ທະຫານ ແລະ ​ເຈົ້າ​ໜ້າທີ່​ຂອງ​ອິນ​ໂດ​ເນ​ເຊຍ ຖືກ​ໂຈມ​ຕີ​ຢູ່​ໃນ​ແຂວງ​ປາ​ປົວ

271 30 ມ.ກ. 2019 ຂ່າວຕ່າງປະເທດ
ທະຫານ ແລະ ​ເຈົ້າ​ໜ້າທີ່​ຂອງ​ອິນ​ໂດ​ເນ​ເຊຍ ຖືກ​ໂຈມ​ຕີ​ຢູ່​ໃນ​ແຂວງ​ປາ​ປົວ

    ເມື່ອ​ວັນ​ທີ 28 ມັງກອນ​ນີ້ ກຸ່ມ​ມື​ປືນ​ທີ່​ເປັນ​ພວກ​ແບ່ງ​ແຍກ​ດິນແດນ ໄດ້​ຍິງ​ປືນ​ກວາດ​ໃສ່​ເຮືອບິນ ຊຶ່ງ​ບັນທຸກ​ທະຫານ ແລະ​ ເຈົ້າ​ໜ້າທີ່​ທ້ອງຖິ່ນ​ຈຳນວນ​ໜຶ່ງ ຢູ່​ໃນ​ແຂວງ​ປາ​ປົວ (ພາກ​ຕາເວັນ​ອອກ​ຂອງ​ອິນ​ໂດ​ເນ​ເຊຍ) ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 1 ຄົນ ແລະ​ ບາດເຈັບ 1 ຄົນ.

    ໂຄສົກ​ຂອງ​ກອງ​ບັນຊາ​ການ​ທະຫານ ຢູ່​ໃນ​ເຂດ ເຊນ​ຕຣາ​ວາ​ຊີ ເວົ້າ​ວ່າ ເຫດການ​ດັ່ງກ່າວ​ເກີດ​ຂຶ້ນ ໃນ​ຂະນະ​ທີ່​ເຮືອບິນ​ຂະໜາດ​ເບົາ​ລຳ​ໜຶ່ງ ກຽມ​ບິນ​ລົງ​ຈອດ​ທີ່​ສະໜາມ​ບິນ​ໃນ​ເມືອງ ເອນ​ດູ​ກາ ທີ່​ຂຶ້ນ​ກັບ​ແຂວງ​ປາ​ປົວ. ພວກ​ມື​ປືນ​ໄດ້​ປົບ​ໜີ​ໄປ ຫຼັງ​ຈາກ​ທີ່​ທະຫານ​ຢູ່​ພາກ​ພື້ນ​ດິນ​ຍິງ​ປືນ​ໃສ່.

    ໃນ​ໄລຍະ​ຫຼັງໆ​ມາ​ນີ້ ຢູ່​ໃນ​ແຂວງ​ປວ​ປົວ ທີ່​ເປັນ​ແຂວງ​ໃຫຍ່​ທີ່​ສຸດ​ໃນ​ອິນ​ໂດ​ເນ​ເຊຍ ໄດ້​ເກີດ​ເຫດການ​ຮຸນ​ແຮງ​ຫຼາຍ​ຄັ້ງ ໂດຍ​ແມ່ນ​ກຸ່ມ​ປະກອບ​ອາວຸດ​ໃນ​ທ້ອງຖິ່ນ​ເປັນ​ຜູ້​ດຳເນີນ​ການ. ເມື່ອ​ເດືອນ​ທັນວາ ປີ 2018 ໄດ້​ເກີດ​ເຫດການ​ໂຈມ​ຕີ​ລາຍ​ໜຶ່ງ ຊຶ່ງ​ກໍ​ເກີດ​ຂຶ້ນ​ຢູ່​ໃນ​ເມືອງ ເອນ​ດູ​ກາ ເຊັ່ນ​ກັນ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 19 ຄົນ.

ຂ່າວທີ່ກ່ຽວຂ້ອງ