ຂ່າວຫຼ້າສຸດ

ບາງທັດສະນະກ່ຽວກັບສື່ມວນຊົນໃນໄລຍະໃໝ່

3.716 09 ກ.ພ. 2011 ພັດທະນານະຄອນຫຼວງ

<p style="text-align: justify;"> ສື່​ມວນ​ຊົນ ບໍ່​ພຽງ​ແຕ່​ເປັນ​ກະ­ບອກ​ສຽງ​ອັນ​ແຫຼມ​ຄົມ ແລະ ຈົງ​ຮັກ​ພັກ­ດີ​ຂອງ​ພັກ ຂອງ​ລັດ ແລະ ຂອງ​ປະ­ຊາ­ຊົນ​ເທົ່າ​ນັ້ນ ຫາກ​ຍັງ​ເປັນ​ບ່ອນ​ໂຄ­ສະ­ນາ ເຜີຍ­ແຜ່​ຂໍ້​ມູນ​ຂ່າວ­ສານ ພ້ອມ​ທັງ​ເປັນ​ເວ­ທີ​ແລກ­ປ່ຽນ​ຄຳ​ຄິດ​ຄຳ​ເຫັນ ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ​ຕໍ່​ກັບ​ສັງ­ຄົມ ອີກ​ດ້ານ​ໜຶ່ງ​ທີ່​ສຳ­ຄັນ ກໍ​ຄື​ການ​ຕີ​ຕ້ານ​ຕໍ່​ຖ້ອຍ​ຄຳ​ທຳ­ນອງ ທີ່​ພວກ​ກຸ່ມ​ຄົນ​ບໍ່​ດີ ທີ່​ຫວັງ​ທຳ­ລາຍ​ມ້າງ­ເພ​ລະ­ບອບ​ໃໝ່​ຂອງ​ພວກ​ເຮົາ ແລະ ກໍ​ເປັນ​ສ່ວນ​ໜຶ່ງ​ໃນ​ຂະ​ບວນ​ການ ສ້າງ​ປະ­ຊາ­ທິ­ປະ­ໄຕ​ປະ­ຊາ­ຊົນ ເພື່ອ​ກ້າວ​ຂຶ້ນ​ສູ່​ສັງ­ຄົມ​ນິ­ຍົມ ພາຍ​ໃຕ້​ການ​ນຳ­ພາ​ຂອງ​ພັກ.</p> <p style="text-align: justify;"> ມາ​ໃນ​ໄລ­ຍະ​ໃໝ່ ໄລ­ຍະ​ແຫ່ງ​ການ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ສື່​ມວນ​ຊົນ​ກໍ​ຍິ່ງ​ມີ​ບົດ­ບາດ​ອັນ​ສູງ ເພື່ອ​ນຳ​ສະ­ເໜີ​ເຖິງ​ບັນ­ດາ​ແນວ​ຄວາມ​ຄິດ ຫາງ​ສຽງ​ສັງ­ຄົມ ຂໍ້​ສະ­ເໜີ​ແນະ ແລະ ອື່ນໆ ໃຫ້​ແກ່​ສັງ­ຄົມ​ໄດ້​ຮັບ​ຮູ້ ໃນ​ໄລ­ຍະ​ຜ່ານ​ມາ​ພາກ­ສ່ວນ​ຕ່າງໆ ໃນ​ຂະ­ແໜງ​ສື່­ສານ​ມວນ​ຊົນ ກໍ​ລ້ວນ​ແຕ່​ມີ​ໃບ​ໜ້າ​ໃໝ່ ທີ່​ຫັນ­ປ່ຽນ ທີ່​ຕັ້ງ­ໜ້າ ເປັນ­ຕົ້ນ ວິ­ທະ­ຍຸ ໂທລະ­ພາບ ສື່​ສິ່ງ​ພິມ​ຕ່າງໆ ໄດ້​ເພີ່ມ​ຈຳ­ນວນ​ຂຶ້ນ​ຢ່າງ​ຫຼວງ­ຫຼາຍ ດ້ານ​ຄຸນ​ນະ​ພາບ​ກໍ​ໄດ້​ຮັບ​ການ​ປັບ­ປຸງ ໃນ​ນັ້ນ ສື່​ທາງ​ພາກ​ເອ­ກະ​ຊົນ ກໍ​ໄດ້​ຮັບ​ການ​ຊຸກ­ຍູ້​ສົ່ງ­ເສີມ ຈາກ​ພາກ​ລັດ ແລະ ສັງ­ຄົມ ບັນ­ຫາ​ກໍ​ມີ​ຢູ່​ວ່າ ປັດ­ຈຸ­ບັນ ພວກ​ເຮົາ​ຊ້ຳ­ພັດ​ຂາດ­ເຂີນ​ພະ­ນັກ­ງານ ໃນ​ຂະ­ແໜງ​ສື່​ມວນ​ຊົນ ຈຳ­ນວນ​ທີ່​ມີ​ຢູ່​ແລ້ວ ບາງ​ຈຳ­ນວນ ຊ້ຳ­ພັດ​ມີ​ຄວາມ​ຈຳ­ກັດ ທາງ​ດ້ານ​ຄວາມ​ຮູ້ ຄວາມ​ສາ­ມາດ ຜູ້​ທີ່​ມາ​ເຮັດ​ວຽກ​ສື່​ມວນ​ຊົນ ບໍ່​ໄດ້​ຈົບ​ຕາມ​ຂະ­ແໜງ​ສື່​ມວນ​ຊົນ ມີ​ຄວາມ​ຈຳ­ກັດ​ທາງ​ດ້ານ​ພາ­ສາ​ຕ່າງ­ປະ­ເທດ ຊ້ຳ​ບໍ່​ພໍ​ກໍ​ຍັງ​ຂາດ­ທຶນ​ຮອນ ໃນ​ການ​ລົງ​ເກັບ​ກຳ​ຂ່າວ ພ້ອມ​ກັນ​ນັ້ນ ຕາ​ໜ່າງ​ສື່​ມວນ​ຊົນ​ຢູ່​ບາງ​ທ້ອງ­ຖິ່ນ ກໍ​ຍັງ​ຊັກ​ຊ້າ​ໃນ​ການ​ລາຍ​ງານ​ຂ່າວ­ສານ ເຮັດ​ໃຫ້​ບໍ່​ທັນ​ກັບ​ເຫດ­ການ ອັນ​ນັ້ນ ໄດ້​ກາຍ­ເປັນ​ສິ່ງ​ທ້າ​ທາຍ​ອັນ​ໃຫຍ່​ຫຼວງ ຕໍ່​ຂະ­ແໜງ​ສື່​ມວນ​ຊົນ ພ້ອມ​ກັນ​ນັ້ນ ບັນ­ດາ​ນັກ​ຂີດ​ນັກ​ຂຽນ ກໍ​ຍັງ​ມີ​ຈຳ­ກັດ​ໃນ​ດ້ານ​ຈຳ­ນວນ ແລະ ດ້ານ​ຄຸນ​ນະ​ພາບ ບົດ​ຂຽນ​ສ່ວນ​ຫຼາຍ ແມ່ນ​ມີ​ລັກ­ສະ­ນະ​ຜິວ​ເຜີນ ບໍ່​ທັນ​ເລິກ­ເຊິ່ງ ນັກ​ໂຄ­ສະ­ນາ​ຂ່າວ­ສານ ຊ້ຳ­ພັດ​ບໍ່​ມີ​ປະ­ສົບ​ການ​ຫຼາຍ ເຮັດ​ໃຫ້­ການ​ປະ­ກາດ​ຂ່າວ ຍັງ​ມີ​ບາງ​ອັນ​ຂ້ອງໆ​ຄາໆ ໃນ​ດ້ານ​ຈຳ­ນວນ​ຂອງ​ພາ­ຫະ­ນະ​ສື່​ມວນ​ຊົນ ຍັງ​ມີ​ໜ້ອຍ ດ້ານ​ສື່​ເອ​ເລັກ​ໂຕຣ​ນິກ ເຊັ່ນ: ອິນ​ເຕີ​ເນັດ ຍັງ​ບໍ່​ທັນ​ໄດ້​ແຜ່​ຫຼາຍ ທັງ​ນີ້​ກໍ​ຍ້ອນ​ມີ​ບ່ອນ​ບໍ­ລິ­ການ​ໜ້ອຍ ປະ­ຊາ­ຊົນ​ສ່ວນ​ໃຫຍ່​ບໍ່​ຄ່ອຍ​ສົນ­ໃຈ ເຊິ່ງ​ມັນ​ໄດ້​ເຮັດ​ໃຫ້​ປະ­ຊາ­ຊົນ ບໍ່​ໄດ້​ຮັບ​ຂໍ້​ມູນ​ຂ່າວ­ສານ​ຢ່າງ​ທົ່ວ​ເຖິງ ສ່ວນ​ຫຼາຍ​ແມ່ນ​ຖື​ເອົາ​ການ​ເລົ່າ​ປາກ​ຕໍ່­ປາກ ເຮັດ​ໃຫ້​ໄດ້​ຂໍ້​ມູນ​ທີ່​ບໍ່​ຊັດ​ເຈນ ຈຶ່ງ​ເປັນ​ເຫດ​ໃຫ້​ຄົນ​ບໍ່​ດີ ໄດ້​ສວຍ​ໃຊ້​ຊ່ອງ​ຫວ່າງ​ດັ່ງ­ກ່າວ​ນັ້ນ ໄປ​ໃນ​ທາງ​ທີ່​ບໍ່​ຖືກ­ຕ້ອງ.</p> <p style="text-align: justify;"> ສະ­ນັ້ນ ໃນ­ຕໍ່­ໜ້າ​ນີ້ ຄວນ​ສົ່ງ­ເສີມ​ໃຫ້​ມີ​ການ​ເຝິກ­ອົບ­ຮົມ ພະ­ນັກ­ງານ​ທີ່​ເຮັດ​ວຽກ​ກ່ຽວ​ກັບ​ຂະ­ແໜງ­ການ​ສື່​ມວນ​ຊົນ ບັນ­ດາ​ນັກ​ຂຽນ ນັກ​ໂຄ­ສະ­ນາ​ຕ່າງໆ ໃຫ້​ຫຼາຍ​ຂຶ້ນ ເພື່ອ​ໃຫ້​ມີ​ຄວາມ​ຮູ້​ຄວາມ​ສາ­ມາດ​ພຽງ­ພໍ ພ້ອມ​ກັນ​ນັ້ນ ກໍ​ເພີ່ມ​ວິ­ທີ​ການ​ຮູບ​ການ ແລະ ຍານ­ພາ­ຫະ­ນະ​ສື່​ມວນ​ຊົນ ໃຫ້​ມີ​ຄວາມ​ຫຼາກ​ຫຼາຍ ເປັນ­ຕົ້ນ ບັນ­ດາ​ວາ­ລະ­ສານ​ຕ່າງໆ ໜັງ­ສື­ພິມ ວິ­ທະ­ຍຸ ໂທລະ­ພາບ ກໍ​ຄວນ​ໃຫ້​ມີ​ຫຼາຍ​ຄື້ນ ຫຼາຍ​ລາຍ­ການ ໃຫ້​ມີ​ຫຼາຍ​ທາງ​ເລືອກ​ໃນ​ການ​ບໍ­ລິ­ໂພກ ໃນ​ການ​ສະ­ໜອງ​ຂໍ້​ມູນ​ຂ່າວ­ສານ​ໃຫ້​ສັງ­ຄົມ ໄດ້​ຢ່າງ​ທັນ​ການ ແຕ່​ກໍ​ຕ້ອງ​ໃຫ້​ຖືກ­ຕ້ອງ ສອດ­ຄ່ອງ​ຕາມ​ລະ­ບຽບ​ກົດ­ໝາຍ​ຂອງ​ບ້ານ​ເມືອງ.</p> <p style="text-align: justify;"> <strong>ໂດຍ: ອອນ­ຊອນ​ເດ</strong></p>

ຂ່າວທີ່ກ່ຽວຂ້ອງ