ຂ່າວຫຼ້າສຸດ

ອະດີດຄູ-ອາຈານ-ນັກຮຽນ ມສ ວຽງຈັນ ສ້າງຂະບວນການຊົມເຊີຍວັນສຳຄັນຂອງຊາດ

490 01 ກ.ພ. 2019 ວົງຈອນກີລາ
ອະດີດຄູ-ອາຈານ-ນັກຮຽນ ມສ ວຽງຈັນ ສ້າງຂະບວນການຊົມເຊີຍວັນສຳຄັນຂອງຊາດ

    ພິ­ທີ​ມອບ-ຮັບ​ເຄື່ອງ​ກີ­ລາ 41 ຊຸດ ໃຫ້​ທີມ​ອະ­ດີດ​ຄູ-ອາ­ຈານ​ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ​ວຽງ​ຈັນ (ມສ ວຽງ​ຈັນ) ຈັດ​ຂຶ້ນ​ວັນ​ທີ 30 ມັງ­ກອນ 2019 ຢູ່​ສະ­ໜາມ​ກີ­ລາ​ເຈົ້າ​ອາ​ນຸ​ວົງ ເຊິ່ງ​ມອບ​ໂດຍ​ທ່ານ ສຸກ​ສາ­ຄອນ ໃສ​ທິ​ລາດ ປະ­ທານ​ກຸ່ມ​ບໍ­ລິ­ສັດ​ໃສ​ທິ​ລາດ ອະ­ດີດ​ນັກ­ຮຽນ ມສ ວຽງ​ຈັນ ແລະ ຮັບ​ໂດຍ​ທ່ານ ສາຍ­ທອງ ແກ້ວ​ດວງ​ດີ ປະ­ທານ​ກຳ­ມາ​ທິ​ການ​ກົດ­ໝາຍ ສະ­ພາ​ແຫ່ງ​ຊາດ ມີ​ທ່ານ ສົມ​ພອນ ສອນ​ດາ­ລາ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ພາຍ­ຫຼັງ​ການ​ມອບ​ເຄື່ອງ​ດັ່ງ­ກ່າວ ກໍ​ໄດ້​ມີ​ການ​ແຂ່ງ­ຂັນ​ກີ­ລາ​ເຕະ­ບານ​ມິດ­ຕະ­ພາບ ລະ­ຫວ່າງ​ທີມ​ອະ­ດີດ​ຄູ-ອາ­ຈານ ແລະ ນັກ­ຮຽນ​ໂຮງ­ຮຽນ ມສ ວຽງ​ຈັນ ເພື່ອ​ສ້າງ​ຂະ​ບວນ​ການ​ຊົມ­ເຊີຍ​ວັນ​ສຳ­ຄັນ​ຕ່າງໆ​ຂອງ​ຊາດ ໂດຍ​ສະ­ເພາະ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ແລະ ຕ້ອນ­ຮັບ​ວັນ​ສ້າງ­ຕັ້ງ​ສະ­ຫະ­ພັນ​ກຳ­ມະ­ບານ​ລາວ ຄົບ­ຮອບ 63 ປີ ທີ່​ຈະ​ມາ​ເຖິງ​ໃນ​ໄວໆ​ນີ້ ໃຫ້​ມີ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ຜ່ານ​ການ​ແຂ່ງ­ຂັນ​ແມ່ນ​ທີມ​ອະ­ດີດ​ນັກ­ຮຽນ ຊະ­ນະ​ທີມ​ອະ­ດີດ​ຄູ​ອາ­ຈານ ມສ ວຽງ​ຈັນ 4-0 ປະ­ຕູ.

ຂ່າວທີ່ກ່ຽວຂ້ອງ