ຊາວ​ຝຣັ່ງ​ຫຼາຍ​ພັນ​ຄົນ​ເດີນ​ຂະ​ບວນ​ຄັດຄ້ານ​ຕໍ່​ການ​ທຳລາຍ​ລູກ​ໃນ​ຄັນ

401 22 ມ.ກ. 2019 ຂ່າວຕ່າງປະເທດ
ຊາວ​ຝຣັ່ງ​ຫຼາຍ​ພັນ​ຄົນ​ເດີນ​ຂະ​ບວນ​ຄັດຄ້ານ​ຕໍ່​ການ​ທຳລາຍ​ລູກ​ໃນ​ຄັນ

     ຊາວ​ຝຣັ່ງ ຫຼາຍ​ພັນ​ຄົນ ໃນ​ນະຄອນຫຼວງ​ປາ​ຣີ ໄດ້​ເຂົ້າ​ຮ່ວມ​ການ​ເດີນ​ຂະ​ບວນ ເມື່ອ​ວັນ​ທີ 20 ມັງກອນ​ນີ້ ທີ່​ເອີ້ນ​ວ່າ “ເພື່ອ​ການ​ມີ​ຊີວິດ” ເພື່ອ​ຄັດຄ້ານ​ຕໍ່​ການ​ທຳລາຍ​ລູກ​ໃນ​ຄັນ ແລະ​ເພື່ອ​ປົກ​ປ້ອງ “ຂໍ້ຄວາມ​ມີ​ມະໂນ​ທຳ” ສຳລັບ​ບັນດາ​ທ່ານໝໍ​ທີ່​ປະຕິເສດ​ຕໍ່​ການ​ປະຕິບັດ​ການ​ທຳລາຍ​ລູກ​ໃນ​ຄັນ.

    ຜູ້​ທີ່​ເຂົ້າ​ຮ່ວມ​ການ​ເດີນ​ຂະ​ບວນ ໄດ້​ຮຽກຮ້ອງ​ໃຫ້​ທາງ​ການ​ຝຣັ່ງ ນຳ​ເອົາ​ນະໂຍບາຍ ດ້ານ​ການ​ແພດ​ທີ່​ເໝາະ​ສົມ​ອອກ​ມາ ເພື່ອ​ຫຼຸດຜ່ອນ​ກໍລະນີ​ການ​ທຳລາຍ​ເດັກ​ໃນ​ຄັນ ຊຶ່ງ​ໃນ​ແຕ່​ລະ​ປີ ມີ​ເຖິງ 220.000 ກໍລະນີ ທີ່​ນັບ​ວ່າ​ສູງ​ເປັນ​ປະຫວັດ​ການ.

    ການ​ເດີນ​ຂະ​ບວນ “ເພື່ອ​ການ​ມີ​ຊີວິດ” ໃນ​ປີ 2018 ໄດ້​ດຶງ​ດູດ​ຜູ້​ເຂົ້າ​ຮ່ວມ 40.000 ຄົນ (ຕາມ​ສະຖິຕິ​ຂອງ​ຄະນະ​ຈັດ​ຕັ້ງ).

ຂ່າວທີ່ກ່ຽວຂ້ອງ