ຂ່າວຫຼ້າສຸດ

ຄຳສະມຸດ ຍາດໄດ້ຫຼຽນທອງ ກີລາຍົກນ້ຳນັກຊີງແຊັມນາໆຊາດ

377 11 ກ.ພ. 2019 ວົງຈອນກີລາ
ຄຳສະມຸດ ຍາດໄດ້ຫຼຽນທອງ ກີລາຍົກນ້ຳນັກຊີງແຊັມນາໆຊາດ

    ທ່ານ​ນາງ ເຄືອ​ຄຳ​ລີ ລີ​ເຢືອ​ວື ຄູ​ເຝີກ​ກີ­ລາ​ຍົກ​ນ້ຳ­ໜັກ​ທີມ​ຊາດ​ລາວ ກຳ­ມະ­ການ​ຕັດ­ສິນ​ການ​ແຂ່ງ­ຂັນ​ກີ­ລາ​ຍົກ​ນ້ຳ​ນັກ ຊີງ​ແຊັມ​ນາໆຊາດ ຢູ່​ແຂວງ​ຊຽງ​ໃໝ່ ຣາ​ຊະ​ອາ­ນາ­ຈັກ​ໄທ ໃນ​ວັນ​ທີ 6 ກຸມ­ພາ 2019 ວ່າ: ວັນ​ທີ 2-7 ກຸມ­ພາ ຜ່ານ​ມາ ໄດ້​ມີ​ການ​ແຂ່ງ­ຂັນ​ກີ­ລາ​ຍົກ​ນ້ຳ­ໜັກ ຊີງ​ແຊັມ​ນາໆຊາດ ມີ​ນັກ­ກີ­ລາ 300 ກວ່າ​ຄົນ ຈາກ 6 ປະ­ເທດ ຄື: ໄທ ລາວ ມຽນ​ມາ ຮົງ​ກົງ ສ ເກົາ­ຫຼີ ແລະ ສິງ­ກະ­ໂປ ປະ­ກອບ​ມີ​ມີ 20 ຮຸ່ນ ຍິງ 10 ຮຸ່ນ.

    ສຳ­ລັບ​ສະ­ຫະ­ພັນ​ກີ­ລາ​ຍົກ​ນ້ຳ­ໜັກ​ແຫ່ງ​ຊາດ​ລາວ ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 4 ຄົນ ຄື: ທ້າວ ແສງ​ທະ­ວີ ຍົກ​ໃນ​ຮຸ່ນ​ນ້ຳ­ໜັກ 61 ກິ​ໂລ ທ້າວ ຄຳ​ສະ​ມຸດ ເພັດ​ຮືນ​ຍາວ ຍົກ​ໃນ​ຮຸ່ນ​ນ້ຳ­ໜັກ 55 ກິ​ໂລ ນາງ ໄມ​ເຢຍ​ວື ຍົກ​ໃນ​ຮຸ່ນ​ນ້ຳ­ໜັກ 55 ກິ​ໂລ ແລະ ນາງ ອາ​ລິ​ສາ ໄຊ​ຍະ​ສິດ ຍົກ​ໃນ​ຮຸ່ນ​ນ້ຳ­ໜັກ 64 ກິ​ໂລ ທັງ 20 ຮຸ່ນ ແຂ່ງ­ຂັນ 2 ທ່າ ຍົກ​ທ່າ​ລະ 3 ຄັ້ງ ຄື ທ່າ​ສະ​ເນັດ ແລະ ທ່າ​ຄຣິນ​ແອນ​ເຈີ້ດ.

    ຜ່ານ​ການ​ແຂ່ງ­ຂັນ ນັກ­ກີ­ລາ​ມີ​ພຽງ​ທ້າວ ຄຳ​ສະ​ມຸດ ເພັດ​ຮືນ​ຍາວ ທີ່​ສາ­ມາດ​ຍາດ​ໄດ້​ຫຼຽນ​ທອງ​ຈາກ​ການ​ເຂົ້າ​ຮ່ວມ​ແຂ່ງ­ຂັນ​ໃນ​ຮຸ່ນ​ນ້ຳ­ໜັກ​ດັ່ງ­ກ່າວ 7 ຄົນ ຄື: ໄທ 6 ຄົນ ແລະ ລາວ 1 ຄົນ ສ່ວນ​ອີກ 4 ປະ­ເທດ ໃນ​ນີ້​ທ້າວ ຄຳ​ສະ​ມຸດ ເພັດ​ຮືນ​ຍາວ ສາ­ມາດ​ຍົກ​ນ້ຳ 2 ທ່າ ໄດ້​ຄະ­ແນນ​ລວມ 100 ຄະ­ແນນ ສ່ວນ​ອັນ​ດັບ​ທີ 1 ແລະ ທີ 2 ເປັນ​ຂອງ​ນັກ­ກີ­ລາ​ໄທ.

ຂ່າວທີ່ກ່ຽວຂ້ອງ