ຂ່າວຫຼ້າສຸດ

ເຈົ້າ​ໜ້າທີ່​ກຳປູເຈຍ​ຈະ​ແກ້​ໄຂ​ບັນຫາ “ຜູ້ນຳ​ທ່ຽວ​ມືດ” ຢູ່​ອັງ​ກໍ​ວັດ

571 15 ກ.ພ. 2019 ຂ່າວຕ່າງປະເທດ
ເຈົ້າ​ໜ້າທີ່​ກຳປູເຈຍ​ຈະ​ແກ້​ໄຂ​ບັນຫາ “ຜູ້ນຳ​ທ່ຽວ​ມືດ” ຢູ່​ອັງ​ກໍ​ວັດ

     ເຈົ້າ​ໜ້າທີ່​ໃນ​ແຂວງ​ສຽມ​ຣຽບ ຂອງ​ກຳປູເຈຍ ກ່າວ​ເມື່ອ​ວັນ​ທີ 8 ກຸມພາ​ທີ່​ຜ່ານ​ມາ ວ່າ​ລັດຖະບານ ຈະ​ນຳ​ໃຊ້​ມາດ​ຕະການ​ຢ່າງ​ເຂັ້ມ​ງວດ ເພື່ອ​ແກ້​ໄຂ​ບັນຫາ “ຜູ້ນຳ​ທ່ຽວ​ມືດ” ນັ້ນ​ກໍ​ຄື​ຄົນ​ຕ່າງປະເທດ​ນຳ​ທ່ຽວ​ຢ່າງ​ຜິດ​ກົດໝາຍ​ຢູ່​ບໍລິເວນ​ອັງ​ກໍ​ວັດ.

   ເຈົ້າ​ໜ້າທີ່​ແຂວງ​ສຽມ​ຣຽບ ກ່າວ​ວ່າ ຢູ່​ແຫຼ່ງ​ທ່ອງ​ທ່ຽວ​ອັງ​ກໍ​ວັດ ມີ “ຜູ້ນຳ​ທ່ຽວ​ມືດ” ຈຳນວນ​ຫຼາຍ. ດັ່ງນັ້ນ ພະ​ແນກ​ທ່ອງ​ທ່ຽວ ກົມ​ຕຳຫຼວດ ສາລະວັດ​ທະຫານ ແລະ ສະມາຄົມ​ຜູ້ນຳ​ທ່ຽວ​ຂອງ​ແຂວງ​ດັ່ງກ່າວ ຄວນ​ສ້າງ​ກົນ​ໄກ​ແລກປ່ຽນ​ກັນ ເມື່ອ​ພົບ​ເຫັນ​ຄົນ​ຕ່າງປະເທດ​ນຳ​ທ່ຽວ​ຢ່າງ​ຜິດ​ກົດໝາຍ ຫຼື​ເຫດການ​ສຸກ​ເສີນ​ອື່ນໆ ຄວນ​ແຈ້ງ​ໃຫ້​ຮູ້​ໃນ​ທັນທີ. ພ້ອມ​ກັນ​ນັ້ນ​ກໍ​ຄວນ​ສຳ​ຫຼວດ ແລະ ຈົດ​ທະບຽນ​ຄົນ​ຕ່າງປະເທດ​ປະຈຳ​ຢູ່​ແຂວງ​ສຽມ​ຣຽມ​ເປັນ​ເວລາ​ຍາວ​ນານ ເພື່ອ​ເພີ່ມ​ທະວີ​ການ​ຄຸ້ມ​ຄອງ.

    ອຸດສາຫະກຳ​ທ່ອງ​ທ່ຽວ ເປັນ​ໜຶ່ງ​ໃນ​ອຸດສາຫະກຳ​ເສົາຄ້ຳ​ຂອງ​ກຳປູເຈຍ. ກະຊວງ​ທ່ອງ​ທ່ຽວ​ກຳປູເຈຍ​ແຈ້ງ​ໃຫ້​ຮູ້​ວ່າ ປີ​ກາຍ​ນີ້ ກຳປູເຈຍ​ໄດ້​ຮັບ​ຕ້ອນ​ນັກ​ທ່ອງ​ທ່ຽວ​ຕ່າງປະເທດ 6,2 ລ້ານ ເທື່ອ​ຄົນ ເພີ່ມ​ຂຶ້ນ 11% ເມື່ອ​ທຽບໃສ່​ໄລຍະ​ດຽວ​ກັນ​ປີ 2017. ໃນ​ນັ້ນ, ນັກ​ທ່ອງ​ທ່ຽວ​ຈີນ​ມີ​ຈຳນວນ 1,9 ລ້ານ​ເທື່ອ​ຄົນ ເພີ່ມ​ຂຶ້ນ 58,33% ເມື່ອ​ທຽບໃສ່​ປີ 2017. ຈີນ​ກາຍເປັນ​ປະເທດ​ແຫຼ່ງ​ນັກ​ທ່ອງ​ທ່ຽວ​ໃຫຍ່​ທີ່​ສຸດ​ຂອງ​ກຳປູເຈຍ ຕິດຕໍ່​ກັນ​ໃນ​ປີ 2017 ແລະ ປີ 2018.

ຂ່າວທີ່ກ່ຽວຂ້ອງ