ຂ່າວຫຼ້າສຸດ

ສິ້ນ​ສຸດ​ການ​ເຈລະຈາ​ກ່ຽວ​ກັບ​ການ​ຄ້າ​ລະຫວ່າງ ຈີນ - ສ ອາ​ເມ​ຣິ​ກາ

396 11 ມ.ກ. 2019 ຂ່າວຕ່າງປະເທດ
ສິ້ນ​ສຸດ​ການ​ເຈລະຈາ​ກ່ຽວ​ກັບ​ການ​ຄ້າ​ລະຫວ່າງ ຈີນ - ສ ອາ​ເມ​ຣິ​ກາ

    ຂ່າວສານ​ກຽວ​ໂດ ອ້າງ​ຕາມ​ແຫຼ່ງ​ຂ່າວ​ຈາກ​ກະຊວງ​ການ​ຕ່າງປະເທດ​ຈີນ ໃຫ້​ຮູ້​ວ່າ ການ​ເຈລະຈາ​ການ​ຄ້າ​ລະດັບ​ຮອງ​ລັດຖະມົນຕີ ລະຫວ່າງ​ຈີນ ກັບ ສ ອາ​ເມ​ຣິ​ກາ ໄດ້​ສິ້ນ​ສຸດ​ລົງ ໃນ​ວັນ​ທີ 9 ມັງກອນ​ນີ້.

    ຂ່າວ​ແຈ້ງວ່າ ການ​ເຈລະຈາ​ດັ່ງກ່າວ ຊຶ່ງ​ຈັດ​ຂຶ້ນ​ທີ່​ນະຄອນຫຼວງ​ປັກ​ກິງ (ຈີນ) ເປັນ​ການ​ເຈລະຈາ​ໂດຍ​ກົງ​ເທື່ອ​ທຳ​ອິດ ກ່ຽວ​ກັບ​ການ​ຖົກ​ຖຽງ​ດ້ານ​ການ​ຄ້າ ລະຫວ່າງ​ລັດຖະບານ ຂອງ​ສອງ​ປະເທດ (ທີ່​ຕ່າງ​ກໍ​ເປັນ​ພື້ນຖານ​ເສດຖະກິດ​ອັນ​ດັບ​ໃຫຍ່​ສຸດ​ຂອງ​ໂລກ) ນັບ​ແຕ່​ປະທານ ປະເທດ​ຈີນ ສີ​ຈິ້ນ​ຜິງ ແລະ ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ຈັດ​ຕັ້ງ​ການ​ປະຊຸມ​ສຸດ​ຍອດ​ນຳ​ກັນ ຢູ່​ທີ່​ປະເທດ​ອາກ​ຊັງ​ຕິນ ເມື່ອ​ວັນ​ທີ 1 ທັນວາ 2018 ເປັນຕົ້ນ​ມາ.

    ໃນ​ການ​ພົບ​ປະ​ນັ້ນ ຜູ້ນຳ​ທັງ​ສອງ​ໄດ້​ບັນລຸ​ຂໍ້​ຕົກລົງ ຊຶ່ງ​ຕາມ​ນັ້ນແລ້ວ ສ ອາ​ເມ​ຣິ​ກາ ແລະ ​ຈີນ ຕົກລົງ​ງົດ​ການ​ຕອບ​ໂຕ້​ດ້ານ​ພາສີ ຕໍ່​ບັນດາ​ລາຍການ​ສິນຄ້າ​ສົ່ງ​ອອກ​ຂອງ​ກັນ ​ແລະ ​ກັນ ໄວ້​ເປັນ​ການ​ຊົ່ວຄາວ ແລະ​ຊອກ​ຫາ​ວິທີ​ໃຫ້​ສຳເລັດ​ການ​ເຈລະຈາ​ກ່ຽວ​ກັບ​ບັນຫາ​ເຕັກ​ໂນ​ໂລ​ຊີ ແລະ ​ສິດ​ຄອບ​ຄອງ​ທາງ​ດ້ານ​ປັນຍາ ພາຍ​ໃນ​ເວລາ 90 ວັນ.

    ອຳນາດ​ການ​ປົກຄອງ ສ ອາ​ເມ​ຣິ​ກາ ຂູ່​ທີ່​ຈະ​ຂຶ້ນ​ລະດັບ​ພາສີ​ຈາກ 10% ເປັນ 25% ໃນ​ກໍລະນີ​ວ່າ​ສອງ​ຝ່າຍ ບໍ່​ບັນລຸ​ຂໍ້​ຕົກລົງ ເມື່ອ​ໝົດ​ກຳນົດ​ເວລາ​ດັ່ງກ່າວ.

ຂ່າວທີ່ກ່ຽວຂ້ອງ