ຂ່າວຫຼ້າສຸດ

ສ ເກົາຫຼີ ລົງທຶນ 13.200 ຕື້​ວອນ ເພື່ອ​ພັດທະນາ​ເຂດ​ຊາຍ​ແດນ

563 15 ກ.ພ. 2019 ຂ່າວຕ່າງປະເທດ
ສ ເກົາຫຼີ ລົງທຶນ 13.200 ຕື້​ວອນ ເພື່ອ​ພັດທະນາ​ເຂດ​ຊາຍ​ແດນ

     ກະຊວງ​ບໍລິຫານ ແລະ ຄວາມ​ປອດ​ໄພ​ຂອງ ສ ເກົາຫຼີ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ໄດ້​ດຳເນີນ​ການ​ດັດແກ້  “ແຜນການ​ພັດທະນາ​ສັງ​ລວມ​ໃນ​ເຂດ​ຊາຍ​ແດນ” ແລະ​ ໄດ້​ຮັບຮອງ​ຢູ່​ໃນ​ຄະນະ​ກຳມະການ​ຮັບຮອງ​ນະໂຍບາຍ​ເຂດ​ຊາຍ​ແດນ ຊຶ່ງ​ຕາມ​ນັ້ນແລ້ວ​ກໍ​ແມ່ນ ສ ເກົາຫຼີ ຕົກລົງ​ລົງທຶນ 13.200 ຕື້​ວອນ (ເທົ່າ​ກັບ​ເກືອບ 12 ຕື້​ໂດ​ລາ​ສະຫະລັດ) ເພື່ອ​ພັດທະນາ​ເຂດ​ຊາຍ​ແດນ ຮອດ​ປີ 2030.

    ຍອດ​ຂອງ​ຂະໜາດ​ການ​ລົງທຶນ ປະກອບ​ມີ 4,8 ຕື້​ໂດ​ລາ​ສະຫະລັດ ຈາກ​ງົບປະມານ​ຂອງ​ລັດ 1,96 ຕື້​ໂດ​ລາ​ສະຫະລັດ ຈາກ​ງົບປະມານ​ຂອງ​ທ້ອງຖິ່ນ ແລະ 4,98 ຕື້​ໂດ​ລາ​ສະຫະລັດ ຈາກ​ການ​ລະດົມ​ທຶນ​ຂອງ​ເອກະ​ຊົນ.

    ບັນດາ​ໂຄງການ​ລົງທຶນ ແມ່ນ​ສຸມ​ໃສ່ 4 ຂົງເຂດ ອັນ​ປະກອບ​ດ້ວຍ ການ​ກໍ່ສ້າງ​ປຶກ​ແຜ່ນ​ການ​ຮ່ວມ​ມື ການ​ພົບ​ປະ​ແລກປ່ຽນ​ລະຫວ່າງ​ສອງ​ເກົາຫຼີ ກໍ່ສ້າງ​ປຶກ​ແຜ່ນ​ການ​ພັດທະນາ​ທີ່​ມີ​ຄວາມ​ກ້ຳ​ເກິ່ງ ຊຸກຍູ້​ການທ່ອງທ່ຽວ​ຊີວະ​ພາບ ສັນຕິພາບ ແລະ ເປີດ​ກວ້າງ​ພື້ນຖານ​ໂຄງ​ລ່າງ​ດ້ານ​ເສດຖະກິດ-ສັງຄົມ ໃຫ້​ແກ່​ປະຊາຊົນ​ໃນ​ທ້ອງຖິ່ນ.

    ໃນ​ການ​ດັດແກ້​ນັ້ນ ກະຊວງ​ບໍລິຫານ ແລະ ຄວາມ​ປອດ​ໄພ​ຂອງ ສ ເກົາຫຼີ  ໄດ້​ປັບ​ຈາກ​ລະດັບ 16,72 ຕື້​ໂດ​ລາ​ສະຫະລັດ ທີ່​ໄດ້​ວາງ​ອອກ​ມາ​ຢູ່​ໃນ​ແຜນການ ຊຶ່ງ​ປະກາດ​ເມື່ອ​ປີ  2011.
 

ຂ່າວທີ່ກ່ຽວຂ້ອງ