ເຢຍ​ລະ​ມັນ - ຝຣັ່ງ ເຊັນ​ສົນທິສັນຍາ ເອ​ເຈນ

370 24 ມ.ກ. 2019 ຂ່າວຕ່າງປະເທດ
ເຢຍ​ລະ​ມັນ - ຝຣັ່ງ ເຊັນ​ສົນທິສັນຍາ ເອ​ເຈນ

     ນາຍົກລັດຖະມົນຕີ​ເຢຍ​ລະ​ມັນ ແອນ​ເຈີ​ລາ ເມີ​ເກລ ແລະ ​ປະທານາທິບໍດີ​ຝຣັ່ງ ເອມ​ມາ​ນູ​ແອ​​ລ ມາກ​ຣົງ ໄດ້​ຮ່ວມ​ກັນ​ລົງ​ນາມ​ໃນ​ສົນທິສັນຍາ ເອ​ເຈນ (Aachen) ເປັນ​ການ “ເຮັດ​ໃໝ່” ສຳລັບ​ສາຍ​ພົວພັນ​ມິດຕະພາບ​ລະຫວ່າງ​ສອງ​ປະເທດ ໃນ​ຮອບ​ຫຼາຍ​ສິບ​ປີ ທີ່​ຜ່ານ​ມາ. ການເຄື່ອນໄຫວ ດັ່ງກ່າວ ມີ​ຂຶ້ນ​ໃນ​ວັນ​ທີ 22 ມັງກອນ​ນີ້ ທີ່​ນະຄອນ ເອ​ເຈນ (ທິດຕາເວັນຕົກ​ຂອງ​ເຢຍ​ລະ​ມັນ).

     ສົນທິສັນຍາ​ໃໝ່​ດັ່ງກ່າວ ໄດ້​ຮັບ​ການ​ລົງ​ນາມ ພໍດີ​ກັບ​ໂອກາດ​ຄົບຮອບ 56 ປີ ຫຼັງ​ຈາກ​ສົນທິສັນຍາ ເອ​ລີ​ເຊ (ລົງ​ນາມ​ໃນ​ປີ 1963) ຢູ່​ທີ່​ວັງ​ເອ​ລີ​ເຊ ໃນ​ນະຄອນຫຼວງ​ປາ​ຣີ ຂອງ​ຝຣັ່ງ ທີ່​ຖືກ​ຖື​ວ່າ​ເປັນ​ຂີດ​ໝາຍ​ທີ່​ສຳຄັນ ໃນ​ການ​ພົວພັນ​ລະຫວ່າງ​ສອງ​ປະເທດ

    ສົນທິສັນຍາ​ເອ​ເຈນ ແມ່ນ​ເພື່ອ​ຍົກ​ສູງ​ການ​ຮ່ວມ​ມື​ຢູ່​ລຽບ​ຕາມ​ເຂດ​ຊາຍ​ແດນ​ຍາວ 450​ກມ ລະຫວ່າງ​ເຢຍ​ລະ​ມັນ ກັບ​ຝຣັ່ງ ພ້ອມ​ກັນ​ນັ້ນ​ກໍ​ເພີ່ມ​ທະວີ​ການ​ປະສານ​ງານ​ລະຫວ່າງ​ສອງ​ປະເທດ ໃນ​ການ​ຮັບ​ມື​ກັບ​ບັນດາ​ບັນຫາ​ຂອງ​ທົ່ວ​ໂລກ ເຊັ່ນ​ການ​ປ່ຽນແປງ​ສະພາບ​ດິນ​ຟ້າ​ອາກາດ ແລະ ການ​ກໍ່​ການ​ຮ້າຍ ດັ່ງນີ້​ເປັນຕົ້ນ.

ຂ່າວທີ່ກ່ຽວຂ້ອງ