ກຳມະການຕັດສິນໄກ່ຕີໄກ່ ໄດ້ຮັບການຍົກລະດັບກະຕິກາໃໝ່

201 05 ກ.ພ. 2019 ວົງຈອນກີລາ
ກຳມະການຕັດສິນໄກ່ຕີໄກ່ ໄດ້ຮັບການຍົກລະດັບກະຕິກາໃໝ່

    ສະ­ຫະ­ພັນ​ກີ­ລາ​ພື້ນ­ເມືອງ-ກີ­ລາ​ສັດ​ແຫ່ງ​ຊາດ​ລາວ ຮ່ວມ​ກັບ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ຈັດ​ເຝິກ­ອົບ­ຮົມ​ກຳ­ມະ­ການ​ຕັດ­ສິນ​ກີ­ລາ​ພື້ນ­ເມືອງ-ກີ­ລາ​ສັດ (ກີ­ລາ​ໄກ່­ຕີ​ໄກ່) ປະ­ຈຳ​ປີ 2019 ຂຶ້ນ​ວັນ​ທີ 1 ກຸມ­ພາ 2019 ຢູ່​ສະ­ໂມ­ສອນ​ໄກ່­ຕີ​ໄກ່​ມັງ­ກອນ​ທອງ ບ້ານ​ສົມ​ສະ­ໜຸກ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ສຸ­ລິ­ຍາ ວົງ​ສະ​ໜໍ​ລະ​ພູມ ຄະ­ນະ​ປະ­ທານ​ສະ­ຫະ­ພັນ​ກີ­ລາ​ພື້ນ­ເມືອງ-ກີ­ລາ​ສັດ​ແຫ່ງ​ຊາດ​ລາວ ທ່ານ ທອງ​ສະ​ຫວັດ ວົງ​ສະ­ຫວ່າງ ຮອງ​ຫົວ­ໜ້າ​ພະ​ແນກ​ກີ­ລາ​ພື້ນ­ເມືອງ-ກີ­ລາ​ສັດ​ແຫ່ງ​ຊາດ​ລາວ ພ້ອມ​ດ້ວຍ​ແຂກ​ຖືກ​ເຊີນ ແລະ ສຳ​ມະ​ນາ​ກອນ​ເຂົ້າ​ຮ່ວມ 30 ທ່ານ.

    ທ່ານ ສຸ­ລິ­ຍາ ວົງ​ສະ​ໜໍ​ລະ​ພູມ ກ່າວ​ວ່າ: ການ​ເຝິກ­ອົບ­ຮົມ​ຄັ້ງ​ນີ້ ເພື່ອ​ຊຸກ­ຍູ້-ສົ່ງ­ເສີມ​ການ​ສ້າງ​ຂະ​ບວນ​ການ ຈັດ​ກິດ­ຈະ­ກຳ​ການ​ແຂ່ງ­ຂັນ​ກີ­ລາ​ພື້ນ­ເມືອງ​ໃຫ້​ກວ້າງ­ຂວາງ ແລະ ຫັນ​ເຂົ້າ​ສູ່​ກົດ​ລະ­ບຽບ ຕາມ​ນິ­ຕິ​ກຳ​ຂອງ​ກົດ­ໝາຍ​ກີ­ລາ-ກາ​ຍະ​ກຳ ແລະ ກົດ​ລະ­ບຽບ​ກະ­ຕິ​ກາ­ກີ​ລາ​ໄກ່­ຕີ​ໄກ່​ໃຫ້​ຖືກ­ຕ້ອງ ແລະ ເຂັ້ມ​ງວດ ເພື່ອ​ເກັບ​ກຳ​ຂໍ້​ມູນ-ສະ­ຖິ­ຕິ ສະ­ໂມ­ສອນ​ກີ­ລາ​ໄກ່­ຕີ​ໄກ່ ຈຳ­ນວນ​ຜູ້​ລ້ຽງ​ໄກ່ ແລະ ຈຳ­ນວນ​ໄກ່­ຕີ​ຢູ່​ບ້ານ ເມືອງ ແຂວງ ນະ­ຄອນ­ຫຼວງ​ວຽງ​ຈັນ ເພື່ອ​ຊຸກ­ຍູ້​ສົ່ງ­ເສີມ​ວິ­ຊາ​ຊີບ​ດ້ານ​ການ​ພັດ­ທະ­ນາ​ກີ­ລາ​ພື້ນ­ເມືອງ-ກີ­ລາ​ສັດ ແລະ ການ​ລ້ຽງ​ໄກ່ ການ​ລ້ຽງ​ງົວ ຄວາຍ ມ້າ ແລະ ອື່ນໆ​ໃຫ້​ຫຼາຍ​ຂຶ້ນ.

ຂ່າວທີ່ກ່ຽວຂ້ອງ