ຂ່າວຫຼ້າສຸດ

ສ ເກົາຫຼີ ຢັ້ງຢືນ​ກໍລະນີ​ພະຍາດ​ປາກ​ເປື່ອຍ​ລົງ​ເລັບ​ລາຍ​ທຳ​ອິດ​ໃນ​ປີ 2019

203 30 ມ.ກ. 2019 ຂ່າວຕ່າງປະເທດ
ສ ເກົາຫຼີ ຢັ້ງຢືນ​ກໍລະນີ​ພະຍາດ​ປາກ​ເປື່ອຍ​ລົງ​ເລັບ​ລາຍ​ທຳ​ອິດ​ໃນ​ປີ 2019

     ສ ເກົາຫຼີ ຢັ້ງຢືນ​ເມື່ອ​ວັນ​ທີ 28 ມັງກອນ​ນີ້ ກ່ຽວ​ກັບ​ກໍລະນີ​ພະຍາດ​ປາກ​ເປື່ອຍ​ລົງ​ເລັບ ລະບາດ​ຢູ່​ໃນ​ຟາມ​ລ້ຽງສັດ​ແຫ່ງ​ໜຶ່ງ ທີ່​ຕັ້ງ​ຢູ່​ຫ່າງ​ຈາກ​ນະຄອນຫຼວງ​ເຊ​ອູນ ໄປ​ທາງ​ທິດໃຕ້​ໄກ​ບໍ່​ເຖິງ 80 ກີ​ໂລ​ແມັດ. ການ​ລະບາດ​ດັ່ງກ່າວ ເກີດ​ຂຶ້ນ​ຢູ່​ໃນ​ຟາມ​ລ້ຽງ​ງົວ​ພັນ​ນົມ​ແຫ່ງ​ໜຶ່ງ ຢູ່​ໃນ​ເຂດ​ອັນ​ເຊິງ.

    ເຈົ້າ​ຂອງ​ຟາມ​ດັ່ງກ່າວ ໄດ້​ລາຍ​ງານ​ກ່ຽວ​ກັບ​ກໍລະນີ​ຕິດພະຍາດ​ດັ່ງກ່າວ ຫຼັງ​ຈາກ​ທີ່​ງົວ ປະມານ 20 ໂຕ ຈາກ​ທີ່​ມີ​ຢູ່ 120 ໂຕ​ຢູ່​ໃນ​ຟາມ ມີ​ອາການ​ຂອງ​ພະຍາດ​ປາກ​ເປື່ອຍ​ລົງ​ເລັບ.

    ເຈົ້າ​ໜ້າທີ່​ກວດກາ​ພະຍາດ​ຢູ່​ໃນ​ທ້ອງຖິ່ນ​ດັ່ງກ່າວ ໃຫ້​ຮູ້​ວ່າ ຜົນ​ກວດ​ເບື້ອງ​ຕົ້ນ​ຊີ້​ໃຫ້​ເຫັນ​ວ່າ ເກີດ​ການລະບາດພະຍາດ​ຢູ່​ໃນ​ຟາມ​ນັ້ນ​ແທ້. ເມື່ອ​ເປັນ​ດັ່ງນັ້ນ ສັດລ້ຽງ​ທັງ​ໝົດ​ຢູ່​ໃນ​ຟາມ​ຈະ​ໄດ້​ຖືກ​ຂ້າ​ທຳລາຍ ເພື່ອ​ປ້ອງ​ກັນ​ບໍ່​ໃຫ້​ພະຍາດ​ແຜ່​ລາມ. ນອກຈາກ​ນັ້ນແລ້ວ ສັດລ້ຽງ​ອີກ​ປະມານ 500 ໂຕ ຢູ່​ໃນ​ຟາມ​ອື່ນໆ​ອີກ 8 ແຫ່ງ ທີ່ຢູ່​ຫ່າງ​ຈາກ​ຟາມ​ທີ່​ເກີດ​ການລະບາດພະຍາດ​ດັ່ງກ່າວ​ປະມານ​ເກືອບ 500 ແມັດ ກໍ​ອາດ​ຈະ​ຖືກ​ຂ້າ​ທຳລາຍ​ເຊັ່ນ​ກັນ.

ຂ່າວທີ່ກ່ຽວຂ້ອງ