ຂ່າວຫຼ້າສຸດ

ປ້າຍຫ້າມຢຽບຫຍ້າ ບໍ່ມີຄວາມໝາຍ

3.019 08 ກ.ພ. 2011 ພັດທະນານະຄອນຫຼວງ
ປ້າຍຫ້າມຢຽບຫຍ້າ ບໍ່ມີຄວາມໝາຍ

<p style="text-align: justify;"> ສະ­ຖານ­ທີ່​ສາ­ທາ­ລະ­ນະ ບໍ່​ວ່າ​ຈະ​ເປັນ​ສວນ​ສາ­ທາ­ລະ­ນະ​ຢູ່​ຕາມ​ຈຸດ​ຕ່າງໆ ເຊັ່ນ: ສວນ​ປະ­ຕູ​ໄຊ ສວນ​ເຈົ້າ­ຟ້າ​ງຸ່ມ ສວນ​ເຈົ້າ​ອະ­ນຸ­ວົງ ແລະ ແຫ່ງ​ອື່ນໆ ແນ່­ນອນ ແມ່ນ​ຖືກ​ສ້າງ​ຂຶ້ນ​ມາ ເພື່ອ​ສາ­ທາ­ລະ­ນະ​ຊົນ ໄວ້​ເປັນ​ບ່ອນ​ຍ່າງ​ຫຼິ້ນ ນັ່ງ​ຫຼິ້ນ ອອກ­ກຳ­ລັງ​ກາຍ ເປັນ​ບ່ອນ​ຜ່ອນ­ຄາຍ​ອາ­ລົມ ເຊິ່ງ​ໃນ​ໄລ­ຍະ​ຜ່ານ​ມາ ກໍ​ເຫັນ​ຫຼາຍ​ຄົນ​ເຂົ້າ​ໄປ​ຊົມ­ໃຊ້ ສວນ​ແຫ່ງ​ຕ່າງໆ ກໍ​ຖື​ໄດ້​ວ່າ­ຄວາມ​ເປັນ​ຫ່ວງ​ເປັນ​ໄຍ​ຂອງ​ລັດ­ຖະ­ບານ ທີ່​ຕ້ອງ­ການ​ໃຫ້​ປະ­ຊາ­ຊົນ ມີ​ສະ­ຖານ­ທີ່­ພັກ­ຜ່ອນ ແລະ ໃຫ້​ສອດ­ຄ່ອງ​ກັບ​ການ­ຈັດ­ຕັ້ງ​ປະ­ຕິ­ບັດ 6 ສ ຂອງ​ນະ­ຄອນ­ຫຼວງ​ວຽງ​ຈັນ ໂດຍ​ສະ­ເພາະ​ແມ່ນ ສ.ສີ­ຂຽວ ເວົ້າ​ລວມ​ແລ້ວ ແມ່ນ​ເພື່ອ​ຕ້ອງ­ການ​ໃຫ້​ມີ​ສະ­ຖານ­ທີ່ ມີ​ສີ­ຂຽວ​ຈາກ​ຕົ້ນ­ໄມ້ ດອກ​ໄມ້ ໃບ​ຫຍ້າ ທີ່​ສວຍ​ສົດ​ງົດ​ງາມ​ໃນ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ນັ້ນ​ຖື​ວ່າ​ສ່ວນ​ໜຶ່ງ​ຂອງ​ຄຸນ​ປະ­ໂຫຍດ ຂອງ​ສວນ​ສາ­ທາ­ລະ­ນະ ແຕ່​ມາ​ເບິ່ງ​ແລ້ວ ຜູ້​ທີ່​ມາ​ຊົມ­ໃຊ້​ກໍ​ເຫັນ​ວ່າ ຫຼາຍ​ຄົນ​ເອົາ­ໃຈ­ໃສ່ ປະ­ຕິ­ບັດ​ຕາມ​ຄຳ​ແນະ­ນຳ​ຂອງ​ໜ່ວຍ​ງານ​ຮັບ­ຜິດ­ຊອບ ແຕ່​ຍັງ​ມີ​ຄົນ​ຈຳ­ນວນ​ໜຶ່ງ ທີ່​ຍັງ​ຖື​ເບົາ​ຕໍ່​ການ​ປະ­ຕິ­ບັດ ເຊິ່ງ​ໃນ​ໄລ­ຍະ​ຜ່ານ​ມາ ກໍ​ເກີດ​ມີ​ຫາງ​ສຽງ​ຈາກ​ຜູ້​ຄົນ​ກາຍ​ທາງ ບໍ່​ວ່າ​ເປັນ​ເລື່ອງ​ຖິ້ມ​ຂີ້​ເຫຍື້ອ​ຊະ­ຊາຍ ບາງ​ຄັ້ງ​ກໍ​ໄດ້​ຍິນ​ວ່າ ເປັນ​ຈຸດ​ມົ້ວ​ສຸມ​ຂອງ​ບັນ­ດາ​ໄວ​ໜຸ່ມ ແລະ ບັນ­ຫາ​ອື່ນໆ ແຕ່​ສຳ­ລັບ​ການ​ຢຽບ​ຫຍ້າ ຢູ່​ສວນ​ສາ­ທາ­ລະ­ນະ ເຊິ່ງ​ຈຸດ​ທີ່​ເຫັນ​ໄດ້​ງ່າຍໆ ແມ່ນ​ບໍ­ລິ­ເວນ​ສວນ​ເຈົ້າ​ອະ­ນຸ­ວົງ ເຊິ່ງ​ເປັນ​ສວນ​ທີ່​ຫາ​ກໍ່­ສ້າງ​ສຳ­ເລັດ ໃນ​ທ້າຍ​ປີ 2010 ແລະ ໄດ້​ເປີດ​ນຳ​ໃຊ້​ເປັນ​ທາງ​ການ ໂດຍ​ຍັງ​ມີ​ຫຼາຍ​ຄົນ ທີ່​ຍັງ​ບໍ່​ໃສ່­ໃຈ​ກັບ​ປ້າຍ​ສີ­ແດງ ທີ່​ປັກ​ຢູ່​ຕາມ​ຈຸດ​ຕ່າງໆ ທີ່​ຂຽນ​ໂຕ​ໜັງ­ສື​ສີ­ຂາວ​ໃສ່​ວ່າ: <strong>ຫ້າມ​ຢຽບ​ຫຍ້າ</strong>.</p> <p style="text-align: justify;"> ບັນ­ຫາ​ດັ່ງ­ກ່າວ ກໍ​ຖື​ວ່າ​ສຳ­ຄັນ​ເຊັ່ນ​ດຽວ​ກັນ ເພາະ​ກ່ອນ​ສວນ​ແຕ່​ລະ​ແຫ່ງ ຈະ​ສ້າງ​ຂຶ້ນ​ມາ​ສຳ­ເລັດ​ນັ້ນ ຫຍ້າ​ກໍ​ຕ້ອງ​ໄດ້​ປູກ ເຊິ່ງ​ການ​ປູກ​ຫຍ້າ​ນັ້ນ ແນ່­ນອນ​ຕ້ອງ​ໄດ້​ໃຊ້​ງົບ­ປະ­ມານ​ເຂົ້າ​ໃສ່ ບໍ່​ວ່າ​ຈະ​ເປັນ​ຄ່າ​ແຮງ​ງານ ຫຍ້າ​ທີ່​ຄິດ­ໄລ່​ເປັນ­ຕາ​ແມັດ ແລ້ວ​ໃຫ້​ບັນ­ດາ​ທ່ານ​ຄິດ​ເຖິງ​ວ່າ ສວນ​ເຈົ້າ​ອະ­ນຸ­ວົງ ມີ​ເນື້ອ­ທີ່​ຫຼາຍ​ກ່ວ​າ 2 ເຮັກ­ຕາ ຕ້ອງ​ໄດ້​ນຳ​ໃຊ້​ງົບ­ປະ­ມານ​ເທົ່າ­ໃດ ຈຶ່ງ​ຈະ​ປູກ​ຫຍ້າ​ໄດ້​ທົ່ວ​ເຖິງ ດັ່ງ­ນັ້ນ ການ​ຂຶ້ນ​ໄປ​ຢຽບ​ໄປ​ນັ່ງ​ຢູ່​ເທິງ​ຫຍ້າ​ນັ້ນ ຖື​ວ່າ​ເປັນ​ສິ່ງ​ທີ່​ບໍ່​ຄວນ ເພາະ​ແຕ່​ລະ​ຈຸດ ກໍ​ໄດ້​ຕິດ​ປ້າຍ​ໄວ້​ແລ້ວ ແລະ ປ້າຍ​ນັ້ນ ກໍ​ເປັນ​ພາ­ສາ​ລາວ ເຮົາ​ເອງ​ເປັນ​ຫຍັງ​ຈຶ່ງ​ບໍ່​ພາ­ກັນ​ປະ­ຕິ­ບັດ ຫຼື ວ່າ​ປະ­ໂຫຍກ​ທີ່​ຂຽນ​ລົງ​ໄປ​ນັ້ນ ເບິ່ງ​ແລ້ວ​ບໍ່​ເຂົ້າ­ໃຈ​ບໍ ?.</p> <p style="text-align: justify;"> <strong>ໂດຍ: ເມັດ​ຝົນ</strong></p>

ຂ່າວທີ່ກ່ຽວຂ້ອງ