ອິນ​ເດຍ​ອາດ​ຈະ​ລ້ຳ​ໜ້າ​ອັງກິດ​ກ່ຽວ​ກັບ​ຂອບ​ຂະໜາດ​ເສດຖະກິດ

579 22 ມ.ກ. 2019 ຂ່າວຕ່າງປະເທດ
ອິນ​ເດຍ​ອາດ​ຈະ​ລ້ຳ​ໜ້າ​ອັງກິດ​ກ່ຽວ​ກັບ​ຂອບ​ຂະໜາດ​ເສດຖະກິດ

    ສຳນັກ​ຂ່າວສານ PTI ອ້າງ​ຕາມ​ບົດ​ລາຍ​ງານ​ຂອງ​ບໍລິສັດ​ທີ່​ປຶກສາ​ທົ່ວ​ໂລກ PwC ໃຫ້ການ​ຢັ້ງຢືນ​ວ່າ ມີ​ຄວາມ​ເປັນ​ໄປ​ໄດ້​ຫຼາຍ ທີ່​ອິນ​ເດຍ​ຈະ​ລ້ຳ​ໜ້າ​ອັງກິດ ຢູ່​ໃນ​ບັນຊີ​ລາຍ​ຊື່ ບັນດາ​ພື້ນຖານ​ເສດຖະກິດ​ຂະໜາດ​ໃຫຍ່​ສຸດ​ຂອງ​ໂລກ ໃນ​ປີ 2019.

    ບົດ​ລາຍ​ງານ​ດັ່ງກ່າວ​ຂອງ PwC ມີ​ຫົວຂໍ້​ວ່າ “ຕິດຕາມ​ເສດຖະກິດ​ທົ່ວ​ໂລກ” ໄດ້​ຊີ້​ແຈງ​ວ່າ ມີ​ຄວາມ​ເປັນ​ໄປ​ໄດ້​ຫຼາຍ​ທີ່​ອິນ​ເດຍ ແລະ ​ຝຣັ່ງ ຈະ​ລ້ຳ​ໜ້າ​ອັງກິດ ຢູ່​ໃນ​ຕາຕະລາງ​ຈັດ​ອັນ​ດັບ ບັນດາ​ພື້ນຖານ​ເສດຖະກິດ​ຂະໜາດ​ໃຫຍ່​ຂອງ​ໂລກ ໃນ​ປີ 2019 ໂດຍ​ຈະ​ຍູ້​ອັງກິດ​ຈາກ​ອັນ​ດັບ​ທີ 5 ລົງ​ໄປ​ຢູ່​ອັນ​ດັບ​ທີ 7.

    PwC ໃຫ້ການ​ຕີ​ລາຄາ​ວ່າ ອິນ​ເດຍ​ເປັນ​ພື້ນຖານ​ເສດຖະກິດ​ຂະໜາດ​ໃຫຍ່ ທີ່​ພັດທະນາ​ໄວ ທີ່​ສຸດ​ໃນ​ໂລກ ດ້ວຍ​ຂະໜາດ​ປະຊາກອນ​ອັນ​ໃຫຍ່​ໂຕ ເງື່ອນໄຂ​ດ້ານ​ພູມ​ສາດ​ທີ່​ດີ  ແລະ ​ມີ​ຄວາມ ສາມາດ​ບົ່ມ​ຊ້ອນ​ສູງ​ໃນ​ການ​ຕາມ​ໃຫ້​ທັນ. ດັ່ງນັ້ນ ເກືອບ​ວ່າ​ເປັນ​ທີ່​ແນ່ນອນ ທີ່​ວ່າ​ອິນ​ເດຍ ຈະ​ສືບຕໍ່​ເພີ່ມ​ອັນ​ດັບ​ຢູ່​ໃນ​ບັນຊີ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP)  ທົ່ວ​ໂລກ ພາຍ​ໃນ​ຫຼາຍ ທົດ​ສະ​ວັດ​ຕໍ່ໜ້າ. ບົດ​ລາຍ​ງານ​ຂອງ PwC ຍັງ​ໃຫ້​ຮູ້​ວ່າ ຈັງຫວະ​ຄວາມ​ເຕີບ​ໂຕ GDP ຂອງ​ອັງກິດ ຝຣັ່ງ ແລະ​ອິນ​ເດຍ ໃນ​ປີ 2019 ຄາດ​ວ່າ​ຈະ​ຢູ່​ທີ່ 1,6% 1,7% ແລະ 7,6% ຕາມ​ລຳດັບ.

ຂ່າວທີ່ກ່ຽວຂ້ອງ