WTO ສືບສວນ​ສອບ​ສວນ​ຕໍ່​ການ​ທີ່ ສ ອາ​ເມ​ຣິ​ກາ ປະຕິບັດ​ພາສີ​ຕໍ່​ສິນຄ້າ​ຈີນ

260 30 ມ.ກ. 2019 ຂ່າວຕ່າງປະເທດ
WTO ສືບສວນ​ສອບ​ສວນ​ຕໍ່​ການ​ທີ່ ສ ອາ​ເມ​ຣິ​ກາ ປະຕິບັດ​ພາສີ​ຕໍ່​ສິນຄ້າ​ຈີນ

     ເມື່ອ​ວັນ​ທີ 28 ມັງກອນ​ນີ້ ອົງການ​ການ​ຄ້າ​ໂລກ (WTO) ໄດ້​ຕົກລົງ​ດຳເນີນ​ການ​ສືບສວນ​ສອບ​ສວນ ຕໍ່​ການ​ທີ່ ສ ອາ​ເມ​ຣິ​ກາ ປະຕິບັດ​ພາສີ​ເພີ່ມ​ເຕີມ​ຕໍ່​ບັນດາ​ສິນຄ້າ​ຂອງ​ຈີນ ລວມ​ມູນ​ຄ່າ  250 ຕື້​ໂດ​ລາ​ສະຫະລັດ.

    ເຈົ້າ​ໜ້າທີ່​ດ້ານ​ການ​ຄ້າ​ຜູ້​ໜຶ່ງ​ເວົ້າ​ວ່າ ອົງການ​ແກ້​ໄຂ​ການ​ພິພາດ (DSB) ຂອງ WTO ໄດ້​ເຫັນ​ດີ​ສ້າງຕັ້ງ​ຄະນະ​ຊ່ຽວຊານ​ຂຶ້ນ​ມາ ເພື່ອ​ພິຈາລະນາ​ກ່ຽວ​ກັບ​ການ​ຕົກລົງ​ຂອງ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ໃນ​ການ​ຂຶ້ນ​ພາສີ​ກັບ​ສິນຄ້າ​ລາຍການ​ຕ່າງໆ​ຂອງ​ຈີນ ເປັນ​ມູນ​ຄ່າ​ລວມ 250 ຕື້​ໂດ​ລາ​ສະຫະລັດ. DSB ໄດ້​ມີ​ຂໍ້​ຕົກລົງ​ອອກ​ມາ ເພື່ອ​ສືບສວນ​ສອບ​ສວນ​ກ່ຽວ​ກັບ​ເລື່ອງ​ດັ່ງກ່າວ ຫຼັງ​ຈາກ​ທີ່​ຈີນ​ຍື່ນ​ຟ້ອງ​ເປັນ​ເທື່ອ​ທີ 2 ຕໍ່​ອົງການ​ດັ່ງກ່າວ.

    ໃນ​ຂະນະ​ດຽວ​ກັນ ຕົວ​ແທນ​ຂອງ ສ ອາ​ເມ​ຣິ​ກາ ໄດ້​ຕິຕຽນ​ຕໍ່​ການ​ທີ່​ຈີນ​ສະເໜີ​ໃຫ້ WTO ດຳເນີນ​ການ​ສືບສວນ​ສອບ​ສວນ ໂດຍ​ນຳ​ເອົາ​ການ​ທີ່​ຈີນ​ຕົກລົງ​ປະຕິບັດ​ພາສີ​ເພີ່ມ​ເຕີມ ຕໍ່​ບັນດາ​ສິນຄ້າ​ສົ່ງ​ອອກ​ຂອງ ສ ອາ​ເມ​ຣິ​ກາ ໃນ​ມູນ​ຄ່າ​ລວມ​ກວ່າ 100 ຕື້ ໂດ​ລາ​ສະຫະລັດ​ນັ້ນ​ມາ​ເປັນ​ຂໍ້​ອ້າງ.

ຂ່າວທີ່ກ່ຽວຂ້ອງ