ເຫດຜົນທີ່ບໍ່ຄວນຫຼິ້ນໂທລະສັບໃນຫ້ອງນ້ຳ

254 09 ມ.ກ. 2019 ຫົວຂໍ້ຂ່າວອື່ນໆ

    ຫຼາຍ​ຄົນ​ທີ່​ມີ​ນິ­ໄສ​ມັກ​ຫຼິ້ນ​ໂທລະ­ສັບ​ໃນ​ຫ້ອງ​ນ້ຳ ແຕ່​ຮູ້​ບໍ່​ວ່າ​ມັນ​ເປັນ​ອັນ­ຕະ­ລາຍ​ຫຼາຍ ເພາະ​ເຈົ້າ​ສາ­ມາດ​ຮັບ​ເຊື້ອ​ພະ­ຍາດ​ຕ່າງໆ ເຂົ້າ​ສູ່​ຕົວ​ເອງ​ໄດ້​ຢ່າງ​ງ່າຍ­ດາຍ ເຊັ່ນ: ເຊື້ອ​ຊາ​ລ​ໂມ​ເນ​ລ​ລາ ເຊື້ອ​ອີ​ໂຄ​ໄລ E ແລະ C.

    Dr. Lisa Ackerley ຜູ້​ຊ່ຽວ­ຊານ​ດ້ານ​ສຸ​ຂະ​ອະ­ນາ­ໄມ​ໄດ້​ເວົ້າ​ວ່າ “ຖ້າ​ຫາກ​ເຈົ້າ​ເຊັດ​ກົ້ນ​ຂອງ​ເຈົ້າ​ແລ້ວ ຈັບ​ໂທລະ­ສັບ​ຂຶ້ນ​ມາ ໂດຍ​ທີ່​ບໍ່​ທັນ​ໄດ້​ລ້າງ​ມື ເຈົ້າ​ຈະ​ໄດ້​ຮັບ​ເຊື້ອ​ແບັກ​ທີ​ເຣຍ​ທັງ​ໝົດ​ທີ່​ຕິດ​ຢູ່​ໃນ​ໂທລະ­ສັບ​ຂອງ​ເຈົ້າ”.

    Dr. Ron Cutler ຜູ້­ອຳ­ນວຍ­ການ​ຂອງ​ອົງ­ການ​ວິ­ທະ­ຍາ­ສາດ​ຊີ­ວະ​ພາບ​ພະ​ລາ​ຊີ​ນີ​ແມ​ລີ່ ແຫ່ງ​ມະ­ຫາ­ວິ­ທະ­ຍາ­ໄລ​ລອນ​ດອນ ໄດ້​ເວົ້າ​ວ່າ “ປົກ­ກະ­ຕິ​ແລ້ວ ຄົນ​ເຮົາ​ບໍ່​ຄວນ​ໃຊ້​ໂທລະ­ສັບ​ໃນ​ເວ­ລາ​ທີ່​ເຮົາ​ເຂົ້າ​ຫ້ອງ​ນ້ຳ ເພາະ​ເຮົາ​ຈະ​ໄດ້​ຮັບ​ເຊື້ອ​ໄວ​ຣັດ ທີ່​ປົນ​ເປື້ອນ​ມາ​ກັບ​ອຸດ­ຈາ­ລະ ແລະ ເຊື້ອ​ພະ­ຍາດ​ຕ່າງໆ ທີ່­ຢູ່​ໃນ​ຫ້ອງ​ນ້ຳ”.

    ເຊື້ອ​ໄວ​ຣັດ​ທີ່​ເຂົ້າ​ສູ່​ມື​ເຮົາ ມັນ​ຍັງ​ສາ­ມາດ​ເຂົ້າ​ສູ່​ຮ່າງ­ກາຍ​ຂອງ​ເຮົາ​ໄດ້​ຫຼາຍ​ທາງ ຜູ້​ຊ່ຽວ­ຊານ​ຍັງ​ເວົ້າ​ອີ​ກວ່າ: ເຮົາ​ບໍ່​ຄວນ​ເກັບ​ໄມ້​ສີ​ແຂ້ວ​ໄວ້​ກັບ​ຊັກ​ໂຄກ ລວມ​ເຖິງ​ການ​ວາງ​ໂທລະ­ສັບ​ໄວ້​ເທິງ ເຈ້ຍ­ອະ­ນາ­ໄມ​ໃນ​ຫ້ອງ​ນ້ຳ ຫຼື ບ່ອນ​ອື່ນໆ ເພາະ­ວ່າ​ເຊື້ອ​ພະ­ຍາດ​ເຫຼົ່າ­ນັ້ນ​ສາ­ມາດ​ຕິດ​ມາ​ກັບ​ໂທລະ­ສັບ​ຂອງ​ເຈົ້າ​ໄດ້ ແລະ ມັນ​ຢູ່​ໄດ້​ດົນ​ເຖິງ 2-3 ວັນ ເພາະ​ໂທລະ­ສັບ​ຂອງ​ເຈົ້າ​ຮ້ອນ ຈະ​ເປັນ​ບ່ອນ­ຢູ່​ທີ່​ອົບ​ອຸ່ນ​ຂອງ​ແບັກ​ທີ​ເຣຍ ນອກ­ຈາກ​ນັ້ນ “ຫາກ​ມີ​ຄາບ​ຄວາມ​ໜຽວ​ຂອງ​ເຂົ້າ­ໜົມ​ຕິດ​ຢູ່​ກັບ​ໂທລະ­ສັບ ກໍ່​ຍິ່ງ​ເຮັດ​ໃຫ້​ແບັກ​ທີ​ເຣຍ​ອາ­ໄສ​ຢູ່​ໄດ້​ດີ” ດັ່ງ­ນັ້ນ ຢ່າ​ລືມ​ລ້າງ​ມື​ໃຫ້​ສະ­ອາດ​ດ້ວຍ​ສະ­ບູ ແລະ ນ້ຳ​ທຸກ​ຄັ້ງ​ທີ່​ອອກ​ຈາກ​ການ​ໃຊ້​ຫ້ອງ​ນ້ຳ.

ຂ່າວທີ່ກ່ຽວຂ້ອງ