ສປປ ເກົາຫຼີ ກະກຽມ​ການ​ເລືອກ​ຕັ້ງ​ສະພາ​ແຫ່ງ​ຊາດ

379 15 ມ.ກ. 2019 ຂ່າວຕ່າງປະເທດ
ສປປ ເກົາຫຼີ ກະກຽມ​ການ​ເລືອກ​ຕັ້ງ​ສະພາ​ແຫ່ງ​ຊາດ

    ສຳນັກ​ຂ່າວສານ Yonhap ຂອງ ສ ເກົາຫຼີ ລາຍ​ງານ​ອ້າງ​ຕາມ​ຂໍ້​ມູນ ຈາກ​ສຳນັກ​ຂ່າວສານ​ສູນ​ກາງຂອງ ​ສປປ ເກົາຫຼີ (KCNA) ໃຫ້​ຮູ້ເມື່ອ​ວັນ​ທີ 12 ມັງກອນ​ນີ້​ວ່າ ​ສປປ ເກົາຫຼີ ໄດ້​ສ້າງຕັ້ງ​ຄະນະ​ກຳມະການ​ການ​ເລືອກ​ຕັ້ງ​ສູນ​ກາງ ເພື່ອ​ກະກຽມ​ໃຫ້​ແກ່​ການ​ເລືອກ​ຕັ້ງ​ຜູ້​ແທນ ກອງ​ປະຊຸມ​ປະຊາຊົນ​ສູງ​ສຸດ (ສະພາ​ແຫ່ງ​ຊາດ) ຄັ້ງ​ທີ 14.

    KCNA ແຈ້ງ​ໃຫ້​ຮູ້​ໃນ​ວັນ​ດຽວ​ກັນ​ວ່າ ເມື່ອ​ວັນ​ທີ 11 ມັງກອນ​ນີ້ ຄະນະ​ກຳມະການ​ປະຈຳ ກອງ​ປະຊຸມ​ປະຊາຊົນ​ສູງ​ສຸດ ຂອງ ​ສປປ ເກົາຫຼີ ໄດ້​ຕົກລົງ​ສ້າງຕັ້ງ​ຄະນະ​ກຳມະການ ການ​ເລືອກ​ຕັ້ງ​ສູນ​ກາງ ເພື່ອ​ດຳເນີນ​ການ​ເລືອກ​ຕັ້ງ ບັນດາ​ຜູ້​ແທນ​ກອງ​ປະຊຸມ​ປະຊາຊົນ​ສູງ​ສຸດ ຊຸດ​ທີ 14. ຕາມ​ນັ້ນແລ້ວ ປະທານ​ຄະນະ​ກຳມະການ​ການ​ເລືອກ​ຕັ້ງ​ສູນ​ກາງ ຈະ​ຮັບຜິດຊອບ​ໂດຍ​ທ່ານ ຢາງ ຮີ​ອົງ​ເຊ​ອອບ ຮອງ​ປະທານ​ຜູ້​ປະຈຳການ​ຂອງ​ສະພາ​ແຫ່ງ​ຊາດ ໃນ​ຂະນະ​ທີ່​ທ່ານ ກິມ ພຽງ​ເຮ ຮອງ​ປະທານ​ຄະນະ​ກຳມະການ​ປະຈຳ​ສູນ​ກາງ​ພັກ​ແຮງ​ງານ​ເກົາຫຼີ ຈະ​ເປັນ​ຮອງ​ປະທານ ຄະນະ​ກຳມະການ​ການ​ເລືອກ​ຕັ້ງ. ສ່ວນ​ທ່ານ ເຈິງ ຢົງ​ກຸກ ເລຂາທິການ​ຄະນະ​ກຳມະການ ປະຈຳ​ສະພາ​ແຫ່ງ​ຊາດ ຈະ​ເປັນ​ເລຂາທິການ​ຂອງ​ຄະນະ​ກຳມະການ​ການ​ເລືອກ​ຕັ້ງ.

ກ່ອນ​ໜ້າ​ນັ້ນ ​ສປປ ເກົາຫຼີ ໄດ້​ແຈ້ງ​ໃຫ້​ຮູ້​ວ່າ ຈະ​ຈັດການ​ເລືອກ​ຕັ້ງ​ສະພາ​ແຫ່ງ​ຊາດ​ຂອງ ​ສປປ ເກົາຫຼີ ຊຸດ​ທີ 14 ໃນ​ວັນ​ທີ 10 ມີນາ​ໜ້າ​ນີ້ ຊຶ່ງ​ເປັນ​ໄປ​ຕາມ​ມາດຕາ 90 ຂອງ​ລັດ​ຖະ​ທຳ​ມະນູນ ​ສປປ ເກົາຫຼີ.

ຂ່າວທີ່ກ່ຽວຂ້ອງ