ຂ່າວຫຼ້າສຸດ

ຫວຽດນາມ - ອາກ​ຊັງ​ຕິນ ລົງ​ນາມ​ບັນດາ​ເອກະສານ​ການ​ຮ່ວມ​ມື

355 22 ກ.ພ. 2019 ຂ່າວຕ່າງປະເທດ
ຫວຽດນາມ - ອາກ​ຊັງ​ຕິນ ລົງ​ນາມ​ບັນດາ​ເອກະສານ​ການ​ຮ່ວມ​ມື

    ຂ່າວສານ​ຫວຽດນາມ ລາຍ​ງານ​ວ່າ ທ່ານ ຫງວ​​ຽນ​ຟູ້​ຈ້ອງ ເລຂາທິການ​ໃຫຍ່​ພັກ​ກອມ​ມູ​ນິດ ຫວຽດນາມ ປະທານ​ປະເທດ​ຫວຽດນາມ ໄດ້​ພົບ​ປະ​ເຈລະຈາ​ກັບ​ທ່ານ ມາວ​ຣີ​ຊີ​ໂອ ມາກ​ຣີ ປະທານາທິບໍດີ​ອາກ​ຊັງ​ຕິນ ທີ່​ເຄື່ອນ​ໄຫວ​ຢ້ຽມຢາມ​ຫວຽດນາມ ໃນ​ວັນ​ທີ 20 ກຸມພາ​ນີ້ ໂດຍ​ຜູ້ນຳ​ທັງ​ສອງ​ໄດ້​ແຈ້ງ​ໃຫ້​ກັນ​ຊາບ ກ່ຽວ​ກັບ​ສະພາບ​ການ​ຂອງ​ແຕ່​ລະ​ປະເທດ ພ້ອມ​ກັນ​ນັ້ນ ກໍ​ແລກປ່ຽນ​ຄວາມ​ຄິດ​ຄວາມ​ເຫັນ ກ່ຽວ​ກັບ​ທິດ​ທາງ ແລະ​ມາດ​ຕະການ ເພື່ອ​ສືບຕໍ່​ນຳ​ເອົາ​ການ​ພົວພັນ ຄູ່​ຮ່ວມ​ຮອບດ້ານ ລະຫວ່າງ​ຫວຽດນາມ ກັບ​ອາກ​ຊັງ​ຕິນ ເຂົ້າ​ສູ່​ລວງ​ເລິກ ມີ​ປະສິດທິພາບ ແລະ ​ແທດ​ຈິງ ກໍ​ຄື​ການ​ແລກປ່ຽນ​ຄວາມ​ຄິດ​ຄວາມ​ເຫັນ ກ່ຽວ​ກັບ​ບັນຫາ​ຕ່າງໆ​ໃນ​ພາກ​ພື້ນ ແລະ ​ສາກົນ ຊຶ່ງ​ຕ່າງ​ຝ່າຍ​ຕ່າງ​ກໍ​ໃຫ້​ຄວາມ​ສົນໃຈ.

   ຫຼັງ​ຈາກ​ເຈລະຈາ​ກັນ​ແລ້ວ ຜູ້ນຳ​ທັງ​ສອງ ໄດ້​ເຂົ້າ​ຮ່ວມ​ເປັນ​ສັກຂີ​ພິຍານ ໃນ​ພິທີ​ລົງ​ນາມ ບັນດາ​ເອກະສານ​ການ​ຮ່ວມ​ມື​ລະຫວ່າງ​ສອງ​ຝ່າຍ ຄື ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື ໃນ​ຂົງເຂດ​ວັດທະນະທຳ ລະຫວ່າງ​ກະຊວງ​ວັດທະນະທຳ ກິລາ ແລະ​ທ່ອງ​ທ່ຽວ​ຂອງ​ຫວຽດນາມ ກັບ​ກະຊວງ​ສຶກ​ສາ ວັດທະນະທຳ ວິທະຍາສາດ ແລະ ເຕັກ​ໂນ​ໂລ​ຊີ​ຂອງ​ອາກ​ຊັງ​ຕິນ ໃນ​ໄລຍະ​ປີ 2019-2020; ແຜນການ​ດຳເນີນ​ງານ ລະຫວ່າງ​ກະຊວງ​ແຮງ​ງານ ທະຫານ​ເສຍ​ອົງຄະ ແລະ​ ສັງຄົມ​ຂອງ​ຫວຽດນາມ ກັບ​ກະຊວງ​ການ​ຕ່າງປະເທດ ແລະ ສາສະໜາ​ຂອງ​ອາກ​ຊັງ​ຕິນ; ບົດ​ບັນທຶກ​ຊ່ວຍ​ຈຳ ລະຫວ່າງ​ວິທະຍຸ​ກະຈາຍສຽງ​ຫວຽດນາມ ກັບ​ລະບົບ​ສື່ສານ ແລະ ​ສື່ສານ​ມວນ​ຊົນ ຂອງ​ອາກ​ຊັງ​ຕິນ.

ຂ່າວທີ່ກ່ຽວຂ້ອງ