂພ​ສະ​ນາ​ການ ແລະ​ຄວາມ​ປອດ​ໄພ ດ້ານ​ສະບຽງ​ອາຫານ; ການ​ເພີ່ມ​ທະວີ​ການ​ບໍລິຫານ​ຄຸ້ມ​ຄອງ ແລະ ການ​ຄຸ້ມ​ຄອງ​ແບບ​ຍືນ​ຍົງ ສຳລັບ​ທີ່​ດິນ ປ່າໄມ້ ຊັບພະຍາກອນ​ນ້ຳ ແລະ ລະບົບ​ນິເວດ; ແລະ​ການ​ເພີ່ມ​ທະວີ​ຂີດ​ຄວາມ​ສາມາດ ໃນ​ການ​ຟື້ນ​ຟູ​ຂອງ​ຊຸມ​ຊົນ​ໃນ​ທ້ອງຖິ່ນ ແລະ ​ບັນດາ​ຄອບຄົວ​ກະສິກອນ ທ່າມກາງ​ໄພພິບັດ ທາງ​ທຳ​ມະ​ຊາດ ແລະ ​ມະນຸດສະທຳ ການ​ປ່ຽນແປງ​ສະພາບ​ດິນ​ຟ້າ​ອາກາດ ແລະ​ ບັນດາ​ຄວາມ ສ່ຽງ​ໂດຍ​ບັງເອີນ ຍ້ອນ​ພະຍາດ​ຕິດແປດ​ໃໝ່​ກໍ່ໃຫ້ເກີດ​ຂຶ້ນ.

ຂ່າວທີ່ກ່ຽວຂ້ອງ