ສົ່ງເສີມການເຂົ້າເຖິງແຫຼ່ງທຶນຂອງຂະແໜງຕັດຫຍິບ

209 16 ມ.ກ. 2019 ຂ່າວໜ້າ​ໜຶ່ງ

    ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ແຫ່ງ​ຊາດ​ລາວ ສະ​ມະ​ຄົມ​ອຸດ­ສາ­ຫະ­ກຳ​ຕັດ­ຫຍິບ​ລາວ ທະ­ນາ­ຄານ​ພັດ­ທະ­ນາ​ລາວ ແລະ ອົງ­ການ​ໄຈ​ກາ ປະ­ຈຳ​ລາວ ໄດ້​ຈັດ​ສຳ​ມະ​ນາ​ຫົວ­ຂໍ້​ການ​ເຂົ້າ​ເຖິງ​ແຫຼ່ງ​ທຶນ​ຂອງ​ພາກ​ທຸ­ລະ​ກິດ ຂະ­ແໜງ​ອຸດ­ສາ­ຫະ­ກຳ​ຕັດ­ຫຍິບ ຂຶ້ນ​ວັນ​ທີ 14 ມັງ­ກອນ 2019 ທີ່​ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ແຫ່ງ​ຊາດ ມີ​ທ່ານ ອາ­ຄົມ ປຣະ​ເສີດ ຜູ້­ອຳ­ນວຍ­ການ​ທະ­ນາ­ຄານ​ພັດ­ທະ­ນາ​ລາວ ທ່ານ Takashi TSUNEKAWA ຜູ້­ຕາງ­ໜ້າ​ຈາກ​ອົງ­ການ​ໄຈ​ກາ ປະ­ຈຳ​ລາວ ພ້ອມ​ດ້ວຍ​ຜູ້​ປະ­ກອບ​ການ​ຕັດ­ຫຍິບ​ທົ່ວ​ນະ­ຄອນ­ຫຼວງ​ວຽງ​ຈັນ​ເຂົ້າ​ຮ່ວມ.

    ການ​ສຳ​ມະ​ນາ​ຄັ້ງ​ນີ້ ເພື່ອ​ເຮັດ​ໃຫ້​ອຸດ­ສາ­ຫະ­ກຳ​ຕັດ­ຫຍິບ ສາ­ມາດ​ເຂົ້າ​ເຖິງ​ແຫຼ່ງ​ທຶນ​ກວ້າງ­ຂວາງ ສ້າງ​ຄວາມ​ເຂັ້ມ­ແຂງ​ດ້ວຍ​ຕົນ​ເອງ ເພື່ອ​ແຂ່ງ­ຂັນ​ກັບ​ຕະ­ຫຼາດ​ສາ­ກົນ ເຊິ່ງ​ຜູ້​ເຂົ້າ​ຮ່ວມ​ໄດ້​ຮັບ​ຟັງ ແລະ ແລກ­ປ່ຽນ​ປະ­ສົບ​ການ​ກັບ​ຊ່ຽວ­ຊານ​ທັງ​ພາຍ​ໃນ ແລະ ຕ່າງ­ປະ­ເທດ ກ່ຽວ​ກັບ​ບັນ­ດາ​ສິ່ງ​ທ້າ​ທາຍ ຂໍ້​ສະ­ດວກ ແລະ ຫຍຸ້ງ­ຍາກ ໂດຍ​ສະ­ເພາະ​ແມ່ນ​ການ​ແຂ່ງ­ຂັນ​ທາງ​ດ້ານ​ການ​ຕະ­ຫຼາດ ການ​ຈ້າງ​ແຮງ​ງານ​ມີ​ຄຸ­ນະ­ພາບ ຕະ­ຫຼອດ​ເຖິງ​ການ​ກຳ­ນົດ​ເປົ້າ​ໝາຍ ແລະ ວິ­ໄສ​ທັດ​ທີ່​ຊັດ​ເຈນ​ໃນ​ຂະ­ແໜງ​ຕັດ­ຫຍິບ​ລາວ ເພື່ອ​ກ້າວ​ເຂົ້າ​ສູ່​ການ​ຍອມ­ຮັບ​ຈາກ​ຕະ­ຫຼາດ​ສາ­ກົນ​ໃຫ້​ນັບ​ມື້​ຫຼາຍ​ຂຶ້ນ.

ຂ່າວທີ່ກ່ຽວຂ້ອງ