ຂ່າວຫຼ້າສຸດ

ຈີນ ໄຕ່ຕອງ​ເຖິງ​ການ​ປັບ​ໃໝ​ບັນດາ​ນະຄອນ​ທີ່​ບໍ່​ບັນລຸ​ມາດຖານ​ດ້ານ​ຄຸນ​ນະ​ພາບ​ອາກາດ

651 24 ມ.ກ. 2019 ຂ່າວຕ່າງປະເທດ
ຈີນ ໄຕ່ຕອງ​ເຖິງ​ການ​ປັບ​ໃໝ​ບັນດາ​ນະຄອນ​ທີ່​ບໍ່​ບັນລຸ​ມາດຖານ​ດ້ານ​ຄຸນ​ນະ​ພາບ​ອາກາດ

      ກະຊວງ​ຊີວະ​ພາບ ແລະ ​ສິ່ງແວດລ້ອມ​ຂອງ​ຈີນ ແຈ້ງ​ໃຫ້​ຮູ້ເມື່ອ​ວັນ​ທີ 21 ມັງກອນ​ນີ້​ວ່າ ຈີນ​ຈະ​ເພີ່ມ​ທະວີ​ການ​ປັບ​ໃໝ​ຕໍ່​ບັນດາ​ນະຄອນ ທີ່​ບໍ່​ບັນລຸ​ຄາດໝາຍ ກ່ຽວ​ກັບ​ຄຸນ​ນະ​ພາບ​ອາກາດ ໃນ​ລະດູ​ໜາວ.

    ຈີນ​ໄດ້​ໃຫ້​ສັນຍາ​ຫຼຸດຜ່ອນ​ປະລິມານ​ເມັດ​ຝຸ່ນ PM2,5 ລົງ 3% ໃນ​ໄລຍະ​ແຕ່​ວັນ​ທີ 1 ຕຸລາ 2018 ຫາ​ວັນ​ທີ 19 ມັງກອນ 2019 ຢູ່​ໃນ​ພື້ນ​ທີ່ ປັກ​ກິງ-ທຽນ​ສິນ-ເຫີ​ເບ ຊຶ່ງ​ເປັນ​ໜຶ່ງ​ໃນ​ບັນດາ​ເຂດ ທີ່​ເກີດ​ມົນ​ລະ​ພິດ​ໜັກໜ່ວງ​ທີ່​ສຸດ. ແຕ່​ເຖິງ​ຢ່າງໃດ​ກໍ​ຕາມ ໃນ​ໄລຍະ​ເວລາ​ແຕ່​ວັນ​ທີ 1 ຕຸລາ 2018 ຫາ​ວັນ​ທີ 19 ມັງກອນ 2019 ນັ້ນ ປະລິມານ​ເມັດ​ຝຸ່ນ  PM2,5 ໂດຍ​ສະເລ່ຍ​ຢູ່​ໃນ​ເຂດ​ດັ່ງກ່າວ ໄດ້​ເພີ່ມ​ຂຶ້ນ​ກວ່າ 9% ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ​ກ່ອນ.

    ກະຊວງ​ດັ່ງກ່າວ​ພວມ​ໄຕ່ຕອງ​ເຖິງ​ການ​ປັບ​ໃໝ ຕໍ່​ເຈົ້າ​ໜ້າທີ່​ໃນ​ນະຄອນ​ຕ່າງໆ ທີ່​ບໍ່​ບັນລຸ ຄາດໝາຍ​ດ້ານ​ຄຸນ​ນະ​ພາບ​ອາກາດ. ເພື່ອ​ສະກັດ​ກັ້ນ​ມົນ​ລະ​ພິດ​ເພີ່ມ​ຂຶ້ນ​ໃນ​ປີ 2019 ນັ້ນ ຈີນ​ຈະ​ຮັດ​ເຄັ່ງ​ຫຼາຍ​ຂຶ້ນ ຕໍ່​ມາດຕະຖານ​ການ​ປ່ອຍ​ແກ​​ັສ ທີ່​ໃຊ້​ຢູ່​ໃນ​ອຸດສາຫະກຳ​ຜະລິດ​ເຫຼັກ​ກ້າ ພະຍາຍາມ​ຂຶ້ນ​ຕື່ມ ໃນ​ການ​ຊຸກຍູ້​ການ​ນຳ​ໃຊ້​ພະລັງງານ​ສະອາດ ແລະ​ ຫຼຸດຜ່ອນ​ການ​ໃຊ້​ຖ່ານ​ຫີນ.

ຂ່າວທີ່ກ່ຽວຂ້ອງ