ຮົງ​ກາ​ຣີ ແລະ ສະ​ໂລ​ວາ​ກີ ຈະ​ເປີດ​ຫ້ອງການ​ດ້ານ​ການ​ທູດ​ຢູ່​ໃນ​ເຈ​ຣູ​ຊາ​ແລມ

385 22 ກ.ພ. 2019 ຂ່າວຕ່າງປະເທດ
ຮົງ​ກາ​ຣີ ແລະ ສະ​ໂລ​ວາ​ກີ ຈະ​ເປີດ​ຫ້ອງການ​ດ້ານ​ການ​ທູດ​ຢູ່​ໃນ​ເຈ​ຣູ​ຊາ​ແລມ

    ໜັງສືພິມ ເຈ​ຣູ​ຊາ​ແລມ ໂພ​​ສ (Jerusalem Post) ສະບັບ​ອອກ​ວັນ​ທີ 20 ກຸມພາ​ນີ້ ໃຫ້​ຮູ້​ວ່າ ຮົງ​ກາ​ຣີ ແລະ ສະ​ໂລ​ວາ​ກີ ຈະ​ເປີດ​ຫ້ອງການ​ດ້ານ​ການ​ທູດ ປະຈຳ​ເຈ​ຣູ​ຊາ​ແລມ ຊຶ່ງ​ເປັນ​ການເຄື່ອນໄຫວ​ທີ່​ຖື​ວ່າ​ສວນ​ທາງ​ກັບ​ນະໂຍບາຍ​ຂອງ​ສະຫະພາບ​ເອີ​ຣົບ (EU).

    ຖະແຫຼງການ​ກ່ຽວ​ກັບ​ການ​ເປີດ​ຫ້ອງການ​ການ​ທູດ​ດັ່ງກ່າວ ຖືກ​ນຳ​ອອກ​ມາ ໃນ​ໂອກາດ​ທີ່ ນາຍົກລັດຖະມົນຕີ ວິກ​ຕໍ ອອກ​ບານ ຂອງ​ຮົງ​ກາ​ຣີ ແລະ​ນາຍົກລັດຖະມົນຕີ ປີ​ເຕີ ເປ​ເລັກ​ຣີ​ນີ ຂອງ​ສະ​ໂລ​ວາ​ກີ ເຄື່ອນ​ໄຫວ​ຢ້ຽມຢາມ​ອິດ​ສະ​ຣາ​ແອນ ເມື່ອ​ບໍ່​ດົນ​ມາ​ນີ້.

    ຈາກ​ການເຄື່ອນໄຫວ​ດັ່ງກ່າວ ກໍ​ເປັນ​ການ​ເຮັດ​ໃຫ້​ຮົງ​ກາ​ຣີ ແລະ​ສະ​ໂລ​ວາ​ກີ ຈະ​ເຂົ້າ​ຮ່ວມ​ໃນ ໝວດ​ປະເທດ ທີ່​ປະກອບ​ມີ ສາທາລະນະ​ລັດ ເຊັກ ແລະ ບູນ​ກາ​ຣີ ທີ່​ເປີດ​ຫ້ອງການ​ຜູ້ຕາງໜ້າ ຢູ່​ໃນ​ເຈ​ຣູ​ຊາ​ແລມ. ສຳລັບ ສາທາລະນະ​ລັດ ເຊັກ ແມ່ນ​ໄດ້​ສ້າງຕັ້ງ​ຄະນະ​ດ້ານ​ການ​ຄ້າ ແລະ​ການທ່ອງທ່ຽວ ປະຈຳ ເຈ​ຣູ​ຊາ​ແລມ ໄປ​ແລ້ວ​ເມື່ອ​ເດືອນ​ພະຈິກ ປີ 2018.

ຂ່າວທີ່ກ່ຽວຂ້ອງ