ຂ່າວຫຼ້າສຸດ

ຝຸ່ນຊີວະພາບປອດສານພິດ ໃຫ້ຜົນຜະລິດສູງ

2.619 07 ກ.ພ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ທ່ານ ຄຳ​ມູນ ຊາວ​ກະ­ສິ­ກອນ ທັງ​ເປັນ​ຫົວ­ໜ້າ​ກຸ່ມ​ປູກ​ແນວ​ພັນ​ເຂົ້າ​ສົ່ງ​ອອກ ຢູ່​ບ້ານ​ແຈ້ງ ເມືອງ​ທຸ­ລະ­ຄົມ ແຂວງ​ວຽງ​ຈັນ ທີ່​ໄດ້​ນຳ​ໃຊ້​ຝຸ່ນ​ຊີ­ວະ​ພາບ​ປັບ­ປຸງ​ດິນ ຍອດ​ດອຍ ເຂົ້າ​ໃນ​ການ​ຜະ­ລິດ​ໃຫ້​ຮູ້​ວ່າ: ເລີ່ມ​ແຕ່​ນຳ​ໃຊ້​ຝຸ່ນ​ຊີ­ວະ​ພາບ ປັບ­ປຸງ​ດິນ​ຍອດ​ດອຍ​ເຂົ້າ​ໃນ​ການ​ຜະ­ລິດ ເປັນ­ຕົ້ນ​ແມ່ນ​ການ​ປູກ​ເຂົ້າ­ນາ​ປີ ແລະ ນາ­ແຊງ ນອກ­ຈາກ​ນັ້ນ ລາວ​ຍັງ ໄດ້​ນຳ​ໃຊ້​ກັບ​ການ​ປູກ​ໝາກ­ຫຸ່ງ ເຫັນ​ວ່າ​ໄດ້​ຮັບ​ຜົນ​ເປັນ​ທີ່​ໜ້າ​ເພິ່ງ​ພໍ­ໃຈ ເປັນ​ໝາກ​ດົກ­ໜາ ມີ​ລົດ​ຊາດ​ແຊບ​ຫອມ​ຫວານ​ດີ ເນື້ອ­ທີ່​ໝາກ­ຫຸ່ງ​ແໜ້ນ ເກັບ​ໄວ້​ໄດ້​ດົນ ບໍ່​ເນົ່າ​ເປື່ອຍ ງ່າຍ ແລະ ການ­ຈຳ­ໜ່າຍ​ຂາຍ​ອອກ ກໍ​ຖື​ວ່າ​ເປັນ​ທີ່​ສົນ­ໃຈ​ຂອງ​ລູກ​ຄ້າ.</p> <p style="text-align: justify;"> ທ່ານ ຄຳ​ມູນ ຍັງ​ໃຫ້​ຮູ້​ຕື່ມ​ອີ​ກວ່າ: ໃນ​ການ​ປູກ​ໝາກ­ຫຸ່ງ ເລີ່ມ​ຕົ້ນ​ທຳ​ອິດ ເຮົາ​ຕ້ອງ​ໄດ້​ຄັດ​ເລືອກ​ແກ່ນ​ໄນ ກ່ອນ​ຈະ​ນຳ​ເອົາ​ແກ່ນ​ໄປ​ປູກ ວິ­ທີ​ເລືອກ​ແກ່ນ​ໄປ​ເພາະ​ປູກ ເຮົາ ຕ້ອງ​ເກັບ​ເອົາ​ແກ່ນ​ໝາກ­ຫຸ່ງ ລົງ​ໄປ​ແຊ່​ໃນ​ນ້ຳ ຖ້າ​ແກ່ນ​ໃດ​ມັນ​ຟູ​ຂຶ້ນ​ມາ ເຮົາ​ຈະ​ບໍ່​ເອົາ ເພາະ​ມັນ​ເປັນ­ຕົ້ນ​ໝາກ­ຫຸ່ງ​ຜູ້ ເອົາ​ແຕ່​ແກ່ນ​ທີ່​ມັນ​ຈົມ​ນ້ຳ ແມ່ນ​ເປັນ​ເພດ​ແມ່ ເມື່ອ​ເລືອກ ໄດ້​ແລ້ວ ເຮົາ​ເອົາ​ໄປ​ແຊ່​ນ້ຳ​ປະ­ມານ 2 ຄືນ ແລ້ວ​ຈຶ່ງ​ເອົາ​ແກ່ນ​ໄປ​ກ້າ​ໃສ່​ໜານ ບ່ອນ​ທີ່​ກະ­ກຽມ​ໄວ້ ເມື່ອ​ເຫັນ​ວ່າ ເບ້ຍ​ສູງ​ປະ­ມານ 25-30 ຊັງ​ຕີ​ແມັດ​ແລ້ວ ເຮົາ​ກໍ​ຫຼົກ​ເອົາ ເບ້ຍ​ໄປ​ປູກ​ໄດ້ ແຕ່​ສຳ­ຄັນ ກ່ອນ​ເຮົາ​ຈະ​ປູກ ເຮົາ​ຕ້ອງ​ຕັດ​ຮາກ­ແກ້ວ​ຕົ້ນ​ໝາກ­ຫຸ່ງ ປະ­ມານ 2 ຂໍ້­ມື​ອອກ ເພື່ອ​ບໍ່​ໃຫ້​ລຳ­ຕົ້ນ​ມັນ​ສູງ ກ່ອນ​ຈະ​ປູກ ເຮົາ​ຕ້ອງ​ຂຸດ​ຂຸມ​ໃຫ້​ເລິກ ພໍ­ປະ­ມານ ພາຍ­ຫຼັງ​ປູກ​ແລ້ວ ເອົາ​ຝຸ່ນ​ຊີ­ວະ​ພາບ​ປັບ­ປຸງ​ດິນ​ຍອດ​ດອຍ ລົງ​ໃສ່​ປະ­ມານ 1 ປ່ອງ​ນ້ຳ​ນົມ ແລ້ວ​ເອົາ​ດິນ​ທຳ​ມະ​ດາ​ຖົມ ແລ້ວ​ຈຶ່ງ​ເອົາ​ຕົ້ນ​ໝາກ­ຫຸ່ງ​ທີ່​ເຮົາ​ຕັດ​ຮາກ ແກ້ວ ປະ­ມານ 1 ຂໍ້­ມື​ລົງ ແລ້ວ​ຈຶ່ງ​ເອົາ​ດິນ​ຖົມ​ປະ​ໄວ້ ຫຼັງ​ຈາກ​ນັ້ນ​ເອົາ​ນ້ຳ​ຫົດ​ລົງ ແລະ ບົວ­ລະ­ບັດ​ຕາມ​ທຳ​ມະ​ດາ ບໍ່​ຍາກ​ບໍ່​ຊາ​ພໍ​ເທົ່າ­ໃດ ການ​ໃສ່​ຝຸ່ນ​ຊີ­ວະ​ພາບ​ນີ້ ຜ່ານ​ມາ​ກໍ ບໍ່​ເຄີຍ​ໃສ່​ຮອດ 2 ເທື່ອ ມີ​ແຕ່​ໃສ່​ເທື່ອ​ດຽວ ແລ້ວ​ຫົດ​ນ້ຳ​ຕາມ​ທຳ​ມະ​ດາ ເຊິ່ງ​ເຫັນ​ວ່າ ລຳ­ຕົ້ນ​ຂຽວ­ງາມ​ດີ ແລະ ໃຫຍ່​ໄວ​ນຳ​ອີກ.</p> <p style="text-align: justify;"> ສຳ­ລັບ​ຜົນ​ຜະ­ລິດ ຕົ້ນ​ໜຶ່ງ​ໃຫ້​ໝາກ​ບໍ່​ຫຼຸດ 5-6 ໝື່ນ ຖ້າ​ໄລ່​ເປັນ​ເງິນ ຕົ້ນ​ໜຶ່ງ​ປະ­ມານ 200.000 ກ່ວ​າ​ກີບ ເພາະ­ວ່າ 1 ໝື່ນ ຈະ​ໄດ້​ປະ­ມານ 50 ພັນ​ກີບ ການ​ປູກ​ໝາກ ຫຸ່ງ​ໃສ່​ຝຸ່ນ​ຊີ­ວະ​ພາບ ປັບ­ປຸງ​ດິນ​ຍອດ​ດອຍ​ນີ້ ເຫັນ​ວ່າ​ໄດ້​ຮັບ​ຜົນ​ດີ​ມີ​ຜົນ​ກຳ­ໄລ ຈຶ່ງ​ເຮັດ​ໃຫ້​ມີ​ກຳ­ລັງ​ໃຈ ຢາກ​ປູກ​ຕື່ມ​ໃຫ້​ຫຼາຍ​ກ່ວ​າ​ນີ້ ແຕ່​ມີ​ເນື້ອ­ທີ່​ຈຳ­ກັດ.</p> <p style="text-align: justify;"> ສະ­ນັ້ນ ທາງ​ບໍ­ລິ­ສັດ ວຽງ​ສະ­ຫວັນ ສົ່ງ­ເສີມ​ກະ­ສິ­ກຳ ຜູ້​ໃຫ້​ທຶນ ຫຼື ຜູ້​ສະ­ໜອງ​ຝຸ່ນ​ຊີ­ວະ​ພາບ ປັບ­ປຸງ​ດິນ​ຍອດ​ດອຍ ໄປ​ເບິ່ງ​ສະ­ພາບ​ໂຕ​ຈິງ ຂອງ​ຊາວ​ກະ­ສິ­ກອນ ຜູ້­ນຳ​ໃຊ້​ມີ ຄວາມ​ເພິ່ງ​ພໍ­ໃຈ ຕໍ່​ກັບ​ການ​ໃຊ້​ຝຸ່ນ​ດັ່ງ­ກ່າວ ແລະ ກໍ​ມີ​ຄວາມ​ພາກ­ພູມ​ໃຈ ທີ່​ຊາວ​ກະ­ສິ­ກອນ​ນຳ​ໃຊ້​ຫຼາຍ ທາງ​ບໍ­ລິ­ສັດ ກໍ​ມີ​ແຜນ­ການ​ຈະ​ສ້າງ­ຕັ້ງ​ໂຮງ­ງານ ຜະ­ລິດ​ຝຸ່ນ​ຊະ­ນິດ​ນີ້ ຂຶ້ນ ເພື່ອ​ຕອບ​ສະ­ໜອງ​ໃຫ້​ແກ່​ຊາວ​ກະ­ສິ­ກອນ ເພື່ອ​ຫຼຸດ­ຜ່ອນ​ຕົ້ນ​ທຶນ​ການ​ນຳ​ເຂົ້າ​ຈາກ​ຕ່າງ­ປະ­ເທດ.</p> <p style="text-align: justify;"> ການ​ທີ່​ຊາວ​ກະ­ສິ­ກອນ ນຳ​ໃຊ້​ຝຸ່ນ​ຊີ­ວະ​ພາບ​ປັບ­ປຸງ​ດິນ​ຍອດ​ດອຍ​ນີ້ ເຂົ້າ​ໃນ​ການ​ຜະ­ລິດ ຖື​ວ່າ​ເປັນ​ເລື່ອງ​ທີ່​ດີ ເພາະ​ຝຸ່ນ​ນີ້ ບໍ່​ມີ​ສານ­ພິດ ເຮັດ​ໃຫ້​ຜົນ​ຜະ­ລິດ​ບໍ່​ເນົ່າ​ເປື່ອຍ​ງ່າຍ ມີ​ເນື້ອ​ແໜ້ນ­ໜາ ເຮັດ​ໃຫ້​ຜູ້​ບໍ­ລິ­ໂພກ​ມີ​ຜົນ​ດີ​ຕໍ່​ສຸ­ຂະ­ພາບ ການ​ຜະ­ລິດ​ຫຼາຍ​ຈຳ­ໜ່າຍ​ຂາຍ​ກໍ​ໄດ້​ລາ­ຄາ​ດີ ບໍ່​ວ່າ​ຈະ​ເປັນ​ປະ­ເພດ​ໃຫ້​ໝາກ​ໃຫ້​ໃບ ກໍ​ລ້ວນ​ແຕ່​ທາງ​ໃນ​ປອດ​ສານ­ພິດ.</p>

ຂ່າວທີ່ກ່ຽວຂ້ອງ