ລາວ-ຈີນ ຮ່ວມສຳຫຼວດອຸດສາຫະກຳ ທີ່ເປັນມິດກັບສິ່ງແວດລ້ອມ

288 05 ກ.ພ. 2019 ຂ່າວໜ້າ​ໜຶ່ງ

    ເພື່ອ​ສະ­ໜັບ­ສະ­ໜູນ​ສົ່ງ­ເສີມ​ນະ­ໂຍ­ບາຍ “ໜຶ່ງ​ແລວ ໜຶ່ງ​ເສັ້ນ­ທາງ” ຊ່ວຍ­ເຫຼືອ “ຂະ­ຫຍາຍ” ບໍ­ລິ­ສັດ​ຈີນ ລົງ​ເລິກ​ເຂົ້າ­ໃຈ​ເຖິງ​ສະ­ພາບ​ແວດ​ລ້ອມ ການ​ລົງ­ທຶນ​ຢູ່​ປະ­ເທດ​ມຽນ​ມາ ກຳ­ປູ­ເຈຍ ແລະ ລາວ ສົ່ງ­ເສີມ​ການ​ຮ່ວມ​ມື​ທາງ​ດ້ານ​ເສດ­ຖະ­ກິດ-ການ​ຄ້າ​ຂອງ​ທັງ​ສອງ​ຝ່າຍ ວັນ​ທີ 9-18 ມັງ­ກອນ 2019 ຜ່ານ​ມາ ສະ­ພາ​ສົ່ງ­ເສີມ​ການ​ຄ້າ​ຈີນ ສູນ​ກາງ​ການ​ລົງ­ທຶນ ອົງ​ກອນ​ກວາງ­ຊີ​ໄດ້​ຈັດ 8 ໜ່ວຍ​ງານ​ທຸ­ລະ​ກິດ​ດ້ານ​ອຸດ­ສາ­ຫະ­ກຳ​ລະ­ບາຍ​ນ້ຳ ແລະ ຜູ້​ແທນ​ໃນ​ການ​ຮັກ­ສາ​ຄວາມ​ປອດ​ໄພ​ລະ­ຫວ່າງ​ປະ­ເທດ 11 ທ່ານ ໄປ​ຢ້ຽມ­ຢາມ​ປະ­ເທດ​ມຽນ​ມາ ກຳ­ປູ­ເຈຍ ແລະ ລາວ ເຊິ່ງ​ໄລ­ຍະ​ເວ­ລາ​ການ​ສຳ​ຫຼວດ​ມີ 10 ວັນ ມີ 3 ປະ­ເທດ 5 ຕົວ​ເມືອງ 6 ຖ້ຽວ​ບິນ 22 ເທື່ອ​ຂອງ​ກອງ​ປະ­ຊຸມ.

    ຕະ­ຫຼອດ​ໄລ­ຍະ​ເວ­ລາ​ຢ້ຽມ­ຢາມ ສະ­ພາ​ຕົວ​ແທນ​ໄດ້​ເຂົ້າ​ຢ້ຽມ​ຄຳ­ນັບ​ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ ຮອງ​ລັດ­ຖະ­ມົນ­ຕີ​ກະ­ຊວງ​ກ່ຽວ­ຂ້ອງ ຢ້ຽມ­ຢາມ​ສະ­ຖານ­ທູດ​ຈີນ ປະ­ຈຳ​ລາວ ສະ­ພາ​ຫໍ​ການ​ຄ້າ​ທຸ­ລະ​ກິດ​ຈີນ ອົງ​ກອນ​ລົງ­ທຶນ​ຊາວ​ຈີນ ແລະ ຫົວ­ໜ່ວຍ​ທຸ­ລະ​ກິດ​ຕ່າງໆ ພ້ອມ​ທັງ​ໄດ້​ຊ່ວຍ­ເຫຼືອ​ດຳ­ເນີນ 3 ໂຄງ­ການ ສົ່ງ­ເສີມ​ການ​ຮ່ວມ​ມື​ທາງ​ດ້ານ​ເສດ­ຖະ­ກິດ-ການ​ຄ້າ​ຂອງ​ທັງ​ສອງ​ຝ່າຍ​ໃຫ້​ໄດ້​ຮັບ​ໝາກ­ຜົນ ແລະ ສຳ­ເລັດ​ໄປ​ດ້ວຍ​ດີ ຊ່ວຍ­ເຫຼືອ​ນັກ­ທຸ­ລະ­ກິດ​ຈີນ ໃຫ້​ມີ​ຄວາມ​ເຂົ້າ­ໃຈ​ເລິກ­ເຊິ່ງ ເຖິງ​ສະ­ພາບ​ແວດ​ລ້ອມ​ການ​ລົງ­ທຶນ​ຂອງ​ທ້ອງ­ຖິ່ນ ຊ່ວຍ­ເຫຼືອ “ຂະ­ຫຍາຍ” ບໍ­ລິ­ສັດ​ຈີນ​ອອກ​ສູ່​ພາຍ​ນອກ ເຊິ່ງ​ກຸ່ມ​ນັກ​ສຳ​ຫຼວດ​ໄດ້​ເຂົ້າ​ມາ​ຢ້ຽມ­ຢາມ​ປະ­ເທດ​ລາວ ປະ­ກອບ​ມີ: ທ່ານ luozhuowei ຕົວ​ແທນ​ສະ­ພາ​ສົ່ງ­ເສີມ​ການ​ຄ້າ​ຈີນ ສູນ​ກາງ​ການ​ລົງ­ທຶນ​ອົງ​ກອນ ແລະ ສະ​ຖາ​ບັນ​ການ​ອອກ​ແບບ​ອຸດ­ສາ­ຫະ­ກຳ​ທີ່​ເປັນ​ມິດ​ກັບ​ສິ່ງ­ແວ­ດລ້ອມ ທ່ານ​ນາງ ເຮີ ຢ້ຽນ​ຢ້ຽນ ປະ­ທານ​ສະ­ພາ​ສົ່ງ­ເສີມ​ການ​ຄ້າ​ຈີນ ສາ­ຂາ​ອຸດ­ສາ­ຫະ­ກຳ​ການ​ກໍ່­ສ້າງ ປະ­ຈຳ​ລາວ.

    ກຸ່ມ​ນັກ​ສຳ​ຫຼວດ​ໄດ້​ສອບ​ຖາມ ແລະ ປຶກ­ສາ​ຫາ­ລື​ແລກ­ປ່ຽນ​ກັບ​ບັນ­ດາ​ກະ­ຊວງ​ຕ່າງໆ​ຂອງ​ລາວ ແລະ ຫົວ­ໜ່ວຍ​ທຸກ​ລະ​ກິດ ເຊິ່ງ​ມີ​ເນື້ອ​ໃນ​ດັ່ງ­ນີ້: ແບບ­ແຜນ​ການ​ຮັກ­ສາ​ສິ່ງ­ແວ­ດລ້ອມ​ໃນ​ປັດ­ຈຸ­ບັນ ແລະ ອະ­ນາ­ຄົດ ການ​ລະ­ບາຍ​ນ້ຳ​ປະ­ປາ​ທ້ອງ­ຖິ່ນ ການ​ບໍ­ລິ­ຫານ​ຈັດ­ການ​ຂີ້​ເຫຍື້ອ​ໃນ​ອະ­ນາ­ຄົດ ແຜນ­ການ​ສ້າງ​ໂຮງ­ງານ​ຜະ­ລິດ​ນ້ຳ​ປະ­ປາ ແລະ ລະ­ບົບ​ບຳ­ບັດ​ນ້ຳ​ເປື້ອນ ຂໍ້​ກຳ­ນົດ​ດ້ານ​ລະ­ບຽບ​ກົດ­ໝາຍ ແລະ ນະ­ໂຍ­ບາຍ​ທີ່​ກ່ຽວ­ຂ້ອງ​ກັບ​ການ​ລົງ­ທຶນ ຂໍ້​ກຳ­ນົດ​ໃນ​ການ​ຮັກ­ສາ​ສິ່ງ­ແວ­ດລ້ອມ ຂໍ້​ກຳ­ນົດ​ໃນ​ການ​ຈ້າງ​ງານ ຮູບ​ແບບ​ຂອງ​ສັນ­ຍາ​ໂຄງ­ການ ແລະ ນະ­ໂຍ­ບາຍ​ການ​ເກັບ​ພາ­ສີ​ອາ­ກອນ​ອື່ນໆ.

    ສະ­ພາ​ສົ່ງ­ເສີມ​ການ​ຄ້າ​ຈີນ ສາ­ຂາ​ອຸດ­ສາ­ຫະ­ກຳ​ການ​ກໍ່­ສ້າງ​ປະ­ຈຳ​ລາວ ໄດ້​ໃຊ້​ຄວາມ​ພະ­ຍາ­ຍາມ​ເພື່ອ​ເປັນ​ສາຍ​ຕໍ່​ປະ­ສານ​ງານ ລະ­ຫວ່າງ​ລັດ­ຖະ­ບານ​ລາວ ແລະ ຈີນ ສື່­ສານ​ລະ­ຫວ່າງ​ອົງ​ກອນ​ການ​ຄ້າ ເພື່ອ​ສະ­ໜອງ​ໂອ­ກາດ​ໃນ​ການ​ແລກ­ປ່ຽນ ແລະ ການ​ບໍ­ລິ­ການ​ໃຫ້​ແກ່​ຫົວ­ໜ່ວຍ​ທຸ­ລະ​ກິດ​ຂອງ​ລາວ ອຳ­ນາດ​ການ​ປົກ­ຄອງ​ທ້ອງ­ຖິ່ນ ແລະ ຫົວ­ໜ່ວຍ​ທຸ­ລະ​ກິດ​ຈີນ ພວກ​ເຮົາ​ໄດ້​ມຸ່ງ​ໝັ້ນ​ໃຫ້​ຫຼາຍ​ໜ່ວຍ​ງານ​ທຸ­ລະ​ກິດ​ຈີນ​ຮັບ​ຮູ້ ແລະ ເຂົ້າ­ໃຈ​ປະ­ເທດ​ລາວ ເຊິ່ງ​ເປັນ​ເຄື່ອງ­ມື​ໃນ​ການ​ຊ່ວຍ­ເຫຼືອ​ປະ­ເທດ​ລາວ​ເດີນ​ຕາມ ໜຶ່ງ​ແລວ ໜຶ່ງ​ເສັ້ນ­ທາງ ຫວັງ​ວ່າ​ໜ່ວຍ​ງານ​ທຸ­ລະ​ກິດ​ຈີນ ສາ­ມາດ​ເຫັນ​ໄດ້​ໂອ­ກາດ​ທາງ​ທຸ­ລະ​ກິດ​ຢູ່​ລາວ ແນວ­ທາງ​ການ​ພັດ­ທະ­ນາ​ຢູ່​ລາວ​ໃນ​ອະ­ນາ­ຄົດ ແລະ ມີ​ສ່ວນ​ຮ່ວມ​ໃນ​ການ​ກໍ່­ສ້າງ​ວັນ­ນະ­ກຳ​ທີ່​ທັນ​ສະ­ໄໝ​ຢູ່​ປະ­ເທດ​ລາວ.

ຂ່າວທີ່ກ່ຽວຂ້ອງ