ຂ່າວຫຼ້າສຸດ

ຄູເຝິກເຕະບານລາວ ໄດ້ຮັບໃບປະກາດ A ລາຍເຊັນ ຈາກ AFC

102 19 ກ.ພ. 2019 ວົງຈອນກີລາ
ຄູເຝິກເຕະບານລາວ ໄດ້ຮັບໃບປະກາດ A ລາຍເຊັນ ຈາກ AFC

    ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ໄດ້​ຈັດ​ພິ­ທີ​ມອບ​ໃບ­ຢັ້ງ­ຢືນ AFC ‘A’ Coaching Certificate Course ໃຫ້​ກັບ​ຄູ​ເຝິກ​ທີ່​ສອບ­ເສັງ​ຜ່ານ​ໄດ້ ເອ​ລາຍ ເຊັນ ຂຶ້ນ​ໃນ​ວັນ​ພຸດ 13 ກຸມ­ພາ 2019 ຜ່ານ​ມາ ຢູ່ ສຕລ ປະ­ກອບ​ມີ 5 ທ່ານ ຄື: ທ່ານ ເວີນ​ສະ­ຫວັນ ສີ​ວິ​ໄຊ ຈາກ​ສະ­ໂມ­ສອນ​ພີ​ວີ ເອັບ​ຊີ ທ່ານ ສົມ​ສັກ ແກ້ວ​ດາ­ລາ ຈາກ ສຕລ ທ່ານ​ນາງ ດອນ​ສະ­ຫວັນ ໄຊ​ຍະ​ສົມ­ບັດ ຈາກ​ແຂວງ​ຈຳ­ປາ​ສັກ ແລະ ຄູ​ເຝິກ​ຈາກ​ປະ­ເທດ​ໄທ ອີກ 2 ທ່ານ ຄື ທ່ານ CHUSAK SRIPHUM ແລະ ທ່ານ Rachan Sarakome ໃຫ້​ກຽດ​ມອບ​ໂດຍ ທ່ານ​ນາງ ກັນ­ຍາ ແກ້ວ​ມະ­ນີ ເລ­ຂາ­ທິ­ການ ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ.

    ມາ​ຮອດ​ປັດ­ຈຸ­ບັນ​ຢູ່ ສປປ ລາວ ມີ​ຄູ​ເຝິກ​ລະ­ດັບ ເອ AFC ‘A’ Coaching Certificate Course ມີ 7 ທ່ານ ຄື: ທ່ານ ວາ­ລະ​ກອນ ພົມ​ພັກ­ດີ ທ່ານ ຈັນ​ດາ​ລາ­ພອນ ລຽບ​ວິ​ໄຊ ຈາກ​ສະ­ໂມ­ສອນ​ແບ​ລາວ ອະ​ຄາ​ເດ​ມີ ທ່ານ ໂກ​ວັນ ນາມ​ທະ­ວີ​ໄຊ ຈາກ​ສະ­ໂມ­ສອນ​ກອງ­ທັບ ເອັບ​ຊີ ທ່ານ​ນາງ ພອນ​ທິບ ແສງ​ມະ­ນີ ຈາກ ສຕລ ທ່ານ​ນາງ ດອນ​ສະ­ຫວັນ ໄຊ​ຍະ​ສົມ­ບັດ ຈາກ​ແຂວງ​ຈຳ­ປາ​ສັກ ທ່ານ ເວີນ​ສະ­ຫວັນ ສີ​ວິ​ໄຊ ຈາກ​ສະ­ໂມ­ສອນ ພີ​ວີ ແລະ ທ່ານ ສົມ​ສັກ ແກ້ວ​ດາ­ລາ ຈາກ ສຕລ.

    ສຳ­ລັບ​ແຜນ­ການ​ພັດ­ທະ­ນາ​ຄູ​ເຝິກ​ຂອງ ສຕລ ຈະ​ໄດ້​ຈັດ​ເຝິກ­ອົບ­ຮົມ​ຄູ​ເຝິກ​ລະ­ດັບ ຊີ AFC ‘C’ Coaching Certificate Course ໃນ​ລະ­ຫວ່າງ​ວັນ​ທີ 1-12 ເມ­ສາ 2019 ໂດຍ​ເງື່ອນ­ໄຂ​ຜູ້​ເຂົ້າ​ຮ່ວມ​ເຝິກ­ອົບ­ຮົມ ແມ່ນ​ບັນ­ດາ​ສະ­ຫະ­ພັນ​ບານ­ເຕະ​ແຂວງ/ສະ­ໂມ­ສອນ​ບານ­ເຕະ/ມະ­ຫາ­ວິ­ທະ­ຍາ­ໄລ/ວິ­ທະ­ຍາ­ໄລ/ໂຮງ­ຮຽນ ຫຼື ອົງ​ການ­ຈັດ­ຕັ້ງ​ຕ່າງໆ ສາ­ມາດ​ສົ່ງ​ຜູ້​ເຂົ້າ​ຮ່ວມ 1 ຫາ 2 ທ່ານ ຕໍ່​ສະ­ໂມ­ສອນ ຫຼື ຕໍ່​ພາກ­ສ່ວນ.

    ສ່ວນ​ການ​ປະ­ກອບ​ເອ­ກະ­ສານ​ເຂົ້າ​ເຝິກ­ອົບ­ຮົມ​ຕາມ​ແບບ​ຟອມ​ທີ່ ສຕລ ສົ່ງ​ໃຫ້​ບໍ່​ໃຫ້​ກາຍ​ວັນ​ທີ 28 ກຸມ­ພາ 2019 ການ​ຍື່ນ​ໃບ​ສະ­ໝັກ​ຕ້ອງ​ມີ​ຟອມ​ສະ­ໝັກ​ຂອງ ສຕລ ກ໋ອບ​ປີ້​ສີ ໃບ­ຢັ້ງ­ຢືນ ‘ຊີ’ ຄັດ​ຕິດ​ມາ​ພ້ອມ ຜູ້​ມີ​ສີດ​ເຂົ້າ​ເຝິກ­ອົບ­ຮົມ​ຕ້ອງ​ຜ່ານ​ການ​ພິ­ຈາ­ລະ­ນາ ຮັບ­ຮອງ​ຈາກ​ສະ­ຫະ­ພັນ​ເຕະ­ບານ​ອາ­ຊີ ແລະ ສຕລ ກ່ອນ ຕ້ອງ​ຮັບ­ປະ­ກັນ​ຄວາມ​ພ້ອມ​ຂອງ​ຮ່າງ­ກາຍ​ຕະ­ຫຼອດ​ການ​ເຝິກ­ອົບ­ຮົມ ຕ້ອງ​ປະ­ຕິ­ບັດ​ຕາມ​ກົດ​ລະ­ບຽບ​ການ​ເຝິກ­ອົບ­ຮົມ ຂອງ​ສະ­ຫະ­ພັນ​ບານ­ເຕະ​ອາ­ຊີ​ວາງ​ອອກ​ຢ່າງ​ເຂັ້ມ​ງວດ ຕ້ອງ​ສາ­ມາດ ຟັງ ຂຽນ ອ່ານ ພາ­ສາ​ອັງ­ກິດ​ໄດ້​ຍິ່ງ​ເປັນ​ການ​ດີ.

    ສາ­ມາດ​ຕິດ­ຕໍ່​ສອບ​ຖາມ​ຂໍ້​ມູນ​ໄດ້​ທີ່ ທ່ານ ກັນ­ລະ­ຍາ ສີ​ສົມ​ຫວັງ ເບີ​ໂທ 020 99707053 ທ່ານ ອຸດ­ຕະ­ມະ ຂາງ​ມະ­ນີ​ວົງ ເບີ​ໂທ 020 54443133 ຄວາມ​ຮັບ­ຜິດ­ຊອບ​ຂອງ ສຕລ ສ່ວນ​ສະ­ຖານ­ທີ່​ການ​ເຝິກ­ອົບ­ຮົມ (ຫ້ອງ​ຮຽນ ແລະ ສະ­ໜາມ​ເຝິກ­ແອບ) ເຄື່ອງ­ນຸ່ງ​ສຳ­ລັບ​ການ​ເຝິກ­ອົບ­ຮົມ ຈຳ­ນວນ 2 ຊຸດ ອາ­ຫານ​ຫວ່າງ ນ້ຳ​ດື່ມ ແລະ ນ້ຳ­ກ້ອນ ຮັບ​ໃຊ້​ໃນ​ການ​ເຝິກ­ອົບ­ຮົມ ອາ­ຫານ​ທ່ຽງ ສຳ­ລັບ​ສຳ​ມະ​ນາ​ກອນ​ຜູ້​ທີ່​ເຂົ້າ​ຮ່ວມ​ເຝິກ­ອົບ­ຮົມ ມີ​ທີ່​ພັກ ແລະ ອາ­ຫານ​ແລງ​ໃຫ້​ສຳ­ລັບ​ສຳ​ມະ​ນາ​ກອນ​ຜູ້​ເຂົ້າ​ຮ່ວມ​ເຝິກ­ອົບ­ຮົມ​ທີ່​ມາ​ຈາກ​ຕ່າງ​ແຂວງ.

ຂ່າວທີ່ກ່ຽວຂ້ອງ