ຂ່າວຫຼ້າສຸດ

ລາວ ຈະມີໂຮງໝໍຂະໜາດໃຫຍ່ ທີ່ທັນສະໄໝທຽບເທົ່າສາກົນ

583 09 ມ.ກ. 2019 ຂ່າວໜ້າ​ໜຶ່ງ
ລາວ ຈະມີໂຮງໝໍຂະໜາດໃຫຍ່ ທີ່ທັນສະໄໝທຽບເທົ່າສາກົນ

    ພິ­ທີ​ເຊັນ​ສັນ­ຍາ​ກໍ່­ສ້າງ​ໂຮງ­ໝໍ​ກະ­ເສມ​ຣາດ​ອິນ​ເຕີ​ເນ​ຊັນ​ແນວ​ວຽງ​ຈັນ ຈັດ​ຂຶ້ນ​ວັນ​ທີ 8 ມັງ­ກອນ 2019 ຢູ່​ໂຮງ­ແຮມ​ຄຣາວ​ພລາ​ຊາ ລະ­ຫວ່າງ​ທ່ານ ສະ­ເຫຼີມ ຫານ​ພາ­ນິດ ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ບາງ­ກອກ​ເຊນ​ອິນ​ເຕີ​ເນ​ຊັນ​ແນວ (ລາວ) ຈຳ­ກັດ ແລະ ທ່ານ ຄິດ​ຕະ​ພອນ ສຸ­ພາບ ປະ­ທານ​ບໍ­ລິ­ສັດ ປະ​ໂຊກ​ກໍ່­ສ້າງ​ເຄ­ຫາ​ສະ­ຖານ ຈຳ­ກັດ ໂດຍ​ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຄິດ​ຕະ​ພອນ ສຸ­ພາບ ກ່າວ​ວ່າ: ໂຮງ­ໝໍ​ກະ­ເສມ​ຣາດ​ອິນ​ເຕີ​ເນ​ຊັນ​ແນວ​ວຽງ​ຈັນ ເປັນ​ໂຮງ­ໝໍ​ຂະ­ໜາດ​ໃຫຍ່ ແລະ ມີ​ຄວາມ​ທັນ​ສະ­ໄໝ​ທຽບ​ເທົ່າ​ກັບ​ສາ­ກົນ ໂດຍ​ມີ​ສະ­ຖານ­ທີ່​ຕັ້ງ​ຢູ່​ບ້ານ​ດອນ​ນົກ​ຂຸ້ມ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ມີ​ເນື້ອ­ທີ່ 1,92 ເຮັກ­ຕາ ເປັນ​ອາ­ຄານ 12 ຊັ້ນ ມີ 144 ຫ້ອງ 254 ຕຽງ ໂດຍ​ການ​ກໍ່­ສ້າງ​ຈະ​ໄດ້​ແບ່ງ​ອອກ​ເປັນ 2 ໄລ­ຍະ ເຊິ່ງ​ໄລ­ຍະ​ທຳ​ອິດ (ສະ­ເພາະ​ໂຄງ​ສ້າງ ແລະ ຕົບ­ແຕ່ງ) ຈະ​ໃຫ້​ສຳ­ເລັດ​ໃນ​ປີ 2020 ມູນ​ຄ່າ​ກໍ່­ສ້າງ 160 ຕື້​ກີບ ຫຼື ເທົ່າ​ກັບ 600 ລ້ານ​ບາດ.

ຂ່າວທີ່ກ່ຽວຂ້ອງ