ປະທານາທິບໍດີ ສ ອາ​ເມ​ຣິ​ກາ ປົກ​ປ້ອງ​ຖະແຫຼງການ​ພາວະ​ສຸກ​ເສີນ​ລະດັບ​ຊາດ

263 19 ກ.ພ. 2019 ຂ່າວຕ່າງປະເທດ
ປະທານາທິບໍດີ ສ ອາ​ເມ​ຣິ​ກາ ປົກ​ປ້ອງ​ຖະແຫຼງການ​ພາວະ​ສຸກ​ເສີນ​ລະດັບ​ຊາດ

       ທ່ານ ສະ​ເຕ​ເຟນ ມີ​​ລ​ເລີ ທີ່​ປຶກສາ​ອະ​ວຸ​ໂສ​ຂອງ​ທຳ​ນຽບ​ຂາວ ກ່າວ​ຕໍ່​ຜູ້​ສື່​ຂ່າວ ເມື່ອ​ວັນ​ທີ 17 ກຸມພາ​ນີ້​ວ່າ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ພ້ອມ​ແລ້ວ​ທີ່​ຈະ​ໃຊ້​ສິດ​ຢັບ​ຢັ້ງ ເປັນ​ເທື່ອ​ທຳ​ອິດ ໃນ​ໄສ​​ະ​ໄໝ​ດຳລົງ​ຕຳແໜ່ງ​ຂອງ​ເຂົາ ຖ້າ​ຫາ​ກວ່າ​ສະພາ​ແຫ່ງ​ຊາດ​ລົງ​ຄະແນນ​ສຽງ ບໍ່​ຮັບຮອງ​ຖະແຫຼງການ​ກ່ຽວ​ກັບ​ພາວະ​ສຸກ​ເສີນ​ລະດັບ​ຊາດ ລຽບ​ຕາມ​ຊາຍ​ແດນ ສ ອາ​ເມ​ຣິ​ກາ - ເມັກ​ຊິກ.

    ກ່ອນ​ໜ້າ​ນັ້ນ ເມື່ອ​ວັນ​ທີ 15 ກຸມພາ​ທີ່​ຜ່ານ​ມາ ປະທານາທິບໍດີ ທຣຳ ໄດ້​ປະກາດ​ພາວະ ສຸກ​ເສີນ​ລະດັບ​ຊາດ​ຢ່າງ​ເປັນ​ທາງ​ການ ກ່ຽວ​ກັບ​ການ​ສ້າງ​ກຳແພງ​ຊາຍ​ແດນ ລະຫວ່າງ ສ ອາ​ເມ​ຣິ​ກາ ກັບ ເມັກ​ຊິກ. ຈາກ​ການ​ປະກາດ​ພາວະ​ສຸກ​ເສີນ​ດັ່ງກ່າວ ປະທານາທິບໍດີ ທຣຳ ສາມາດ​ທີ່​ຈະ ເຂົ້າ​ເຖິງ​ບ້ວງ​ງົບປະມານ ທີ່​ປະມານ 8 ຕື້​ໂດ​ລາ​ສະຫະລັດ ຈາກ​ກະຊວງ ແລະ​ຂະແໜງການ​ຕ່າງໆ ເພື່ອ​ໃຫ້​ມີຄ່າ​ໃຊ້​ຈ່າຍ​ພໍ ຈຳນວນ 5,7 ຕື້​ໂດ​ລາ​ສະຫະລັດ ໃນ​ການ​ຮັບ​ໃຊ້​ໃຫ້​ແກ່​ການ ກໍ່ສ້າງ​ກຳແພງ​ຊາຍ​ແດນ​ດັ່ງກ່າວ ໂດຍ​ທີ່​ບໍ່​ຈຳເປັນ​ເຖິງ​ການ​ໃຫ້​ສັດຕະຍາບັນ​ຂອງ​ສະພາ​ແຫ່ງ​ຊາດ.

    ອີກ​ດ້ານ​ໜຶ່ງ ໃນ​ວັນ​ດຽວ​ກັນ ປະທານາທິບໍດີ ທຣຳ ກໍ​ໄດ້​ລົງ​ນາມ​ປະກາດ​ໃຊ້​​ກົດ​ໝາຍ ວ່າ​ດ້ວຍ​ງົບປະມານ ໃຫ້​ແກ່​ການເຄື່ອນໄຫວ​ຂອງ​ລັດຖະບານ ຊຶ່ງ​ສະພາ​ແຫ່ງ​ຊາດ​ໄດ້​ຮັບຮອງ​ໄປ​ແລ້ວ ກ່ອນ​ໜ້າ​ນັ້ນ.

ຂ່າວທີ່ກ່ຽວຂ້ອງ