ວິຖີຊີວິດທີ່ຕິດພັນກັບບາງຄວາມເຊື່ອ

3.418 07 ກ.ພ. 2011 ພັດທະນານະຄອນຫຼວງ

<p style="text-align: justify;"> ປະ­ເທດ​ລາວ ແມ່ນ​ຊາດ​ໜຶ່ງ​ທີ່​ເຄີຍ​ມີ​ຄວາມ​ຮຸ່ງ­ເຮືອງ​ສີ­ວິ­ໄລ ທາງ​ດ້ານ​ວັດ­ທະ­ນະ­ທຳ ຮີດ­ຄອງ​ປະ­ເພ­ນີ​ທີ່​ເປັນ​ເອ­ກະ­ລັກ​ປະ­ຈຳ​ຊາດ ເຊິ່ງ​ເປັນ​ມູນ​ມໍ​ລະ​ກົກ​ອັນ​ລ້ຳ​ຄ່າ ທາງ​ດ້ານ ວັດ­ຖຸ ແລະ ຈິດ­ໃຈ ໂດຍ​ຖື​ເອົາ​ສາດ­ສະ­ໜາ ເປັນ​ທີ່​ເພິ່ງ​ທາງ​ດ້ານ​ຈິດ­ໃຈ ເປັນ​ສິ່ງ​ທີ່​ສຶກ​ສາ​ອົບ­ຮົມ​ບົ່ມ​ຊ້ອນ ເຝິກ­ຝົນ​ຫຼໍ່​ຫຼອມ ທັງ​ເປັນ​ຄະ­ຕິ​ເຕືອນ­ໃຈ ເປັນ​ແບບ­ແຜນ​ການ​ດຳ ລົງ​ຊີ­ວິດ​ປະ­ຈຳ​ວັນ ຂອງ​ການ​ຢູ່​ຮ່ວມ​ກັນ ການ​ປະ­ຕິ­ບັດ​ຕົນ​ຢູ່​ໃນ​ສັງ­ຄົມ ໃຫ້​ຢູ່​ໃນ​ຮີດ 12 ຄອງ 14 ຮີດ​ຍີ່​ຄອງ​ຈຽງ ທີ່​ເປັນ​ປະ­ເພ­ນີ​ອັນ​ດີ­ງາມ​ຂອງ​ຊາດ.</p> <p style="text-align: justify;"> ຖ້າ​ເວົ້າ​ເຖິງ​ການ​ເຊື່ອ​ຖື​ທາງ​ດ້ານ​ສາດ­ສະ­ໜາ ທີ່​ຕິດ​ພັນ​ກັບ​ວິ­ຖີ​ຊີ­ວິດ​ປະ­ຈຳ​ວັນ​ຂອງ​ຄົນ​ລາວ​ເຮົາ​ແລ້ວ ກ່ຽວ​ກັບ​ການ​ເຊື່ອ​ຖື​ທາງ​ໂຫ​ລາ​ສາດ​ນັ້ນ ກໍ​ເປັນ​ສິ່ງ​ທີ່​ສຳ­ຄັນ ແລະ ຈຳ­ເປັນ​ຢ່າງ​ຍິ່ງ ທີ່​ສືບ​ທອດ​ກັນ​ມາ​ຕັ້ງ­ແຕ່​ບັນ​ພະ​ບູ​ລຸດ ເຊິ່ງ​ມັນ​ມີ​ລັກ­ສະ­ນະ​ພົ້ນ​ເດັ່ນ​ໃນ​ຫຼາຍໆ​ດ້ານ ບໍ່​ວ່າ​ຈະ​ເປັນ​ດ້ານ​ຄຸນ​ທາດ​ການ­ເມືອງ ດ້ານ​ວັດ­ທະ­ນະ­ທຳŒສັງ­ຄົມ ການ ພັດ­ທະ­ນາ​ເສດ­ຖະ­ກິດ ການ­ເຄື່ອນ­ໄຫວ​ກິດ­ຈະ­ກຳ​ຕ່າງໆ ລວມ​ທັງ​ການ​ຈັດ​ພິ­ທີ­ກຳ​ໃດ​ໜຶ່ງ ທາງ​ດ້ານ​ສາດ­ສະ­ໜາ ເຊິ່ງ​ມັນ​ຈະ​ສະ­ແດງ​ອອກ​ໃຫ້​ເຫັນ​ຢູ່​ບ່ອນ​ວ່າ ກ່ອນ​ຈະ​ດຳ ເນີນ​ງານ​ໃນ​ວຽກ​ງານ​ໃດ​ໜຶ່ງ ພິ­ທີ­ການ​ໃດ​ໜຶ່ງ ກໍ​ຈະ​ຕ້ອງ​ໃຫ້​ເປັນ​ໄປ​ຕາມ​ຄວາມ​ຖືກ­ຕ້ອງ ພາຍ​ໃຕ້​ກົດ­ໝາຍ ແລະ ຮີດ­ຄອງ​ປະ­ເພ­ນີ ໂດຍ​ຈະ​ໄດ້​ໃຫ້​ໝໍ​ໂຫນ ທຳ­ນາຍ​ທາຍ ທັກ ເລືອກ​ເບິ່ງ​ມື້​ເບິ່ງ​ຍາມ ທີ່​ເຫັນ​ວ່າ​ເປັນ​ມື້​ທີ່​ເປັນ​ສິ​ຣິ​ມຸງ­ຄຸນ ນີ້​ກໍ​ເປັນ­ຄວາມ​ເຊື່ອ​ທາງ​ດ້ານ​ຈິດ­ໃຈ ເຊັ່ນ: ພິ­ທີ­ກຳ​ການ​ສະ­ເຫຼີມ­ສະ­ຫຼອງ ງານ​ບຸນ​ປະ­ເພ­ນີ​ຕ່າງໆ ສະ­ຫຼອງ​ວັນ ສຳ­ຄັນ​ຂອງ​ຊາດ ພິ­ທີ​ຂຶ້ນ​ເຮືອນ​ໃໝ່ ພິ­ທີ​ບາ­ສີ­ສູ່­ຂວັນ ພິ­ທີ­ກຳ​ໃນ​ການ​ແຕ່ງ­ດອງ ແລະ ພິ­ທີ­ກຳ​ທາງ​ດ້ານ​ສາດ­ສະ­ໜາ ອື່ນໆ​ອີກ ທີ່​ຈະ​ຕ້ອງ​ອີງ­ໃສ່​ໂຫ​ລາ​ສາດ ເລືອກ​ມື້​ເລືອກ ຍາມ ໂດຍ​ມີ​ຄວາມ​ເຊື່ອ​ຖື​ວ່າ ຫາກ​ເລືອກ​ໄດ້​ມື້​ທີ່​ມີ​ຄວາມ​ສິ​ຣິ​ມຸງ­ຄຸນ​ແລ້ວ ພິ­ທີ­ການ​ດັ່ງ­ກ່າວ​ນັ້ນ ກໍ​ຈະ​ໄດ້​ຮັບ​ຜົນ­ສຳ­ເລັດ​ໄປ​ດ້ວຍ​ດີ ມີ​ຄວາມ​ຈະ­ເລີນ​ຮຸ່ງ­ເຮືອງ​ສີ­ວິ­ໄລ ຈະ​ໄດ້ ຮັບ​ແຕ່​ສິ່ງ​ດີໆແກ່​ຕົນ​ເອງ ແລະ ຄອບ­ຄົວ​ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ ແລະ ໃນ​ອະ­ນາ­ຄົດ ກົງ­ກັນ­ຂ້າມ ຖ້າ​ຫາກ​ບໍ່​ມີ​ການ​ເລືອກ​ມື້​ເລືອກ​ຍາມ​ແລ້ວ ກໍ​ມີ​ຄວາມ​ເຊື່ອ​ວ່າ ຈະ​ມີ​ເຫດ​ຮ້າຍ ທີ່​ເປັນ​ອຸ­ປະ­ສັກ​ນາໆ ສົ່ງ​ຜົນ​ສະ­ທ້ອນ​ຕໍ່​ກັບ​ການ​ທຳ​ມາ​ຄ້າ­ຂາຍ ບໍ່​ປະ­ສົບ​ຜົນ­ສຳ­ເລັດ ບໍ່​ມີ​ຄວາມ​ກ້າວ­ໜ້າ​ໃນ​ໜ້າ­ທີ່​ການ​ງານ ມັກ​ຈະ​ມີ​ບັນ­ຫາ​ທາງ​ດ້ານ​ສຸ​ຂະ ພາບ ບໍ່​ມີ​ຄວາມ­ສຸກ​ໃນ​ການ​ດຳ­ລົງ​ຊີ­ວິດ​ຕ່າງໆ​ນາໆ ນັ້ນ​ກໍ​ເປັນ​ພຽງ​ຄວາມ​ເຊື່ອ​ຖື​ຂອງ​ສ່ວນ​ບຸກ­ຄົນ ແລ້ວ­ແຕ່​ຈະ​ພິ­ຈາ­ລະ­ນາ ເຫັນ​ຊອບ ຢຶດ​ໝັ້ນ ໜ່ວງ​ໜ່ຽວ ເປັນ​ທີ່​ເພິ່ງ​ທາງ ດ້ານ​ຈິດ­ໃຈ ແຕ່​ເຖິງ​ຢ່າງ­ໃດ​ໃນ​ການ​ເຊື່ອ​ຖື​ນີ້ ກໍ​ເປັນ​ການ​ດີ ເພາະ​ມັນ​ຈະ​ຊ່ວຍ​ໃຫ້​ຄົນ​ເຮົາ​ນັ້ນ ມີ​ຄະ­ຕິ​ເຕືອນ­ໃຈ ມີ​ສະ­ຕິ​ຕື່ນ​ຕົວ​ຢູ່​ຕະ­ຫຼອດ​ເວ­ລາ ສາ­ມາດ​ສ້າງ​ຄວາມ­ສຸກ​ທາງ ດ້ານ​ຈິດ­ໃຈ​ໃຫ້​ແກ່​ຕົນ​ເອງ ແລະ ຄອບ­ຄົວ ເປັນ​ພະ​ທຳ​ສັ່ງ­ສອນ​ໃຫ້​ຄົນ​ເຮົາ ດຳ­ລົງ​ຊີ­ວິດ​ຢູ່​ຮ່ວມ​ກັນ ໂດຍ​ບໍ່​ບຽດ­ບຽນ​ເຊິ່ງ​ກັນ ແລະ ກັນ ຢູ່​ໃນ​ສິນ ກິນ​ໃນ​ທຳ ການ​ປະ­ພຶດ ຕົນ ບໍ່​ໃຫ້​ຜິດ​ຂະ​ນົບ​ທຳ­ນຽມ ສິ່ງ​ສຳ­ຄັນ​ແມ່ນ​ການ​ຮັກ­ສາ ວັດ­ທະ­ນະ­ທຳ ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ຊາດ​ນັ້ນ​ໄວ້ ໃຫ້​ຄົງ​ຢູ່​ຄູ່​ຊາດ​ລາວ​ເຮົາ​ຕະ­ຫຼອດ​ໄປ.</p> <p style="text-align: justify;"> ບາງ​ເຫດ­ຜົນ ບາງ​ຄວາມ​ເຊື່ອ ເວົ້າ​ໄດ້​ວ່າ ທຸກ​ຄົນ​ທີ່​ດຳ­ລົງ​ຊີ­ວິດ​ຢູ່​ໃນ​ສັງ­ຄົມ​ໃດ​ໜຶ່ງ ກໍ​ລ້ວນ​ແຕ່​ມີ​ຄວາມ​ເຊື່ອ​ທີ່​ແຕກ​ຕ່າງ​ກັນ ໃນ​ທຸກໆ​ຊາດ ທຸກໆ​ສາດ­ສະ­ໜາ ທີ່​ຢຶດ​ຖື​ເປັນ​ທີ່ ເພິ່ງ​ທາງ​ຈິດ­ໃຈ ເຮັດ​ໃຫ້​ຈິດ­ໃຈ​ສະ­ຫງົບ ສຸກ​ກາຍ​ສະ­ບາຍ​ໃຈ ແນ່­ນອນ​ວ່າ ພົນ­ລະ­ເມືອງ​ລາວ​ເຮົາ​ສ່ວນ​ໃຫຍ່ ກໍ​ມີ​ການ​ເຊື່ອ​ຖື ແລະ ໃຫ້­ການ​ເຄົາ­ລົບ ຕໍ່​ທາງ​ດ້ານ​ພຸດ​ທະ​ສາດ ສະ­ໜາ ຮີດ­ຄອງ​ປະ­ເພ­ນີ ລວມ​ທັງ​ຄວາມ​ເຊື່ອ​ທາງ​ໂຫ​ລາ​ສາດ ຈົນ​ກາຍ­ເປັນ​ສ່ວນ​ໜຶ່ງ​ທີ່​ຂາດ​ບໍ່​ໄດ້ ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ.</p> <p style="text-align: justify;"> <strong>ໂດຍ:  ຄຳເສີດ ຫານໄຊ</strong></p>

ຂ່າວທີ່ກ່ຽວຂ້ອງ