ຂ່າວຫຼ້າສຸດ

ຈີນ ແລະ ​ສປປ ເກົາຫຼີ ບັນລຸ​ຄວາມ​ເຫັນ​ພ້ອມ​ນຳ​ກັນ​ໃນ​ຫຼາຍ​ບັນຫາ

496 11 ມ.ກ. 2019 ຂ່າວຕ່າງປະເທດ
ຈີນ ແລະ ​ສປປ ເກົາຫຼີ ບັນລຸ​ຄວາມ​ເຫັນ​ພ້ອມ​ນຳ​ກັນ​ໃນ​ຫຼາຍ​ບັນຫາ

     ຂ່າວສານ ຊິນ​ຮວາ ຂອງ​ທາງ​ການ​ຈີນ ລາຍ​ງານ​ເມື່ອ​ວັນ​ທີ 10 ມັງກອນ​ນີ້​ວ່າ ທ່ານ ສີ​ຈິ້ນ​ຜິງ ເລຂາທິການ​ໃຫຍ່​ພັກ​ກອມ​ມູ​ນິດ​ຈີນ ປະທານ​ປະເທດ​ຈີນ ແລະ ​ທ່ານ ກິມ​ເຈິງ​ອູນ ຜູ້ນຳ​ຂອງ ​ສປປ ເກົາຫຼີ ໄດ້​ດຳເນີນ​ການ​ເຈລະຈາ​ກັນ​ເມື່ອ​ວັນ​ທີ 8 ມັງກອນ​ນີ້ ຊຶ່ງ​ມີ​ຂຶ້ນ​ລະຫວ່າງ​ທີ່​ຜູ້ນຳ ​ສປປ ເກົາຫຼີ ຢູ່​ລະຫວ່າງ​ການ​ຢ້ຽມຢາມ​ຈີນ.

    ຂ່າວ​ແຈ້ງວ່າ ຜູ້ນຳ​ທັງ​ສອງ​ໄດ້​ແລກປ່ຽນ​ທັດສະນະ​ນຳ​ກັນ​ຢ່າງ​ເລິກເຊິ່ງ ກ່ຽວ​ກັບ​ການ​ພົວພັນ ລະຫວ່າງ​ຈີນ ກັບ ​ສປປ ເກົາຫຼີ ລວມ​ເຖິງ​ຫຼາຍ​ບັນຫາ​ທີ່​ສອງ​ຝ່າຍ​ຕ່າງ​ກໍ​ໃຫ້​ຄວາມ​ສົນໃຈ ແລະ ​ໄດ້​ບັນລຸ​ຄວາມ​ເຫັນ​ດີ​ເປັນ​ເອກະ​ພາບ​ທີ່​ສຳຄັນ.

    ສອງ​ຝ່າຍ​ເຫັນ​ດີ​ເປັນ​ເອກະສັນ​ກັນ ໃນ​ການ​ພະຍາຍາມ​ຮ່ວມ​ກັນ ເພື່ອ​ຊຸກຍູ້​ການ​ພັດທະນາ​ໃໝ່ ໃນ​ການ​ພົວພັນ​ລະຫວ່າງ​ສອງ​ປະເທດ​ໃນ​ໄລຍະ​ໃໝ່ ຊຸກຍູ້​ວຽກ​ງານ​ການ​ຈັດ​ແຈງ​ທາງ​ດ້ານ​ການເມືອງ ໃນ​ບັນຫາ​ແຫຼມ​ເກົາຫຼີ ຢ່າງ​ຕໍ່​ເນື່ອງ ນຳ​ມາ​ຊຶ່ງ​ຜົນ​ປະໂຫຍດ​ໃຫ້​ແກ່​ປະຊາຊົນ​ສອງ​ປະເທດ ແລະ ​ປະກອບສ່ວນ​ຢ່າງ​ຕັ້ງໜ້າ​ໃຫ້​ແກ່​ສັນຕິພາບ ຄວາມ​ໝັ້ນຄົງ ຄວາມ​ສີວິໄລ ແລະ ​ການ​ພັດທະນາ ຢູ່​ໃນ​ພາກ​ພື້ນ ແລະ ​ໃນ​ໂລກ.

ຂ່າວທີ່ກ່ຽວຂ້ອງ