ສ້າງຄວາມເຂັ້ມແຂງໃຫ້ວຽກງານລິຂະສິດໃນ ສປປ ລາວ

155 19 ກ.ພ. 2019 ຂ່າວໜ້າ​ໜຶ່ງ
ສ້າງຄວາມເຂັ້ມແຂງໃຫ້ວຽກງານລິຂະສິດໃນ ສປປ ລາວ

    ກົມ​ຊັບ​ສິນ​ທາງ​ປັນ­ຍາ ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ (ກວ​ຕ) ຮ່ວມ​ກັບ​ອົງ­ການ​ຊັບ​ສິນ​ທາງ​ປັນ­ຍາ​ໂລກ ພາຍ​ໃຕ້​ການ​ສະ­ໜັບ­ສະ­ໜູນ​ຈາກ​ສຳ­ນັກ­ງານ​ລິ​ຂະ​ສິດ​ຍີ່­ປຸ່ນ ແລະ ອົງ­ການ​ຮັບ­ຜິດ­ຊອບ​ວຽກ​ງານ​ວັດ­ທະ­ນະ­ທຳ​ປະ­ເທດ​ຍີ່­ປຸ່ນ ຈັດ​ກອງ​ປະ­ຊຸມ​ກ່ຽວ​ກັບ​ການ​ສ້າງ​ຄວາມ​ເຂັ້ມ­ແຂງ​ໃຫ້​ວຽກ​ງານ​ລິ​ຂະ​ສິດ​ໃນ ສປປ ລາວ ຂຶ້ນ​ວັນ​ທີ 18 ກຸມ­ພາ 2019 ຢູ່​ໂຮງ­ແຮມ​ລ້ານ​ຊ້າງ ໂດຍ​ເປັນ​ປະ­ທານ​ຂອງ​ທ່ານ ມາ­ຄະ ຈັນ­ທະ​ລາ ຮອງ​ຫົວ­ໜ້າ​ກົມ​ຊັບ​ສິນ​ທາງ​ປັນ­ຍາ ທ່ານ​ນາງ ເກົາ ຮ່າງ ຫົວ­ໜ້າ​ພະ​ແນກ​ພັດ­ທະ­ນາ​ວຽກ​ງານ​ລິ​ຂະ​ສິດ​ອົງ­ການ​ຊັບ​ສິນ​ທາງ​ປັນ­ຍາ​ໂລກ ແລະ ທ່ານ Yosiaki Ishida ຫົວ­ໜ້າ​ຫ້ອງ­ການ​ລິ​ຂະ​ສິດ​ສາ­ກົນ ສຳ­ນັກ­ງານ​ລິ​ຂະ​ສິດ​ຍີ່­ປຸ່ນ ມີ​ຜູ້­ຕາງ­ໜ້າ​ຈາກ​ກະ­ຊວງ​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ​ເພື່ອ​ປຶກ­ສາ​ຫາ­ລື​ກ່ຽວ​ກັບ​ສະ­ພາບ​ການ​ວຽກ​ງານ​ລິ​ຂະ​ສິດ ແລະ ສິດ​ກ່ຽວ­ຂ້ອງ​ກັບ​ລິ​ຂະ​ສິດ​ໃນ​ປັດ­ຈຸ­ບັນ ພ້ອມ​ທັງ​ກຳ­ນົດ​ທິດ​ທາງ​ໃນ­ຕໍ່­ໜ້າ ເພື່ອ​ນຳ​ມາ​ປັບ­ປຸງ ພັດ­ທະ­ນາ​ລິ​ຂະ​ສິດ ແລະ ສິດ​ກ່ຽວ­ຂ້ອງ​ກັບ​ລິ​ຂະ​ສິດ ທັງ​ເປັນ​ການ​ເຜີຍ­ແຜ່​ຄວາມ​ຮູ້​ກ່ຽວ​ກັບ​ລິ​ຂະ​ສິດ ແລະ ສິດ​ກ່ຽວ­ຂ້ອງ​ກັບ​ລິ​ຂະ​ສິດ ເພື່ອ​ແນ­ໃສ່​ໃຫ້​ຜູ້​ເຂົ້າ​ຮ່ວມ​ໄດ້​ຮັບ​ຮູ້-ເຂົ້າ­ໃຈ​ຕໍ່​ບົດ­ບາດ​ຄວາມ​ສຳ­ຄັນ​ວຽກ​ງານ​ດັ່ງ­ກ່າວ​ໃນ ສປປ ລາວ ແລະ ສາ­ກົນ ພ້ອມ​ທັງ​ນຳ­ໄປ​ໝູນ​ໃຊ້​ໃນ​ວຽກ​ງານ​ຂອງ​ຕົນ ໃຫ້​ເກີດ​ດອກ​ອອກ​ຜົນ.

ຂ່າວທີ່ກ່ຽວຂ້ອງ