ຂ່າວຫຼ້າສຸດ

ສະເໜີ ສສຊ ສສ ນວ ຊີ້ແຈງກ່ຽວກັບການນຳໃຊ້ທີ່ດິນຢູ່ກຸ່ມເວີນຄຳ

397 19 ກ.ພ. 2019 ຂ່າວໜ້າ​ໜຶ່ງ
ສະເໜີ ສສຊ ສສ ນວ ຊີ້ແຈງກ່ຽວກັບການນຳໃຊ້ທີ່ດິນຢູ່ກຸ່ມເວີນຄຳ

    ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ຊຸດ​ທີ VIII ແລະ ສະ­ມາ­ຊິກ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ (ສສ ນວ) ຊຸດ​ທີ I ໜ່ວຍ​ທີ 5 ເມືອງ​ໄຊ​ທາ­ນີ ນຳ​ໂດຍ​ທ່ານ​ນາງ ຄຳ​ຟອງ ພູມ​ວົງ​ໄຊ ຮອງ​ປະ­ທານ​ຄະ­ນະ ສສຊ ຊຸດ​ທີ VIII ປະ­ຈຳ​ເຂດ​ເລືອກ​ຕັ້ງ​ທີ 1 ຮອງ​ປະ­ທານ ສສ ນວ ທ່ານ ບົວ​ລີ ແກ້ວ​ມະ­ນີ​ວັນ ສສ ນວ ຊຸດ​ທີ I ຫົວ­ໜ້າ​ຫ້ອງ­ການ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ເມືອງ​ໄຊ​ທາ­ນີ ລົງ​ພົບ​ປະ​ປະ­ຊາ­ຊົນ ວັນ​ທີ 18 ກຸມ­ພາ 2019 ຢູ່​ວັດ​ບ້ານ​ເວີນ​ຄຳ ເພື່ອ​ພົບ​ປະ ແລະ ເຜີຍ­ແຜ່​ຜົນ­ສຳ­ເລັດ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ ສສຊ ຊຸດ​ທີ VIII ແລະ ສປ ນວ ຊຸດ​ທີ I ແລະ ຮັບ​ຟັງ​ຄຳ​ຄິດ​ເຫັນ​ຄຳ​ສະ­ເໜີ​ຂອງ​ປະ­ຊາ­ຊົນ​ກ່ຽວ​ກັບ​ບັນ­ຫາ​ຂັດ­ຂ້ອງ​ໝອງ​ໃຈ​ຕ່າງໆ ເພື່ອ​ຈະ​ສະ­ເໜີ​ຕໍ່​ອຳ­ນາດ​ການ​ປົກ­ຄອງ ແລະ ພາກ­ສ່ວນ​ກ່ຽວ­ຂ້ອງ​ປັບ­ປຸງ​ແກ້​ໄຂ ໂດຍ​ມີ​ທ່ານ ບຸນ​ມາ ຈະ​ສົ໋ວ​ເກົ້າ ຮອງ​ເຈົ້າ­ເມືອງ​ໄຊ​ທາ­ນີ ນາຍ­ບ້ານ ແລະ ປະ­ຊາ­ຊົນ​ເຂົ້າ​ຮ່ວມ.

    ທ່ານ​ນາງ ຄຳ​ຟອງ ພູມ​ວົງ​ໄຊ ໄດ້​ເຜີຍ­ແຜ່​ຜົນ­ສຳ­ເລັດ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ເຊິ່ງ​ຈັດ​ຂຶ້ນ​ວັນ​ທີ 20 ພະ­ຈິກ-21 ທັນ­ວາ 2018 ໂດຍ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ໃນ​ນີ້ ໄດ້​ພິ­ຈາ­ລະ­ນາ ແລະ ຮັບ­ຮອງ​ເອົາ​ບົດ​ລາຍ​ງານ​ກ່ຽວ​ກັບ​ການ­ເຄື່ອນ­ໄຫວ​ວຽກ​ງານ​ພົ້ນ​ເດັ່ນ​ຂອງ​ລັດ­ຖະ­ບານ ປະ­ຈຳ​ປີ 2018 ແລະ ແຜນ­ການ ປະ­ຈຳ​ປີ 2019 ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ​ແຫ່ງ​ລັດ ແຜນ​ເງິນ­ຕາ ປະ­ຈຳ​ປີ 2018 ແລະ ແຜນ­ການ ປະ­ຈຳ​ປີ 2019 ຂອງ​ລັດ­ຖະ­ບານ ການ­ເຄື່ອນ­ໄຫວ​ວຽກ​ງານ​ອົງ­ການ​ກວດ​ສອບ ປະ­ຈຳ​ປີ 2018 ແຜນ­ການ­ເຄື່ອນ­ໄຫວ​ວຽກ​ງານ​ກວດ​ສອບ ປະ­ຈຳ​ປີ 2019 ການ​ກວດ​ສອບ​ສະ­ຫຼຸບ​ຂາດ​ຕົວ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ ປະ­ຈຳ​ປີ 2017 ແລະ ບົດ​ລາຍ​ງານ​ອົງ­ການ​ກວດ­ກາ​ລັດ­ຖະ­ບານ​ກ່ຽວ​ກັບ​ຜົນ​ຂອງ​ການ​ກວດ​ສອບ ພິ­ຈາ­ລະ­ນາ ແລະ ຮັບ­ຮອງ​ເອົາ​ການ​ຊີ້​ແຈງ​ຂອງ​ລັດ­ຖະ­ບານ ນອກ​ນີ້​ຍັງ​ໄດ້​ພິ­ຈາ­ລະ­ນາ ແລະ ຮັບ­ຮອງ​ເອົາ​ການ​ແຕ່ງ­ຕັ້ງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ແລະ ຜູ້​ວ່າ­ການ​ທະ­ນາ­ຄານ​ແຫ່ງ ສປປ ລາວ ພິ­ຈາ­ລະ­ນາ ແລະ ຮັບ­ຮອງ​ເອົາ​ກົດ­ໝາຍ 8 ສະ­ບັບ ໃນ​ນີ້ ກົດ­ໝາຍ​ສ້າງ​ໃໝ່ 7 ສະ­ບັບ ກົດ­ໝາຍ​ປັບ­ປຸງ 1 ສະ­ບັບ ພ້ອມ​ທັງ​ໄດ້​ເຜີຍ­ແຜ່​ຜົນ­ສຳ­ເລັດ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ ສສ ນວ ຊຸດ​ທີ I ເຊິ່ງ​ຈັດ​ຂຶ້ນ​ວັນ​ທີ 25-28 ທັນ­ວາ 2018.

    ຫຼັງ​ຈາກ​ການ​ເຜີຍ­ແຜ່​ຜົນ­ສຳ­ເລັດ​ຂອງ​ສອງ​ກອງ​ປະ­ຊຸມ​ດັ່ງ­ກ່າວ ກໍ​ໄດ້​ເປີດ​ໂອ­ກາດ​ໃຫ້​ປະ­ຊາ­ຊົນ​ສະ­ເໜີ​ຂໍ້​ຂ້ອງ​ໃຈ​ຕ່າງໆ ໃນ​ນີ້ ປະ­ຊາ­ຊົນ​ໄດ້​ສະ­ເໜີ​ຕໍ່​ຜູ້​ແທນ ຢາກ​ໃຫ້​ອະ­ທິ­ບາຍ​ກ່ຽວ​ກັບ​ບັນ­ຫາ​ທີ່​ດິນ ໂດຍ​ສະ­ເພາະ ທີ່​ດິນ​ຢູ່​ເຂດ​ກຸ່ມ​ເວີນ​ຄຳ ໄດ້​ມີ​ການ​ຕິດ​ປ້າຍ​ຈະ​ສ້າງ​ໂຄງ­ການ​ກະ­ສິ­ກຳ​ສະ­ອາດ ໃນ​ຕົວ​ຈິງ​ແມ່ນ​ບໍ່​ມີ​ໂຄງ­ການ​ກະ­ສິ­ກຳ​ສະ­ອາດ ແຕ່​ມີ​ການ​ແບ່ງ​ດິນ​ດັ່ງ­ກ່າວ​ເປັນ​ລັອກ ແລ້ວ​ສ້າງ​ເຮືອນ​ໃສ່ ເນື່ອງ​ຈາກ​ທີ່​ດິນ​ທີ່​ປະ­ຊາ­ຊົນ​ເຄີຍ​ທຳ​ການ​ຜະ­ລິດ​ມາ​ກ່ອນ ແຕ່​ປັດ­ຈຸ­ບັນ​ບໍ່​ສາ­ມາດ​ເຮັດ​ໄດ້​ແລ້ວ ບັນ­ຫາ​ເສັ້ນ­ທາງ​ເຂົ້າ​ບ້ານ​ເປ່​ເພ ບັນ­ຫາ​ນ້ຳ​ຖ້ວມ ຢາກ​ໃຫ້​ພາກ­ສ່ວນ​ກ່ຽວ­ຂ້ອງ​ເອົາ­ໃຈ­ໃສ່ ຄວນ​ມີ​ວິ­ທີ​ປ່ອຍ​ນ້ຳ​ເຂື່ອນ ຖ້າ​ປ່ອຍ​ອອກ​ຫຼາຍ​ບາດ​ດຽວ ຜົນ​ກະ­ທົບ​ຮັບ​ຄວາມ​ເສຍ​ຫາຍ​ແມ່ນ​ປະ­ຊາ­ຊົນ ການ​ຈົກ​ດິນ​ຊະ­ຊາຍ ການ​ສໍ້​ລາດ​ບັງ​ຫຼວງ​ທີ່​ຍັງ​ແກ້​ໄຂ​ບໍ່​ຕົກ ໂດຍ​ສະ­ເພາະ ບັນ­ຫາ​ການ​ຊື້​ຈ້າງ​ເຂົ້າ​ເຮັດ​ວຽກ​ນຳ­ພາ​ກລັດ ບັນ­ຫາ​ຢາ​ເສບ​ຕິດ ນ້ຳ​ປະ­ປາ​ບໍ່​ພຽງ­ພໍ ໂດຍ​ສະ­ເພາະ ໜ່ວຍ 23-24 ແມ່ນ​ຂາດ​ນ້ຳ​ໃຊ້ ເຈາະ​ນ້ຳ​ບາ​ດານ​ບໍ່​ໄດ້ ແລະ ບັນ­ຫາ​ອື່ນໆ​ອີກ​ຈຳ­ນວນ​ໜຶ່ງ ຈາກ​ນັ້ນ ຄະ­ນະ​ຜູ້​ແທນ ກໍ​ໄດ້​ຊີ້​ແຈ້ງ​ຕໍ່​ບັນ­ຫາ​ທີ່​ປະ­ຊາ­ຊົນ​ສະ­ເໜີ ແລະ ສັງ​ລວມ​ເກັບ​ກຳ​ຂໍ້​ສະ­ເໜີ​ນຳ­ໄປ​ສະ­ເໜີ​ຕໍ່​ພາກ­ສ່ວນ​ກ່ຽວ­ຂ້ອງ ເພື່ອ​ປັບ­ປຸງ ແລະ ແກ້​ໄຂ​ໃຫ້​ດີ​ຂຶ້ນ.

    ວັນ​ດຽວ​ກັນ​ນີ້ ຄະ­ນະ​ຜູ້​ແທນ​ດັ່ງ­ກ່າວ ກໍ​ໄດ້​ສືບ­ຕໍ່​ລົງ​ໄປ​ພົບ​ປະ​ປະ­ຊາ­ຊົນ ແລະ ຜົນ­ສຳ­ເລັດ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ ສສຊ ຊຸດ​ທີ VIII ແລະ ສປ ນວ ຊຸດ​ທີ I ແລະ ຮັບ​ຟັງ​ຄຳ​ຄິດ​ເຫັນ ຄຳ​ສະ­ເໜີ​ຂອງ​ປະ­ຊາ­ຊົນ​ກ່ຽວ​ກັບ​ບັນ­ຫາ​ຂັດ­ຂ້ອງ​ໝອງ​ໃຈ​ຕ່າງໆ ເພື່ອ​ຈະ​ສະ­ເໜີ​ຕໍ່​ອຳ­ນາດ​ການ​ປົກ­ຄອງ ແລະ ພາກ­ສ່ວນ​ກ່ຽວ­ຂ້ອງ​ປັບ­ປຸງ​ແກ້​ໄຂ ຢູ່​ວັດ​ບ້ານ​ຊ້າງ​ຄູ້ ໂດຍ​ມີ​ທ່ານ ຄຳ​ຜົງ ແພງ​ສີ​ສົມ­ບູນ ຫົວ­ໜ້າ​ຫ້ອງ­ການ​ໂຍ­ທາ​ທິ​ການ ແລະ ຂົນ­ສົ່ງ ເມືອງ​ໄຊ​ທາ­ນີ ພ້ອມ​ດ້ວຍ​ອຳ­ນາດ​ການ​ປົກ­ຄອງ​ບ້ານ ແລະ ປະ­ຊາ­ຊົນ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ