ຂ່າວຫຼ້າສຸດ

ໂອເຄ

356 23 ມ.ກ. 2019 ຫົວຂໍ້ຂ່າວອື່ນໆ

    ຄຳ​ທີ່​ຮັບ​ມາ​ຈາກ​ພາ­ສາ​ອັງ­ກິດ (OK) ແປ​ວ່າ ຕົກ­ລົງ​ເຫັນ​ດີ​ນຳ ຖືກ­ຕ້ອງ ເປັນ​ຄຳ​ໜຶ່ງ​ທີ່​ມີ​ຫຼາຍ​ເອ­ກະ­ສານ​ວ່າ​ມາ​ຈາກ​ຫຼາຍ​ພາ­ສາ ທັງ​ຈາກ​ອາ​ເມ​ຣິ​ກາ ແລະ ເອີ​ຣົບ. ໂອ​ເຄ ໃຊ້​ມາ​ແຕ່​ກາງ​ສະ­ຕະ­ວັດ​ທີ 19 ຢູ່​ທະ­ວີບ​ອາ​ເມ​ຣິ​ກາ, ບາງ​ກໍ​ວ່າ​ເປັນ​ຄຳ​ເດີມ​ຈາກ​ປະ­ເທດ​ສະ​ກອດ​ແລນ (och aye), ອີກ​ບາງ​ກໍ​ວ່າ ມາ​ຈາກ​ພາ­ສາ​ເກຼັກ (ola kala) ບາງ​ກໍ​ວ່າ​ມາ​ຈາກ​ຄຳ​ອິນ​ເດຍ​ແດງ​ຢູ່​ອາ​ເມ​ຣິ​ກາ (okeh\oke) ແລະ ບາງ​ກໍ​ວ່າ​ມາ​ຈາກ​ພາ­ສາ​ຝຣັ່ງ (aux Cayes\au quai). ໂອ​ເຄ ກາຍ­ເປັນ​ຄຳ​ສາ­ກົນ​ທີ່​ທົ່ວ​ໂລກ​ເວົ້າ ແລະ ເຂົ້າ­ໃຈ​ກັນ​ດີ​ຄື​ໃນ​ປັດ­ຈຸ­ບັນ.                     

ຕົວ­ຢ່າງ:

- ໄປ​ປະ­ຊຸມ​ນຳ​ກັນ​ບໍ? ໂອ​ເຄ ໄປ​ເຮົາ​ກໍ​ໄດ້​ບັດ​ເຊີນ!

- ເລີ່ມ​ລົງ­ມື​ໄດ້​ແລ້ວ​ບໍ? ໂອ​ເຄ ເລີ່ມ​ເລີຍ!

- ໂອ​ເຄ​ຕົກ­ລົງ​ກັນ​ແລ້ວ ແຕ່​ບໍ່​ເຮັດ!

- ສະ­ເໜີ​ເອົາ​ລົດ​ໃຜ​ລົດ​ລາວ​ໄປ​ນໍ! ໂອ​ເຄ ບໍ່​ມີ​ບັນ­ຫາ!

- ເປັນ​ຈັ່ງ​ໃດ​ເຮີຍ​ສຸ­ຂະ­ພາບ! ໂອ​ເຄ​ບໍ!

- ວຽກ​ທຸກ​ຢ່າງ​ເດີນ​ໄປ​ດ້ວຍ​ດີ ໂອ​ເຄ​ທຸກ​ຢ່າງ!

ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ