ລົດຈັກບິນໄດ້ ນະວັດຕະກຳໃໝ່ຫຼ້າສຸດ ຈາກຣັດເຊຍ

404 07 ກ.ພ. 2019 ຫົວຂໍ້ຂ່າວອື່ນໆ

    ຢ້ອນ​ກັບ​ໄປ​ເມື່ອ 3 ປີ​ທີ່​ຜ່ານ​ມາ ເມື່ອ​ບໍ­ລິ­ສັດ Hoversuft ບໍ­ລິ­ສັດ​ດ້ານ​ເຕັກ​ໂນ​ໂລ​ຊີ​ຈາກ​ປະ­ເທດ​ຣັດ​ເຊຍ ທີ່​ກໍ່​ຕັ້ງ​ໂດຍ​ທ່ານ Alex Atamanov ໄດ້​ເປີດ­ເຜີຍ​ໂສມ​ຕົ້ນ​ແບບ​ລົດ­ຈັກ​ບິນ​ໄດ້ ແລະ ໃນ​ຕອນ​ນີ້ ເຂົາ​ກໍ​ພ້ອມ​ແລ້ວ​ສຳ­ລັບ​ການ​ເປິດ​ໃຫ້​ຈັບ­ຈອງ​ເປັນ​ເຈົ້າ​ຂອງ​ກັນ ດ້ວຍ​ລາ­ຄາ​ເລີ່ມ​ຕົ້ນ​ພຽງ 150.000 ເອີ​ໂຣ (ປະ­ມານ 1,46 ຕື້​ກີບ).

    ບໍ­ລິ­ສັດ Hoversurf ຄາດ​ວ່າ​ຈະ​ພ້ອມ​ໃຫ້​ເປິດ​ຈອງ​ພາຍ​ໃນ​ຕົ້ນ​ເດືອນ​ກຸມ­ພາ​ນີ້ ພາຍ­ຫຼັງ​ຈາກ​ການ​ທົດ​ສອບ​ຄັ້ງ​ສຸດ​ທ້າຍ​ກັບ​ຮຸ່ນ Hoverbike S3 ທີ່​ສູນ​ເຕັກ​ໂນ​ໂລ​ຊີ ສະ​ໂຄລ​ໂຄ​ໂວ ພາຍ​ໃນ​ນະ­ຄອນ­ຫຼວງ​ມົດ​ສະ​ກູ ປະ­ເທດ​ຣັດ​ເຊຍ​ເມື່ອ​ທ້າຍ​ປີ​ທີ່​ຜ່ານ​ມາ ໂດຍ​ລົດ­ຈັກ Hoverbike S3 ຈະ​ໃຊ້​ພະ­ລັງ­ງານ​ຈາກ​ນ້ຳ­ມັນ​ເຊື້ອ​ໄຟ ຫຼື ແບດ​ເຕີ​ຣີ່​ແບບ​ຊາຣ໌ດຊ້ຳ​ໄດ້ ໂດຍ​ນ້ຳ­ໜັກ​ຕົວ​ຍານ ຈະ​ຢູ່​ປະ­ມານ 114 ກິ​ໂລ​ກຼາມ ແລະ ເຮັດ​ຄວາມ​ໄວ​ໄດ້​ຫຼາຍ​ກວ່າ 96 ກິ­ໂລ­ແມັດ/ຊົ່ວ­ໂມງ ເຊິ່ງ​ທາງ​ຜູ້​ຜະ­ລິດ​ກໍ​ແນະ­ນຳ​ວ່າ ການ​ຂັບ​ຂີ່​ຢ່າງ​ປອດ​ໄພ​ທີ່​ສຸດ ຄວນ​ຢູ່​ສູງ​ຈາກ​ພື້ນ​ບໍ່​ເກີນ 5 ແມັດ.

    ປັດ­ຈຸ­ບັນ​ນີ້ Hoverbike ມີ​ການ​ໃຊ້​ງານ​ແລ້ວ​ທີ່​ເມືອງ​ດູ​ໄບ ໂດຍ​ຕຳ­ຫຼວດ​ທ້ອງ­ຖິ່ນ​ຂອງ​ທາງ​ການ​ເອງ ສ່ວນ​ຄວາມ​ຄາດ​ຫວັງ​ຂອງ​ບໍ­ລິ­ສັດ​ນັ້ນ ຕ້ອງ­ການ​ໄດ້​ຮັບ​ອະ­ນຸ­ຍາດ​ໃຫ້​ວາງ​ຈຳ­ໜ່າຍ​ພາຍ​ໃນ​ສະ­ຫະ­ລັດ​ອາ​ເມ​ຣິ​ກາ ໄດ້​ຢ່າງ​ເປັນ​ທາງ​ການ​ຈາກ FAA ຫຼື ອົງ­ການ​ການ­ບິນ​ສະ­ຫະ­ລັດ​ອາ​ເມ​ຣິ​ກາ ເຊິ່ງ​ຈະ​ເປັນ​ໂອ­ກາດ​ທີ່​ເຮັດ​ໃຫ້​ລົດ­ຈັກ Hoverbike ລຳ​ນີ້​ໃຊ້​ງານ​ໄດ້​ພາຍ​ໃນ​ພື້ນ​ທີ່​ໃຫ້​ບິນ​ໂດຍ​ສະ­ເພາະ ຫຼື ໃນ​ພື້ນ​ທີ່​ສ່ວນ​ບຸກ­ຄົນ​ໄດ້​ໂດຍ​ບໍ່​ຕ້ອງ​ມີ​ໃບ​ອະ­ນຸ­ຍາດ​ການ­ບິນ.

- ວ.ດາ​ຣາ​ວົງ-ນຳ​ສະ­ເໜີ

ຂ່າວທີ່ກ່ຽວຂ້ອງ