ແລ່ນ-ລານລາວ ໄດ້ 3 ຫຼຽນຄຳ ງານກີລາມະຫາວິທະຍາໄລແຫ່ງຊາດໄທ

527 24 ມ.ກ. 2019 ວົງຈອນກີລາ
ແລ່ນ-ລານລາວ ໄດ້ 3 ຫຼຽນຄຳ ງານກີລາມະຫາວິທະຍາໄລແຫ່ງຊາດໄທ

    ນາງ ລົດ​ແກ້ວ ອິນ​ທະ​ກຸມ­ມານ ແລະ ທ້າວ ອາ​ນຸ​ສອນ ໄຊ​ສາ 2 ນັກ­ກີ­ລາ​ທີມ​ຊາດ​ລາວ ທີ່​ໄດ້​ໄປ​ສຶກ​ສາ​ຕໍ່​ຢູ່​ມະ­ຫາ­ວິ­ທະ­ຍາ­ໄລ​ກຸງ​ເທບ​ທົນ​ບູ​ຣີ ແລະ ໄດ້​ລົງ​ແຂ່ງ­ຂັນ​ກີ­ລາ​ແລ່ນ-ລານ ໃຫ້​ມະ­ຫາ­ວິ­ທະ­ຍາ­ໄລ​ດັ່ງ­ກ່າວ ໃນ​ງານ​ກີ­ລາ​ມະ­ຫາ­ວິ­ທະ­ຍາ­ໄລ​ແຫ່ງ​ປະ­ເທດ​ໄທ ຄັ້ງ​ທີ 46 (ຣາ​ຊ​ພັດ​ອຸ­ບົນ​ຣາ​ຊະ​ທາ­ນີ ເກມ 2019) ວັນ​ທີ 20 ມັງ­ກອນ 2019 ຢູ່​ແຂວງ​ອຸ­ບົນ​ຣາ​ຊະ​ທາ­ນີ ໂດຍ​ນາງ ລົດ​ແກ້ວ ລົງ​ແຂ່ງ­ຂັນ 5 ລາຍ­ການ ແລະ ທ້າວ ອາ​ນຸ​ສອນ ໄຊ​ສາ ລົງ​ແຂ່ງ­ຂັນ 1 ລາຍ­ການ.

    ຜ່ານ​ການ​ແຂ່ງ­ຂັນ​ນາງ ລົດ​ແກ້ວ ສາ­ມາດ​ໄດ້ 2 ຫຼຽນ​ຄຳ ຈາກ 1.500 ແມັດ​ຍິງ ແລະ 10.000 ແມັດ​ຍິງ 2 ຫຼຽນ​ເງິນ ຈາກ 800 ແມັດ​ຍິງ ແລະ 5.000 ແມັດ​ຍິງ ສ່ວນ​ທ້າວ ອາ​ນຸ​ສອນ ໄຊ​ສາ ຍາດ​ໄດ້ 1 ຫຼຽນ​ຄຳ ຈາກ​ແລ່ນ​ຂ້າມ​ຮົ້ວ 110 ແມັດ​ຊາຍ.

    ການ​ແຂ່ງ­ຂັນ​ຄັ້ງ​ນີ້ ຈັດ​ຂຶ້ນ​ວັນ​ທີ 11-20 ມັງ­ກອນ 2019 ເຊິ່ງ​ເປັນ​ການ​ແຂ່ງ­ຂັນ​ສະ­ເພາະ​ມະ­ຫາ­ວິ­ທະ­ຍາ­ໄລ​ທົ່ວ​ປະ­ເທດ​ໄທ ໂດຍ​ນັກ­ກີ­ລາ​ທີ່​ຈະ​ເຂົ້າ​ຮ່ວມ ຕ້ອງ​ແມ່ນ​ນັກ​ສຶກ​ສາ​ຂອງ​ມະ­ຫາ­ວິ­ທະ­ຍາ­ໄລ​ພາຍ​ໃນ​ປະ­ເທດ​ໄທ ບໍ່​ວ່າ​ນັກ­ກີ­ລາ​ຄົນ​ນັ້ນ​ຈະ​ເປັນ​ນັກ​ສຶກ​ສາ​ຈາກ​ປະ­ເທດ​ໃດ​ກໍ​ຕາມ.

ຂ່າວທີ່ກ່ຽວຂ້ອງ