ອີ​ຣັກ ອະນຸຍາດ​ໃຫ້​ທະຫານ ສ ອາ​ເມ​ຣິ​ກາ​ຜ່ານ​ດິນແດນ​ຂອງ​ຕົນ ໃນ​ເວລາ​ຖອນ​ອອກ​ໄປ​ຈາກ​ຊີ​ຣີ

450 21 ກ.ພ. 2019 ຂ່າວຕ່າງປະເທດ
ອີ​ຣັກ ອະນຸຍາດ​ໃຫ້​ທະຫານ ສ ອາ​ເມ​ຣິ​ກາ​ຜ່ານ​ດິນແດນ​ຂອງ​ຕົນ ໃນ​ເວລາ​ຖອນ​ອອກ​ໄປ​ຈາກ​ຊີ​ຣີ

     ສື່ສານ​ໃນ​ເຂດ​ຕາເວັນ​ອອກ​ກາງ ອ້າງ​ຕາມ​ຄຳ​ປາ​ໄສ​ຂອງ​ທ່ານ ອັບ​ດູນ​ຄາ​ຣິມ ຮາ​ຊິມ ​ມົສ​ຕາ​ຟາ ທີ່​ປຶກສາ​ຂອງ​ນາຍົກລັດຖະມົນຕີ​ອີ​ຣັກ ທີ່​ມີ​ອອກ​ມາ​ເມື່ອ​ວັນ​ທີ 19 ກຸມພາ​ນີ້ ໃຫ້​ຮູ້​ວ່າ ອີ​ຣັກ ແລະ ສ ອາ​ເມ​ຣິ​ກາ ໄດ້​ບັນລຸ​ຂໍ້​ຕົກລົງ ກ່ຽວ​ກັບ​ການ​ອະນຸຍາດ​ໃຫ້​ທະຫານ​ຂອງ ສ ອາ​ເມ​ຣິ​ກາ ທີ່​ຖອນ​ອອກ​ໄປ​ຈາກ​ຊີ​ຣີ ນັ້ນ​ຜ່ານ​ດິນແດນ​ຂອງ​ອີ​ຣັກ.

    ສຳນັກ​ຂ່າວສານ Fars ອ້າງ​ຕາມ​ຄຳ​ເວົ້າ​ຂອງ ທ່ານ ​ມົສ​ຕາ​ຟາ ໃຫ້​ຮູ້​ວ່າ ສ ອາ​ເມ​ຣິ​ກາ ໄດ້​ໃຫ້​ສັນຍາ​ກັບ​ອີ​ຣັກ ວ່າ​ຂະ​ບວນ​ການ​ທີ່​ທະຫານ ສ ອາ​ເມ​ຣິ​ກາ ຖອນ​ອອກ​ໄປ​ຈາກ​ຊີ​ຣີ ຈະ​ໄດ້​ສຳເລັດ​ເສັດ​ສິ້ນ​ທັນທີ ເມື່ອ ສ ອາ​ເມ​ຣິ​ກາ ສຳເລັດ​ບັ້ນ​ຮົບ​ຢູ່​ທາງ​ທິດຕາເວັນອອກ​ຂອງ​ແມ່ນ້ຳ ຢຸບ​ຣາ​ເຕ​​ສ ແລະ ວ່າ​ເລື່ອງ​ນີ້​ຈະ​ມີ​ຂຶ້ນ​ກ່ອນ​ວັນ​ທີ 1 ເມສາ​ໜ້າ​ນີ້.

 

ຂ່າວທີ່ກ່ຽວຂ້ອງ