ມີ​ຜູ້​ເສຍ​ຊີວິດ 890 ຄົນ ຈາກ​ເຫດການ​ສັງຫານ​ໂຫດ​ຢູ່​ໃນ ​ສປ ກົງ​ໂກ

439 18 ມ.ກ. 2019 ຂ່າວຕ່າງປະເທດ
ມີ​ຜູ້​ເສຍ​ຊີວິດ 890 ຄົນ ຈາກ​ເຫດການ​ສັງຫານ​ໂຫດ​ຢູ່​ໃນ ​ສປ ກົງ​ໂກ

    ອົງການ​ຂ້າ​ຫຼວງ​ໃຫຍ່​ສະຫະ​ປະຊາ​ຊາດ​ກ່ຽວ​ກັບ​ສິດທິ​ມະນຸດ (OHCHR) ແຈ້ງ​ໃຫ້​ຮູ້ເມື່ອ​ວັນ​ທີ 16 ມັງກອນ​ນີ້​ວ່າ ມີ​ຜູ້​ຖືກ​ເຂັ່ນຂ້າ​ຢ່າງ​ໜ້ອຍ 890 ຄົນ ຢູ່​ໃນ​ສາທາລະນະ​ລັດ ປະຊາທິປະໄຕ ກົງ​ໂກ (​ສປ ກົງ​ໂກ) ຫຼັງ​ຈາກ​ທີ່​ເກີດ​ການ​ປະ​ທະ​ກັນ ລະຫວ່າງ​ສອງ​ຊຸມ​ຊົນ​ຊົນເຜົ່າ ຢູ່​ທາງ​ພາກ​ຕາເວັນຕົກ ຂອງ​ປະເທດ​ດັ່ງກ່າວ.

    ບົດ​ລາຍ​ງານ​ຂອງ OHCHR ໃຫ້​ຮູ້​ວ່າ ເປັນ​ທີ່​ແນ່ນອນ​ວ່າ​ໄດ້​ເກີດ​ເຫດການ​ສັງຫານ​ໂຫດ​ຂຶ້ນ ໃນ​ລະຫວ່າງ​ວັນ​ທີ 16-18 ທັນວາ​ປີ​ກາຍ ຊຶ່ງ​ເກີດ​ຂຶ້ນ​ຢູ່​ໃນ 4 ບ້ານ ຢູ່​ໃນ​ເຂດ ຈູມ​ບີ ທີ່​ຂຶ້ນ​ກັບ​ແຂວງ ມາຍ​ເອັນ​ດອມ ທີ່​ເປັນ​ສະຖານທີ່​ດຽວ​ກັນ ທີ່​ເກີດ​ມີ​ເຫດການ​ປະ​ທະ ລະຫວ່າງ​ຊຸມ​ຊົນ ບາ​ນູ​ນູ ກັບ​ຊຸມ​ຊົນ ບາ​ເຕນ.

    ເບິ່ງ​ຄື​ວ່າ ປະຊາຊົນ​ທີ່​ອາ​ໃສ​ຢູ່​ໃນ 4 ບ້ານ​ນັ້ນ​ໄດ້​ຫາຍ​ຕົວ​ໄປ ແລະ ​ເຮັດ​ໃຫ້ການ​ເລືອກ​ຕັ້ງ ປະທານາທິບໍດີ ຊຶ່ງ​ຈັດ​ຂຶ້ນ​ເມື່ອ​ວັນ​ທີ 30 ທັນວາ​ປີ​ກາຍ ຢູ່​ໃນ​ເຂດ ຈູມ​ບີ ຕ້ອງ​ໄດ້​ຖືກ​ຍົກເລີກ​ໄປ ຍ້ອນ​ເກີດ​ຄວາມ​ຮຸນ​ແຮງ ແລະ​ຄວາມ​ບໍ່​ສະຫງົບ.

ຂ່າວທີ່ກ່ຽວຂ້ອງ