ຍອດ​ມູນ​ຄ່າ​ຄັງ​ສຳຮອງ​ເງິນຕາ​ຕ່າງປະເທດ​ຂອງ​ຟີ​ລິບ​ປິນ ເພີ່ມ​ຂຶ້ນ​ເປັນ 78,46 ຕື້​ໂດ​ລາ

689 10 ມ.ກ. 2019 ຂ່າວຕ່າງປະເທດ
ຍອດ​ມູນ​ຄ່າ​ຄັງ​ສຳຮອງ​ເງິນຕາ​ຕ່າງປະເທດ​ຂອງ​ຟີ​ລິບ​ປິນ ເພີ່ມ​ຂຶ້ນ​ເປັນ 78,46 ຕື້​ໂດ​ລາ

   ຕາມ​ຂ່າວ​ຕ່າງປະເທດ ທ່ານ ດີ​ວາ ກີ​ນີ​ກຸນ​ໂດ ຮອງ​ຜູ້ອຳນວຍການ​ທະນາຄານ​ແຫ່ງ​ຊາດ​ຟີ​ລິບ​ປິນ (BSP) ຖະແຫຼງ​ເມື່ອ​ວັນ​ທີ 8 ມັງກອນ​ນີ້​ວ່າ ສະຖິຕິ​ໃນ​ເບື້ອງ​ຕົ້ນ​ສະແດງ​ໃຫ້​ເຫັນ​ວ່າ ມາ​ຮອດ​ທ້າຍ​ເດືອນ​ທັນວາ​ປີ 2018 ຍອດ​ມູນ​ຄ່າ​ຄັງ​ສຳຮອງ​ເງິນຕາ​ຕ່າງປະເທດ​ຂອງ​ຟີ​ລິບ​ປິນ ໄດ້​ເພີ່ມ​ຂຶ້ນ​ເປັນ 78,46 ຕື້​ໂດ​ລາ​ສະຫະລັດ.

    ທ່ານ ກີ​ນີ​ກຸນ​ໂດ ກ່າວ​ວ່າ ຕົວ​ເລກ​ດັ່ງກ່າວ​ສູງ​ກວ່າ​ຍອດ​ມູນ​ຄ່າ​ຄັງ​ສຳຮອງ​ເງິນຕາ​ຕ່າງປະເທດ​ທີ່​ມີ​ມູນ​ຄ່າ 75,68 ຕື້​ໂດ​ລາ​ສະຫະລັດ ທີ່​ບັນທຶກ​ໄວ້​ໃນ​ເດືອນ​ພະຈິກ ປີ 2018 ຊຶ່ງ​ສາເຫດ​ຕົ້ນຕໍ​ແມ່ນ​ການ​ບໍລິການ​ເງິນຕາ​ຕ່າງປະເທດ​ຂອງ BSP ໄຫຼ​ເຂົ້າ ມູນ​ຄ່າ​ສຸດທິ​ຂອງ​ເງິນ​ຝາກ​ສະກຸນ​ເງິນຕາ​ຕ່າງປະເທດ​ຂອງ​ລັດຖະບານ​ເພີ່ມ​ຂຶ້ນ ກໍ​ຄື​ຜົນ​ກຳໄລ​ຂອງ​ຄຳ​ຢູ່​ໃນ BSP ຫຼັງ​ການ​ປະ​ເມີນ​ຄ່າ​ຄືນໃໝ່​ຍ້ອນ​ລາຄາ​ຄຳ​ໃນ​ຕະຫຼາດ​ສາກົນ​ສູງ​ຂຶ້ນ. ຂະນະ​ດຽວ​ກັນ​ທ່ານ​ກ່າວ​ຕື່ມ​ວ່າ ຫຼັງ​ຈາກ​ທີ່​ກົມ​ຄຸ້ມ​ຄອງ​ເງິນຕາ​ຕ່າງປະເທດ​ຂອງ​ຟີ​ລິບ​ປິນ ຈ່າຍ​ໜີ້​ສິນ​ທີ່​ເປັນ​ເງິນຕາ​ຕ່າງປະເທດ​ແລ້ວ ຈຶ່ງ​ເຮັດ​ໃຫ້​ຍອດ​ມູນ​ຄ່າ​ຄັງ​ສຳຮອງ​ເງິນຕາ​ຕ່າງປະເທດ ມີ​ຈັງຫວະ​ເຕີບ​ໂຕ​ຫຼຸດ​ລົງ​ເລັກ​ນ້ອຍ.

 

ຂ່າວທີ່ກ່ຽວຂ້ອງ