ສີເມືອງກຣຸບ ມອບເງິນອຸປະຖຳວັນສ້າງຕັ້ງກອງທັບ

232 15 ມ.ກ. 2019 ຂ່າວໜ້າ​ໜຶ່ງ
ສີເມືອງກຣຸບ ມອບເງິນອຸປະຖຳວັນສ້າງຕັ້ງກອງທັບ

    ວັນ​ທີ 8 ມັງ­ກອນ 2019 ທີ່​ກະ­ຊວງ​ປ້ອງ​ກັນ​ປະ­ເທດ ທ່ານ ເອ­ກະ​ພັນ ພະ​ພິ​ທັກ ປະ­ທານ​ສະ­ພາ​ບໍ­ລິ­ຫານ ບໍ­ລິ­ສັດ ສີ​ເມືອງ​ກຣຸບ ຈຳ­ກັດ ໄດ້​ມອບ​ເງິນ​ສະ­ໜັບ­ສະ­ໜູນ​ປະ­ມານ 2,48 ຕື້​ກີບ ຫຼື 290.000 ໂດ​ລາ​ສະ­ຫະ­ລັດ ເພື່ອ​ນຳ​ໃຊ້​ເຂົ້າ​ໃນ​ການ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ໃຫ້​ກຽດ​ຮັບ​ໂດຍ​ທ່ານ ພົນ​ເອກ ຈັນ​ສະ­ໝອນ ຈັນ​ຍາ​ລາດ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ.

    ໂອ­ກາດ​ນີ້ ທ່ານ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ໄດ້​ຕີ​ລາ­ຄາ​ສູງ ແລະ ສະ­ແດງ​ຄວາມ​ຂອບ­ໃຈ​ມາ​ຍັງ​ບໍ­ລິ­ສັດ ສີ​ເມືອງ​ກຣຸບ ໃນ​ການ​ປະ­ກອບ­ສ່ວນ​ເງິນ​ຊຸກ­ຍູ້​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ລາວ ຄົບ­ຮອບ 70 ປີ ຄັ້ງ​ນີ້ ພ້ອມ​ທັງ​ອວຍ­ພອນ​ໃຫ້​ບໍ­ລິ­ສັດ ຈົ່ງ​ປະ­ສົບ​ຜົນ­ສຳ­ເລັດ​ໃນ​ການ​ດຳ­ເນີນ​ທຸ­ລະ​ກິດ ແລະ ສືບ­ຕໍ່​ປະ­ກອບ­ສ່ວນ​ຊ່ວຍ­ເຫຼືອ​ສັງ­ຄົມ ເພື່ອ​ພ້ອມ​ກັນ​ສ້າງ­ສາ​ພັດ­ທະ­ນາ​ປະ­ເທດ​ຊາດ ໃຫ້​ມີ​ຄວາມ​ຮຸ່ງ­ເຮືອງ​ສີ­ວິ­ໄລ​ເປັນ​ກ້າວໆ.

ຂ່າວທີ່ກ່ຽວຂ້ອງ