ການເບິ່ງແຍງສຸຂະພາບຕາ ໄລຍະລະດູໜາວ

253 21 ກ.ພ. 2019 ຫົວຂໍ້ຂ່າວອື່ນໆ

    ເມື່ອ​ຮອດ​ລະ­ດູ​ໜາວ ມັກ​ຈະ​ມີ​ເຊື້ອ​ໂຣກ​ຕ່າງໆ​ເຂົ້າ​ມາ­ສູ່​ຮ່າງ­ກາຍ​ໄດ້​ງ່າຍ​ຖ້າ​ບໍ່​ປ້ອງ​ກັນ ໂດຍ​ສະ­ເພາະ​ແມ່ນ​ດວງ​ຕາ ເຊິ່ງ​ຈະ​ໄດ້​ກະ­ທົບ​ກັບ​ອາ­ກາດ​ໜາວ ແລະ ຝຸ່ນ​ລະ­ອອງ​ຕ່າງໆ​ທີ່​ປິວ​ມາ​ຕາມ​ລົມ ຈົນ​ເຮັດ​ໃຫ້​ເບິ່ງ​ພາບ​ບໍ່​ແຈ້ງ ຫຼື ບາງ­ເທື່ອ​ອາດ​ມີ​ເມືອກ ຫຼື ຂີ້­ຕາ​ຫຼາຍ​ກວ່າ​ປົກ­ກະ­ຕິ ຂັດ­ຕາ​ເວ­ລາ​ໃສ່​ຄອນ​ແທັກ​ແລນ ຖ້າ​ເກີດ​ອາ­ການ​ດັ່ງ­ກ່າວ ອາດ​ຈະ​ເກີດ​ຈາກ​ພາ­ວະ​ອາ­ການ​ຕາ​ແຫ້ງ ເຊິ່ງ​ພົບ​ໄດ້​ຫຼາຍ​ໃນ​ບ່ອນ​ທີ່​ມີ​ອາ­ກາດ​ແຫ້ງ ຫຼື ມີ​ຂີ້­ຝຸ່ນ ລົມ ອາ­ຊີບ​ທີ່​ຕ້ອງ​ໃຊ້​ສາຍ­ຕາ​ເບິ່ງ​ດົນໆ ດັ່ງ­ນັ້ນ ເຮົາ​ຈຶ່ງ​ມີ​ວິ­ທີ​ເບີ່ງ​ແຍງ​ສຸ­ຂະ­ພາບ​ຕາ​ໃນ​ໄລ­ຍະ​ລະ­ດູ​ໜາວ​ມາ​ຝາກ ດັ່ງ­ນີ້:

    - ຫຼັບ​ຕາ​ເລື່ອຍໆ​ໃນ​ຄະ­ນະ​ທີ່​ອ່ານ­ໜັງ­ສື ຫຼື ຈຶ້ງ​ເບິ່ງ​ຄອມ​ພິວ​ເຕີ​ດົນໆ

    - ພັກ­ຜ່ອນ​ສາຍ­ຕາ​ໄລ­ຍະ​ສັ້ນໆ ໂດຍ​ການ​ຫຼັບ​ຕາ 2-3 ນາ­ທີ ແລະ ບໍ່​ນັ່ງ​ຈຶ້ງ​ໜ້າ​ຄອມ​ພິວ​ເຕີ​ດົນໆ​ເກີນ 2 ຊົ່ວ­ໂມງ

    - ຫຼີກ​ລ່ຽງ​ການ​ໃຊ້​ຄອນ​ແທັກ​ແລນ ເປັນ​ເວ­ລາ​ດົນ​ເກີນ 8 ຊົ່ວ­ໂມງ​ຕໍ່​ມື້ ຫຼື ຢອດ​ນ້ຳ​ຕາ​ທຽມ 3-4 ຄັ້ງ

    - ເພີ່ມ​ຄວາມ​ຊຸ່ມ​ຊື່ນ​ໃນ​ຫ້ອງ​ນອນ ຫຼື ບ່ອນ​ເຮັດ​ວຽກ ໂດຍ​ນຳ​ຈອກ​ໃສ່​ນ້ຳ​ອຸ່ນໆ​ວາງ​ໄວ້ ເພື່ອ​ໃຫ້​ມີ​ຄວາມ​ຊຸ່ມ​ຊື່ນ​ໃນ​ອາ­ກາດ

    - ໃສ່​ແວ່ນ​ກັນ​ແດດ​ເວ­ລາ​ຢູ່​ນອກ​ອາ­ຄານ ປ້ອງ​ກັນ​ຂີ້­ຝຸ່ນ ລົມ ແລະ ແສງ​ແດດ

    - ດື່ມ­ນ້ຳ​ໃຫ້​ໄດ້​ຢ່າງ​ໜ້ອຍ​ມື້​ລະ 8-10 ຈອກ ແລະ ຮັບ​ປະ­ທານ​ອາ­ຫານ​ທີ່​ຊ່ວຍ​ບຳ­ລຸງ​ສາຍ­ຕາ

    ອາ­ການ​ພາ­ວະ​ຕາ​ແຫ້ງ ສ່ວນ​ຫຼາຍ​ຈະ​ເຊົາ​ໄດ້​ດ້ວຍ​ການ​ເບິ່ງ­ແຍງ​ຕົວ​ເອງ​ດັ່ງ­ກ່າວ ເວັ້ນ​ແຕ່​ມີ​ອາ­ການ​ເຄືອງ​ຕາ​ຢ່າງ​ຮຸນ​ແຮງ ຕາ­ມົວ ເມື່ອ​ຖືກ​ລົມ ຫຼື ໃສ່​ຄອນ​ແທັກ​ແລນ ມີ​ນ້ຳ​ຕາ​ໄຫຼ​ຫຼາຍ​ກວ່າ​ປົກ­ກະ­ຕິ ຈຶ່ງ​ຄວນ​ຕ້ອງ​ໄປ​ພົບ​ແພດ.

ຂ່າວທີ່ກ່ຽວຂ້ອງ