ລາວ ຢູ່ກຸ່ມ J ເອເອັຟເອັຟເອເອັຟຊີ ຮອບຄັດເລືອກ

300 18 ມ.ກ. 2019 ວົງຈອນກີລາ
ລາວ ຢູ່ກຸ່ມ J ເອເອັຟເອັຟເອເອັຟຊີ ຮອບຄັດເລືອກ

    ທີມ​ຊາດ​ລາວ​ຮຸ່ນ​ອາ­ຍຸ​ບໍ່​ເກີນ 22 ປີ ແລະ ຮຸ່ນ​ອາ­ຍຸ​ບໍ່​ເກີນ 23 ປີ ຖືກ​ຈັດ​ຢູ່​ກຸ່ມ​ໜັກ ທັງ​ການ​ແຂ່ງ­ຂັນ​ເຕະ­ບານ​ຮຸ່ນ​ອາ­ຍຸ​ບໍ່​ເກີນ 22 ປີ ຊີງ​ຂັນ​ອາ​ຊຽນ 2019 (ເອ​ເອັຟ​ເອັຟ ຢູ-22 ແຊັມ​ປ້ຽນ​ຊິບ 2019) ທີ່​ປະ­ເທດ​ກຳ­ປູ­ເຈຍ​ເປັນ​ເຈົ້າ­ພາບ​ໃນ​ກາງ​ເດືອນ​ກຸມ­ພາ ແລະ ການ​ແຂ່ງ­ຂັນ​ເຕະ­ບານ ເອ​ເອ​ັຟ​ຊີ​ຮຸ່ນ​ອາ­ຍຸ​ບໍ່​ເກີນ 23 ປີ (ຢູ-23 ແຊັມ​ປ້ຽນ​ຊິບ 2020) ຮອບ​ຄັດ​ເລືອກ​ທີ່​ປະ­ເທດ​ມາ​ເລ​ເຊຍ ເປັນ​ເຈົ້າ­ພາບ​ໃນ​ທ້າຍ​ເດືອນ​ມີ­ນາ.

    ທີມ​ຊາດ​ລາວ​ຮຸ່ນ​ອາ­ຍຸ​ບໍ່​ເກີນ 22 ປີ ຫຼື ຢູ-22 ແຊັມ​ປ້ຽນ​ຊິບ 2019 ຖືກ​ຈັດ​ຢູ່​ກຸ່ມ A ຮ່ວມ​ກັບ​ທີມ​ຊາດ​ໄທ ຫວຽດ­ນາມ ຕີ​ມໍ​ເລ​ສ​ເຕ ບຣູ​ໄນ ແລະ ທີມ​ຊາດ​ຟີ​ລິບ​ປິນ ສ່ວນ​ຕາ­ຕະ­ລາງ​ແຂ່ງ­ຂັນ​ທີມ​ຊາດ​ລາວ​ປະ­ກອບ​ມີ​ວັນ​ທີ 17 ກຸມ­ພາ 2019 ພົບ​ກັບ​ທີມ​ຊາດ​ຟີ​ລິບ​ປິນ ວັນ​ທີ 19 ກຸມ­ພາ 2019 ພົບ​ກັບ​ທີມ​ຊາດ​ໄທ ວັນ​ທີ 21 ກຸມ­ພາ 2019 ພົບ​ກັບ​ທີມ​ຊາດ​ຫວຽດ­ນາມ ວັນ​ທີ 23 ກຸມ­ພາ 2019 ພົບ​ກັບ​ທີມ​ຊາດ​ບຣູ​ໄນ ແລະ ວັນ​ທີ 25 ກຸມ­ພາ 2019 ພົບ​ກັບ​ທີມ​ຊາດ​ຕີ​ມໍ​ເລ​ສ​ເຕ ສ່ວນ​ສະ­ໜາມ​ແຂ່ງ­ຂັນ ແລະ ເວ­ລາ​ຍັງ​ຈະ​ມີ​ການ​ແຈ້ງ​ກັນ​ໃຫ້​ຊາບ​ຕື່ມ​ພາຍ­ຫຼັງ.

    ສ່ວນ​ການ​ແຂ່ງ­ຂັນ​ເອ​ເອັຟ​ຊີ ຮຸ່ນ​ອາ­ຍຸ​ບໍ່​ເກີນ 23 ປີ (ຢູ-23) ແຊັມ​ປ້ຽນ​ຊິບ 2020 ຮອບ​ຄັດ​ເລືອກ ທີມ​ຊາດ​ລາວ​ຢູ່​ກຸ່ມ J ຮ່ວມ​ກັບ​ທີມ​ຊາດ​ມາ​ເລ​ເຊຍ ທີມ​ຊາດ​ຈີນ ແລະ ທີມ​ຊາດ​ຟີ​ລິບ​ປິນ ສຳ­ລັບ​ຕາ­ຕະ­ລາງ​ການ​ແຂ່ງ­ຂັນ​ຂອງ​ທີມ​ຊາດ​ລາວ ໃນ​ລາຍ­ການ​ນີ້​ປະ­ກອບ​ມີ​ວັນ​ທີ 22 ມີ­ນາ 2019 ພົບ​ກັບ​ທີມ​ຊາດ​ຈີນ ວັນ​ທີ 24 ມີ­ນາ 2019 ພົບ​ກັບ​ເຈົ້າ­ພາບ​ທີມ​ຊາດ​ມາ​ເລ​ເຊຍ ແລະ ວັນ​ທີ 26 ມີ­ນາ 2019 ພົບ​ກັບ​ທີມ​ຊາດ​ຟີ​ລິບ​ປິນ ສ່ວນ​ເວ­ລາ​ແຂ່ງ­ຂັນ ແລະ ສະ­ໜາມ​ແຂ່ງ­ຂັນ​ຈະ​ລາຍ​ງານ​ໃຫ້​ຊາບ​ພາຍ­ຫຼັງ.

ຂ່າວທີ່ກ່ຽວຂ້ອງ