ນັກກີລາຄົນພິການລາວ ຮ່ວມສ້າງກິດຈະກຳ ຢູ່ໂຮງຮຽນນານາຊາດປັນຍາທິບ

268 07 ກ.ພ. 2019 ວົງຈອນກີລາ
ນັກກີລາຄົນພິການລາວ ຮ່ວມສ້າງກິດຈະກຳ ຢູ່ໂຮງຮຽນນານາຊາດປັນຍາທິບ

    ທ່ານ ສຸກ​ທະ­ວິ​ສອນ ຄູນ​ສີ​ປະ­ເສີດ ຫົວ­ໜ້າ​ຄູ​ເຝິກ​ກີ­ລາ​ອົງ­ການ​ຄົນ​ພິ­ການ​ອາ­ຊີ ເພື່ອ​ການ​ພັດ­ທະ­ນາ (ADDP) ຄູ​ເຝິກ​ກີ­ລາ​ຍົກ​ນ້ຳ­ໜັກ​ທີມ​ຊາດ​ລາວ ນຳ­ພາ​ຄູ​ເຝິກ ແລະ ນັກ­ກີ­ລາ​ຄົນ​ພິ­ການ​ຕາ ແລະ ຂາ ເຂົ້າ​ຮ່ວມ​ກີ­ລາ​ເຕະ­ບານ​ຄົນ​ພິ­ການ​ຕາ ແລະ ກີ­ລາ​ລໍ້​ເລື່ອນ​ຄົນ​ພິ­ການ​ຂາ ທີ່​ໂຮງ­ຮຽນ​ນາ­ນາ​ຊາດ​ປັນ­ຍາ​ທິບ ຈັດ​ຂຶ້ນ​ວັນ​ທີ 29 ມັງ­ກອນ 2019 ຢູ່​ໂຮງ­ຮຽນ​ດັ່ງ­ກ່າວ.

    ທ່ານ ສຸກ​ທະ­ວິ​ສອນ ຄູນ​ສີ​ປະ­ເສີດ ກ່າວ​ວ່າ: ໃນ​ການ​ສ້າງ​ກິດ­ຈະ­ກຳ​ຄັ້ງ​ນີ້ ເພື່ອ​ໃຫ້​ຄົນ​ພິ­ການ ແລະ ຄົນ​ບໍ່​ພິ­ການ​ສາ­ມາດ​ດຳ­ລົງ​ຊີ­ວິດ​ຢ່າງ​ມີ​ຄວາມ­ສຸກ​ຮ່ວມ​ກັນ ແລະ ຮ່ວມ​ກິດ­ຈະ­ກຳ​ນຳ​ກັນ​ໄດ້ ໃນ​ນີ້​ມີ​ການ​ແຂ່ງ­ຂັນ​ລະ­ຫວ່າງ​ຄົນ​ພິ­ການ​ດ້ວຍ​ກັນ ແລະ ໄດ້​ມີ​ການ​ສາ­ທິດ​ໃຫ້​ຜູ້​ເຂົ້າ​ຮ່ວມ​ໄດ້​ຮູ້­ຈັກ​ກະ­ຕິ​ກາ ແລະ ການ​ຫຼິ້ນ ພາກ​ທິດ​ສະ​ດີ ແລະ ການ​ປະ­ຕິ­ບັດ​ຕົວ​ຈິງ​ຂັ້ນ​ພື້ນ­ຖານ.

    ຕາງ­ໜ້າ​ອົງ­ການ ADDP ຂໍ​ສະ­ແດງ​ຄວາມ​ຂອບ­ໃຈ​ໂຮງ­ຮຽນ​ນາ­ນາ​ຊາດ​ປັນ­ຍາ​ທິບ ທີ່​ໄດ້​ໃຫ້​ໂອ­ກາດ​ບັນ­ດາ​ນັກ­ກີ­ລາ​ຄົນ​ພິ­ການ ໄດ້​ມີ​ສ່ວນ​ຮ່ວມ​ຈັດ​ກິດ­ຈະ­ກຳ​ທີ່​ເປັນ​ແບບ­ຢ່າງ ແຮງ​ບັນ­ດານ​ໃຈ ແລະ ຄວາມ​ຮູ້​ໃໝ່ໆ​ໃຫ້​ນ້ອງ​ນັກ­ຮຽນ ເພື່ອ​ນຳ­ໄປ​ພັດ­ທະ­ນາ​ຕົນ​ເອງ​ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ