ຂ່າວຫຼ້າສຸດ

ນຳໃຊ້ທຶນຂອງກຸ່ມປູກພືດກະສິກຳອິນຊີ

2.671 11 ກ.ພ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ການ​ຜະ­ລິດ​ຢູ່​ບ້ານ​ເຮົາ ໃນ​ໄລ­ຍະ​ຜ່ານ​ມາ ກໍ​ຄື​ລຸ້ນ​ປູ່​ລຸ້ນ​ຍ່າ​ເພິ່ນ​ທຳ​ການ​ຜະ­ລິດ ໂດຍ​ການ​ເອື່ອຍ​ອີງ​ທຳ​ມະ​ຊາດ​ຫຼາຍ​ກ່ວ​າ ແຕ່​ຕົກ​ມາ­ໄລ​ຍະ​ໜຶ່ງ ຍ້ອນ​ຄວາມ​ຮຽກ­ຮ້ອງ​ຕ້ອງ­ການ ຂອງ​ຜົນ​ຜະ­ລິດ​ຫຼາຍ​ຂຶ້ນ ບວກ​ກັບ​ການ​ພັດ­ທະ­ນາ​ຂອງ​ຍຸກ​ສະ­ໄໝ ເຮັດ​ໃຫ້­ການ​ຜະ­ລິດ​ຕາມ​ທ້ອງ­ຖິ່ນ​ຕ່າງໆ ແມ່ນ​ໄດ້​ອີງ­ໃສ່​ທ່າ­ແຮງ​ແບບ​ວິ­ທະ­ຍາ­ສາດ ຈຶ່ງ​ໄດ້​ນຳ​ໃຊ້​ຝຸ່ນ​ເຄ​ມີ​ເຂົ້າ​ໃນ​ການ​ຜະ­ລິດ ຈົນ​ມາ​ເຖິງ​ປັດ­ຈຸ­ບັນ ແນ່­ນອນ​ການ​ໃຊ້​ຝຸ່ນ​ເຄ​ມີ ຫຼື ຝຸ່ນ­ວິ­ທະ­ຍາ­ສາດ ແມ່ນ​ໄດ້​ຮັບ​ຜົນ​ດີ ແຕ່​ມາ​ເບິ່ງ​ອີກ​ດ້ານ​ໜຶ່ງ ກໍ​ຄື​ຜົນ​ກະ­ທົບ​ຕໍ່​ຜູ້​ບໍ­ລິ­ໂພກ ແມ່ນ​ມີ​ຄວາມ​ສ່ຽງ ເພາະ​ການ​ຜະ­ລິດ​ທີ່​ນຳ​ໃຊ້​ຝຸ່ນ­ວິ­ທະ­ຍາ­ສາດ ຢາ​ຂ້າ​ແມງ­ໄມ້ ແລະ ອື່ນໆ ລ້ວນ​ແລ້ວ­ແຕ່​ແມ່ນ​ມີ​ສານ​ຕົກ​ຄ້າງ​ໃນ​ຜົນ​ຜະ­ລິດ​ຢ່າງ​ແນ່­ນອນ ດັ່ງ­ນັ້ນ ປັດ­ຈຸ­ບັນ ຫຼາຍໆ​ຂົງ­ເຂດ​ຈຶ່ງ​ເຫັນ​ໄດ້​ຄວາມ​ສຳ­ຄັນ​ໃນ​ການ​ບໍ­ລິ­ໂພກ ຈຶ່ງ​ໄດ້​ມີ​ການ​ທົດ​ລອງ​ການ​ປູກ​ພືດ​ປອດ​ສານ­ພິດ ເວົ້າ​ລວມ​ແລ້ວ ແມ່ນ​ຕ້ອງ­ການ​ຫັນ​ຈາກ​ການ​ຜະ­ລິດ​ທີ່​ໃຊ້​ສານ​ເຄ​ມີ ມາ​ໃຊ້​ຝຸ່ນ​ຊີ­ວະ​ພາບ ຫຼື ກະ­ສິ­ກຳ​ອິນ​ຊີ ເຊິ່ງ​ວັດ­ຖຸ​ດິບ​ທີ່​ນຳ​ເຂົ້າ​ມາ​ເປັນ​ສ່ວນ​ປະ­ສົມ ແຕ່​ອາດ​ຈະ​ແຕກ​ຕ່າງ ກໍ​ຍ້ອນ​ຕ້ອງ​ໃຊ້​ເຕັກ­ນິກ ແລະ ສ່ວນ​ປະ­ສົມ​ຫຼາຍ​ກ່ວ​າ.</p> <p style="text-align: justify;"> ກຸ່ມ​ຜະ­ລິດ​ພືດ​ອິນ​ຊີ​ບ້ານ​ທ່າ​ຊ້າງ ທີ່​ຫາ​ກໍ​ໄດ້​ຮັບ​ການ​ກໍ່​ຕັ້ງ​ຂຶ້ນ​ມາ​ໄດ້ 8 ເດືອນ ເຊິ່ງ​ທ່ານ ທັດ­ສະ­ນີ ພິ­ລະ​ວົງ ຫົວ­ໜ້າ​ກຸ່ມ​ຜະ­ລິດ​ພືດ​ອິນ​ຊີ​ບ້ານ​ທ່າ​ຊ້າງ ກ່າວ​ວ່າ ແຕ່​ກ່ອນ ການ​ຜະ­ລິດ​ຢູ່​ບ້ານ​ພວກ​ເຮົາ ສ່ວນ​ຫຼາຍ​ແມ່ນ​ມີ​ພຽງ​ການ​ປູກ​ເຂົ້າ ໂດຍ​ການ​ນຳ​ໃຊ້​ຝຸ່ນ​ເຄ​ມີ ເຊິ່ງ​ສະ­ມັດ​ຕະ​ພາບ​ໃນ​ການ​ຜະ­ລິດ​ແມ່ນ​ປະ­ມານ 1 ໂຕນ​ກ່ວ​າ​ຕໍ່​ເຮັກ­ຕາ ເມື່ອ​ເປັນ​ແນວ​ນັ້ນ ຈຶ່ງ​ໄດ້​ຂໍ​ທິດ​ຊີ້​ນຳ​ກັບ​ຂັ້ນ​ເທິງ ກໍ​ຄື​ກະ­ຊວງ​ກະ­ສິ­ກຳ-ປ່າ­ໄມ້ ພະ​ແນກ​ກະ­ສິ­ກຳ-ປ່າ­ໄມ້ ນະ­ຄອນ­ຫຼວງ​ວຽງ​ຈັນ ໂຄງ­ການ​ປູກ​ພືດ​ອິນ​ຊີ​ຂອງ​ອົງ­ການ ຮາ​ວິ​ຕັສ ປະ­ເທດ​ສະ​ວິດ​ເຊີ​ແລນ ແລະ ຫ້ອງ­ການ​ກະ­ສິ­ກຳ-ປ່າ­ໄມ້​ເມືອງ ແລະ ໄດ້​ຫັນ­ປ່ຽນ​ວິ­ທີ​ປູກ​ແບບ​ນຳ​ໃຊ້​ສານ​ເຄ​ມີ ມາ​ປູກ​ດ້ວຍ​ຝຸ່ນ​ອິນ​ຊີ ເຮັດ​ໃຫ້​ສະ­ມັດ​ຕະ​ພາບ​ເພີ່ມ​ຂຶ້ນ 1 ໄລ່ ປະ­ມານ 1 ໂຕນ​ກ່ວ​າ ຈາກ​ຜົນ​ໄດ້​ຮັບ​ດັ່ງ­ກ່າວ ຈຶ່ງ​ໄດ້​ສ້າງ­ຕັ້ງ​ກຸ່ມ​ຜະ­ລິດ​ພືດ​ອິນ​ຊີ​ບ້ານ​ທ່າ​ຊ້າງ​ຂຶ້ນ ເພື່ອ​ປະ­ກອບ­ສ່ວນ​ເຮັດ​ໃຫ້​ປະ­ເທດ​ລາວ​ເຮົາ ສາ­ມາດ​ສົ່ງ​ອອກ​ຜົນ​ຜະ­ລິດ​ກະ­ສິ­ກຳ ໃນ​ປີ 2015 ຕາມ​ທິດ​ຊີ້​ນຳ​ຂອງ​ຂັ້ນ​ເທິງ ໃນ​ເບື້ອງ​ຕົ້ນ​ພາຍ​ໃນ​ກຸ່ມ​ມີ 50 ກ່ວ​າ​ຄອບ­ຄົວ ແຕ່​ຍ້ອນ​ການ­ຈັດ­ຕັ້ງ​ກຸ່ມ​ຜະ­ລິດ​ພືດ​ດັ່ງ­ກ່າວ ຈຳ­ເປັນ​ຕ້ອງ​ໄດ້​ໃຊ້​ທຶນ­ຮອນ ເຮັດ​ໃຫ້​ຫຼາຍ​ຄອບ­ຄົວ ຕ້ອງ​ຖອນ​ໂຕ​ອອກ​ຍ້ອນ​ບໍ່​ມີ​ທຶນ­ຮອນ ປັດ­ຈຸ­ບັນ ເຫຼືອ​ພຽງ​ແຕ່ 8 ຄອບ­ຄົວ ທີ່​ຍັງ​ສືບ­ຕໍ່ ໂດຍ​ໄດ້​ສົມ­ທົບ​ທຶນ​ຈຳ­ນວນ​ໜຶ່ງ ແລະ ໃຊ້​ເນື້ອ­ທີ່​ດິນ​ຂອງ​ສະ­ມາ­ຊິກ​ເອງ ໂດຍ​ມີ​ອຳ­ນາດ​ການ​ປົກ­ຄອງ​ບ້ານ ໂຄງ­ການ​ຂອງ​ອົງ­ການ ຮາ​ວິ​ຕັສ ຫ້ອງ­ການ​ກະ­ສິ­ກຳ-ປ່າ­ໄມ້​ເມືອງ​ປາກ​ງື່ມ ແລະ ຂັ້ນ​ເທິງ ໃຫ້­ການ​ຊີ້​ນຳ ແລະ ແນະ­ນຳ​ວິ­ທີ​ການ​ຕ່າງໆ ໂດຍ​ສະ­ເພາະ​ແມ່ນ ທາງ​ກຸ່ມ​ສາ­ມາດ​ຜະ­ລິດ​ນ້ຳ​ຈຸ​ລິນ​ຊີ ເພື່ອ​ເປັນ​ສ່ວນ​ປະ­ສົມ​ຫຼັກ​ຂອງ​ຝຸ່ນ​ຊີ­ວະ​ພາບ ຖື​ໄດ້​ວ່າ​ມີ​ຄວາມ​ເໝາະ​ສົມ​ຫຼາຍ ພາຍ­ຫຼັງ​ດຳ­ເນີນ​ການ​ຜະ­ລິດ​ເປັນ​ເວ­ລາ 8 ເດືອນ ໂດຍ​ການ​ປູກ​ຜັກ​ສະ­ຫຼັດ ເຫັນ​ວ່າ​ໄດ້​ຮັບ​ຜົນ​ດີ ມາ​ຮອດ​ປັດ­ຈຸ­ບັນ ສາ­ມາດ​ນຳ​ຜັກ​ສະ­ຫຼັດ​ໄປ​ຂາຍ ຕາມ​ຕະ­ຫຼາດ​ທົ່ວ​ໄປ​ໄດ້​ເຖິງ 1 ໂຕນ ໃນ​ລາ­ຄາ​ເທົ່າ​ທຽມ​ກັບ​ຜັກ​ຕາມ​ທ້ອງ​ຕະ­ຫຼາດ ເຊິ່ງ​ຕະ­ຫຼາດ​ທີ່​ນຳ­ໄປ​ສົ່ງ​ນັ້ນ ແມ່ນ​ມີ​ຕະ­ຫຼາດ​ທົ່ງ​ຂັນ​ຄຳ ຂົວ​ດິນ ແລະ ໜອງ​ແຕ່ງ.</p> <p style="text-align: justify;"> ນີ້​ແມ່ນ​ໄດ້​ນຳ​ໃຊ້​ທຶນ​ພາຍ​ໃນ​ກຸ່ມ ເພື່ອ​ສະ­ໜອງ​ຜົນ​ຜະ­ລິດ​ທີ່​ດີ​ມີ​ຄຸນ​ນະ​ພາບ​ໃຫ້​ລູກ​ຄ້າ ແຕ່​ໃນ­ຕໍ່­ໜ້າ ກຸ່ມ​ດັ່ງ­ກ່າວ​ແມ່ນ​ເລັ່ງ​ປັບ­ປຸງ​ຄຸນ​ນະ​ພາບ​ຂອງ​ຜົນ​ຜະ­ລິດ ເພື່ອ​ໃຫ້​ໄດ້​ຮັບ​ໃບ­ຢັ້ງ­ຢືນ​ກະ­ສິ­ກຳ​ອິນ​ຊີ ຈາກ​ກົມ​ປູກ­ຝັງ ກະ­ຊວງ​ກະ­ສິ­ກຳ-ປ່າ­ໄມ້ ເຊິ່ງ​ປັດ­ຈຸ­ບັນ ແມ່ນ​ກຳ­ລັງ​ເກັບ​ກຳ​ຂໍ້​ມູນ​ໄປ​ວິ­ໄຈ ກ່ຽວ​ກັບ​ຄຸນ​ນະ​ພາບ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ