All-New Nissan TERRA SUV: All You Need To Know

260 07 ມ.ກ. 2019 ຫົວຂໍ້ຂ່າວອື່ນໆ
All-New Nissan TERRA SUV: All You Need To Know

ການ​ແນະ­ນຳ :

ບໍ­ລິ­ສັດ ຕັນ​ຈົງ​ມໍ​ເຕີ (ລາວ) ຈຳ­ກັດ​ຜູ້​ດຽວ (“TCML”), ຊຶ່ງ​ເປັນ​ບໍ­ລິ­ສັດ​ໃນ​ເຄືອ​ທີ່​ເປັນ​ເຈົ້າ​ຂອງ​ໂດຍ​ບໍ­ລິ­ສັດ Tan Chong Motor Holdings Bhd (ປະ­ເທດ​ມາ​ເລ​ເຊຍ), ແລະ ໄດ້​ຮັບ​ສິດ​ເປັນ​ຜູ້​ຈັດ​ຈຳ­ໜ່າຍ ລົດ­ຍົນ​ຍີ່­ຫໍ້​ນິດ​ສັນ ແຕ່​ພຽງ​ຜູ້​ດຽວ​ໃນ ສປປ ລາວ; ຊຶ່ງ​ໄດ້​ເປີດ​ຕົວ ລົດ​ອາ​ເນກ​ປະ­ສົງ​ນິດ​ສັນ​ເທີ​ຣາ ຂະ­ໜາດ 7 ທີ່​ນັ່ງ ລຸ້ນ​ໃໝ່ ຢ່າງ​ເປັນ​ທາງ​ການ.

 

ຕໍ່​ໄປ​ນີ້​ຄື​ສິ່ງ​ທີ່​ທ່ານ​ຕ້ອງ​ຮູ້​ກ່ຽວ​ກັບ​ລົດ​ອາ​ເນກ​ປະ­ສົງ​ນິດ​ສັນ​ເທີ​ຣາ ລຸ້ນ​ໃໝ່

  1. ລົດ​ອາ​ເນກ​ປະ­ສົງ​ນິດ​ສັນ​ເທີ​ຣາ​ລຸ້ນ​ໃໝ່ ມາ​ພ້ອມ​ກັບ​ໂຄງ​ສ້າງ​ແບບ​ຂັ້ນ​ໃດ​ອາ​ເນກ​ປະ­ສົງ​ແບບ​ເຕັມ​ຄວາມ​ຍາວ​ເຕັມ​ຮູບ​ແບບ ແລະ ໂດຍ​ໄດ້​ພື້ນ­ຖານ​ມາ​ຈາກ​ລົດ​ກະ­ບະ​ບັນ­ທຸກ (Nissan Navara) ນິດ​ສັນ​ນາ­ວາ​ຣາ ແລະ ລົດ​ທີ່​ສ້າງຂຶ້ນມາເປັນເວລາດົນນານຫຼາຍກ່ວາ 60 ປີ ທີ່ສືບທອດກັນມາຂອງລົດອະເນກປະສົງນິດສັນ, ຊຶ່ງລວມເຖີງຮູບແບບສັນຍາລັກທີ່ມີຄວາມໂດດເດັ່ນ ເຊັ່ນວ່າ: Nissan Patrol, Nissan Safari, Nissan Terrano ແລະ Nissan Xterra.
  2. ສ້າງ​ຂຶ້ນ​ທີ່​ສູນ​ກາງ​ຜະ­ລິດ​ຂອງ​ນິດ​ສັນ​ໃນ​ປະ­ເທດ​ໄທ​ສຳ­ລັບ​ຕະ­ຫຼາດ​ອາ­ຊີ​ຕາ­ເວັນ​ອອກ­ສຽງ​ໃຕ້, ລົດ​ອາ​ເນກ​ປະ­ສົງ​ນິດ​ສັນ​ເທີ​ຣາ​ລຸ້ນ​ໃໝ່ ຂະ­ໜາດ 7 ບ່ອນ​ນັ່ງ ມາ​ພ້ອມ​ກັບ​ບ່ອນ​ນັ່ງ​ແບບ​ພັບ​ໄດ້​ສອງ​ແຖວ​ແບບ​ເຕັມ ແລະ ໜ້າ­ທີ່​ການ​ທຳ​ງານ​ແບບ​ປັບ​ໄດ້​ອັດ­ຕະ­ໂນ­ມັດ. ແລະ ໄຟ​ສ່ອງ​ສະ­ຫວ່າງ​ຕອນ​ກາງ­ເວັນ​ທີ່​ເປັນ​ຮູບ​ສັນ­ຍາ​ລັກ​ມູມ​ເມີ​ແລງ ທີ່​ມີ​ເອ­ກະ­ລັກ​ສະ­ເພາະ​ຕົວ ຊຶ່ງ​ບໍ່​ພຽງ​ແຕ່​ການ​ອອກ​ແບບ​ທີ່​ມີ​ສະ​ໄຕ ແຕ່​ຍັງ​ໃຫ້​ຄວາມ​ປອດ​ໄພ ດ້ວຍ​ການ​ຊ່ວຍ​ໃຫ້​ຍານ­ພາ­ຫະ­ນະ​ສາ­ມາດ​ເບີ່ງ​ເຫັນ​ໄດ້​ງ່າຍ​ຂຶ້ນ​ໃນ​ເວ­ລາ​ກາງ­ເວັນ ຫຼື ໃນ​ສະ­ພາບ​ທີ່​ມີ​ເມກ​ໝອກ​ຫຼາຍ ແລະ ໄຟ​ສ່ອງ​ສະ­ຫວ່າງ​ໜ້າ​ແບບ LED ສຳ­ລັບ​ການ​ຂັບ​ຂີ່​ໃນ​ຕອນ​ກາງ­ຄືນ. 
  3. ລົດ​ນິດ​ສັນ​ເທີ​ຣາ​ລຸ້ນ​ໃໝ່ ມີ​ລະ­ບົບ​ກັນ​ສະ­ເທືອນ​ຊ່ວງ​ລ່າງ​ຫຼັງ​ຄອຍ​ສະ­ປິງ​ແບບ five-link ແລະ ເພົາ​ລໍ້​ຫຼັງ​ທີ່​ມີ​ຄວາມ​ແຂງ­ແຮງ ຊຶ່ງ​ຊ່ວຍ​ໃຫ້​ໝັ້ນ​ໃຈ​ເຖີງ​ຄວາມ​ສະ­ດວກ​ສະ­ບາຍ, ແລະ ໜ້າ­ທີ່​ການ​ທຳ​ງານ​ລະ­ບົບ​ແບບ Shift-On-The-Fly 4-Wheel Drive ທີ່​ຊ່ວຍ​ໃຫ້​ຜູ້​ຂັບ​ຂີ່​ສາ­ມາດ​ເລືອກ​ລະ­ຫວ່າງ​ການ​ຂັບ​ເຄື່ອນ​ແບບ​ສອງ​ລໍ້ 2WD ແລະ ແບບ​ຂັບ​ເຄື່ອນ​ສີ່​ລໍ້ 4H ເພື່ອ​ເພີ່ມ​ປະ​ສິ​ທິ​ພາບ​ການ​ນຳ​ໃຊ້​ນຳ​ມັນ​ເຊື້ອ​ໄຟ​ສູງ​ສຸດ​ ໄປ​ສູ່​ຄວາມ​ສາ­ມາດ​ໃນ​ການ​ຂັບ​ຂີ່​ແບບ off-road ໄດ້​ຕາມ­ໃຈ​ສັ່ງ; ແລະ ເມື່ອ​ປ່ຽນ­ແປງ​ສະ­ພາບ​ການ​ຂັບ​ຂີ່​ທີ່​ໃນຖະໜົນເປັນ​ຂຸມ ໃຫ້​ໝູນ​ປຸ່ມ​ໄປ​ຍັງ​ຕຳ­ແໜ່ງ 4LO  ແລະ  ເຊື່ອ​ໝັ້ນ​ໃນ​ລະ­ບົບ​ທີ່​ມີ​ຄວາມ​ສາ­ມາດ​ນີ້ ເພື່ອ​ພາ​ທ່ານ​ໄປ​ຍັງ​ຈຸດ­ໝາຍ​ປາຍ­ທາງ​ຂອງ​ທ່ານ. ດັ່ງ­ນັ້ນ, ຄຳ​ຂັວນ​ຂອງ​ເທີ​ຣາ​ແມ່ນ ‘ລຸຍ​ໄປ​ໄດ້​ທຸກ​ທີ່’. 

 

  1. ລົດ ນິ​​ສ​ສັນ ເທີ​ລ່າ​ລຸ່ນ​ໃໝ່​ໃນ​ປະເທດ​ລາວ ຕິດ​ຕັ້ງ​ເຄື່ອງ​ຈັກ​ເທີ​ໂບ​ຊາດ​ເຈີ DOHC Variable Turbocharger (VGS) ອິນ​ເຕີ​ຄູ​​ລ​ເລີ 4 ຫົວ​ສີດ​ຂະໜາດ 2.5 ລິດ, ພ້ອມ​ລະບົບ​ເກຍ​ອັດຕະໂນມັດ 7 ສະ​ປີດ ພ້ອມ​ໂໝດ​ແມນ​ນວນ (+/-) ທີ່​ໃຫ້​ກຳລັງ​ສູງ​ສຸດ 190 ແຮງ​ມ້າ ແລະ ມີແຮງ​ບິດ​ສູງ​ສຸດ 450 ນິວ​ຕັນ​ແມັດ ໃຫ້​ອັດຕາ​ການ​ເລັ່ງ​ທີ່​ດີກວ່າ​ເມື່ອ​ທຽບ​ກັບ​ລົດຍົນ​ໃນ​ລະດັບ​ດຽວ​ກັນ ຈຶ່ງ​ເຮັດ​ໃຫ້​ຂັບ​ເຄື່ອນ​ໄດ້​ຢ່າງ​ສະດວກສະບາຍ ແລະ ໃຫ້​ພະລັງ​ເມື່ອ​ຕ້ອງການ.

 

  1. ລົດ​ນິດ​ສັນ​ເທີ​ຣາ​ລຸ້ນ​ໃໝ່ ມອບ​ທັງ​ຄວາມ​ສະດວກ​ສະບາຍ ແລະ ຄວາມ​ທົນ​ທານ​ໃຫ້​ກັບ​ຜູ້​ຂັບ​ຂີ່ ໄລຍະ​ຄວາມ​ສູງ​ຈາກ​ພື້ນ​ຖະໜົນ​ເຖີງ​ໃຕ້​ທ້ອງ​ລົດ​ຂະໜາດ 225 ​ມມ ແລະ ມີ​ຄວາມ​ຍາວ​ວັດແທກ​ໄດ້ 4885 ​ມມ, ມີ​ຄວາມ​ກວ້າງ 1865 ​ມມ ແລະ ຄວາມ​ສູງ 1835 ​ມມ, ແລະ ມີ​ຄວາມ​ເໝາະ​ສົມ​ສຳລັບ​ພູມ​ມີ​ພາກ​ນີ້  ເນື່ອງ​ຈາກ​ຊ່ວຍ​ຫຼຸດຜ່ອນ​ຄວາມ​ສ່ຽງ​ຈາກ​ຄວາມ​ເສຍ​ຫາຍ​ຈາກ​ຖະໜົນ​ເປັນບວກເປັນຂຸມ ແລະ ການ​ຂັບ​ຂີ່​ໃນ​ພື້ນ​ທີ່​ນ້ຳ​ຖ້ວມ.

 

 

 

 

  1. ດ້ານ​ໃນ​ຂອງ​ລົດ ນິ​ສ​ສັນ ເທີ່​ຣ່າ​ລຸ່ນ​ໃໝ່​ມາ​ພ້ອມ​ກັບ​ໜ້າ​ຈໍ​ສະ­ແດງ​ຂໍ້​ມູນ​ຜ່ານ​ລະ­ບົບ​ສະ­ແດງ​ຂໍ້​ມູນ​ແບບ​ອັດ​ສະ​ລີ​ຍະ ທີ່​ໃຫ້​ຂໍ້​ມູນແກ່ຜູ້ຂັບຂີ່ກ່ຽວກັບມີເຕີອອຟໂຣດ, ເຄື່ອງວັດຄວາມໄວຮອບ, ອຸນຫະພູມຂ້າງນອກ, ມາດຕາວັດນໍ້າມັນເຊື້ອໄຟ ແລະ ອື່ນໆ. ໃນຂະນະທີ່ ຜູ້ໂດຍສານທີ່ນັ່ງໃນລົດຈະໄດ້ຮັບຄວາມເພີດເພີນກັບຄວາມຮູ້ສຶກແຍກສ່ວນອຸນຫະພູມທີ່ສະດວກສະບາຍ ແລະ ຈໍສະແດງຜົນແບບດີຈີຕອລທີ່ມີຄວາມທັນສະໄໝຂອງການຄວບຄຸມອຸນຫະພູມອັດຕະໂນມັດແບບ (Dual-Zone) ສຳລັບດ້ານໜ້າ, ໃນຂະນະທີ່ ຊ່ອງລະບາຍອາກາດດ້ານຫຼັງ ແລະ ບ່ອນນັ່ງດ້ານຫຼັງໃຫ້ຄວາມສະດວກສະບາຍສໍາລັບຜູ້ໂດຍສານ. ລະບົບຄວາມບັນເທີງດ້ານຫຼັງດ້ວຍຈໍໂມນີເຕີແບບຄູ່ຂະໜາດ 12.25 ນິ້ວ, ພ້ອມດ້ວຍແວ່ນອະຄູສຕິກທີ່ຫຼຸດຜ່ອນສຽງລົບກວນ ແລະ ບ່ອນວາງຂວດນໍ້າໄດ້ເຖີງ 14 ຂວດ ຊຶ່ງຈະເຮັດໃຫ້ການເດີນທາງຂອງຄອບຄົວທ່ານເປັນເລື່ອງທີ່ນ່າຈົດຈຳ ແລະ ມ່ວນຊື່ນ.   

 

 

 

  1.  ໃນ​ດ້ານ​ຄວາມ​ປອດ​ໄພ, ນິດ​ສັນ​ເທີ​ຣາ​ລຸ້ນ​ໃໝ່ ມີ​ເຕັກ​ໂນ​ໂລ​ຊີ​ຂັ້ນ​ສູງ​ສຳລັບ​ການ​ຂັບ​ຂີ່​ທີ່​ມີ​ຄວາມ​ປອດ​ໄພ ແລະ ໃຫ້​ຄວາມ​ໝັ້ນ​ໃຈ​ຍິ່ງ​ຂຶ້ນ. ເຕັກ​ໂນ​ໂລ​ຊີ​ນະ​ວັດຕະ​ກຳ​ນີ້​ແມ່ນ​ເອີ້ນ​ວ່າ ເຕັກ​ໂນ​ໂລ​ຊີ​ອັດ​ສະ​ລີ​ຍະ​ເພື່ອ​ການ​ຂັບ​ຂີ່​ໃນ​ອານາ​ຄົດ (Nissan Intelligent Mobility) ລວມ​ເຖີງ​ລະບົບ Auto Tail Gate (ທີ່​ເປັນ​ລະບົບ​ເປີດ​ປະຕູ​ທ້າຍ​ອັດຕະໂນມັດ​ເມື່ອ​ທ່ານ​ເຂົ້າ​ໃກ້ ແລະ ພຽງ​ແຕ່​ແຕະ​ຕີນ​ຂອງ​ທ່ານ​ໃຕ້​ກັນ​ຊົນ​ຫຼັງ​ເທົ່າ​ນັ້ນ), ລະບົບ​ການ​ແຈ້ງ​ເຕືອນ​ເມື່ອ​ລົດ​ອອກ​ນອກ​ເລນ​ຖະໜົນ Lane Departure Warning (LDW) ຊ່ວຍ​ເພີ່ມ​ຄວາມ​ປອດ​ໄພ​ຂອງ​ທ່ານ ໂດຍ​ລະບົບ​ເຊັນ​ເຊີ​ຈະ​ທຳ​ການ​ກວດ​ຈັບ​ເສັ້ນ​ຈາລະ​ຈອນ​ເທີງ​ຖະໜົນ​ແບບ Real-time ເມື່ອ​ໃດ​ກໍ່​ຕາມ​ທີ່​ລົດ​ຂອງ​ທ່ານ​ເລີ່ມ​ປ່ຽນ​ເລນ​ໂດຍ​ບໍ່​ຕັ້ງໃຈ ກ້ອງ​ຕິດ​ລົດ​ທີ່​ມີ​ລະບົບ LDW ກໍ່​ຈະ​ສົ່ງ​ສຽງ​ເຕືອນ (ປຸກ) ທັນທີ. ລະບົບ​ຈໍ​ພາບ​ຮອບ​ທິດ​ທາງ​ແບບ​ອັດ​ສະ​ລີ​ຍະ​ຂອງ​ນິດ​ສັນ   Intelligent Around View Monitor (i-AVM) ແມ່ນ​ນຳ​ໃຊ້​ກ້ອງ 4 ໜ່ວຍ ທີ່​ຕິດ​ຕັ້ງ​ຮອບ​ຕົວ​ລົດ​ນິດ​ສັນ​ເທີ​ຣາ ເພື່ອ​ໃຫ້​ທ່ານ​ສາມາດ​ເຫັນ​ມຸມ​ມອງ​ໄດ້ 360 ອົງສາ ອ້ອມ​ຕົວ​ລົດ ເພື່ອ​ຊ່ວຍ​ທ່ານ​ເຫັນ​ພາບ​ໄດ້​ເມື່ອ​ເຂົ້າ​ຈອດ​ລົດ ຫຼື ຫຼົບ​ຫຼີກ​ຈຸດ​ທີ່​ຄັບແຄບ ໂດຍ​ສະເພາະ​ເມື່ອ​ທ່ານ​ຕ້ອງ​ຂັບ​ລົດ​ໄປ​ຍັງ​ສະພາບ​ຖະໜົນ​ແບບ​​ອອຟ​ໂຣດ, ໃນ​ຂະນະ​ທີ່​ລະບົບ​ກວດ​ຈັບ​ການເຄື່ອນໄຫວ​ຂອງ​ວັດຖຸ Moving Object Detection (MOD) ແມ່ນ​ນຳ​ໃຊ້​ກ້ອງ 4 ໜ່ວຍ​ໃນ​ການ​ກວດ​ຈັບ​ວັດຖຸ​ເຄື່ອນ​ທີ່​ອ້ອມ​ຕົວ​ຍານພາຫະນະ ເມື່ອ​ຢູ່​ໃນ​ບ່ອນ​ຈອດ​ລົດ ຫຼື ເຄື່ອນ​ທີ່​ຊ້າໆ ຈາກ​ນັ້ນ​ລະບົບ​ຈະແຈ້ງ​ເຕືອນ​ຜູ້​ຂັບ​ຂີ່​ທັງ​ແບບ​ສະແດງ​ພາບ ແລະ ສຽງ​ແຈ້ງ​ເຕືອນ, ແລະ ຍັງ​ມີ​ຄຸນ​ນະ​ສົມບັດ​ເພີ່ມ​ເຕີມ​ອີກ​ຫຼາຍໆ​ຢ່າງ​ໃຫ້​ທ່ານ​ໄດ້​ສຳ​ພັດ.

 

  1. ລະບົບເຕັກໂນໂລຊີຄວາມປອດໄພອື່ນໆທີ່ມາພ້ອມກັບຄຸນນະສົມບັດທີ່ມີການຄວບຄຸມທີ່ເພີ່ມຂຶ້ນເຊັ່ນ:

- ລະບົບ Hill Start Assist (HSA) ຊ່ວຍໃນການປ້ອງກັນບໍ່ໃຫ້ລົດໄຫຼໄປດ້ານຫຼັງເປັນເວລາສອງສາມວິນາທີ ຊຶ່ງເຮັດໃຫ້ຜູ້ຂັບຂີ່ມີເວລາພຽງພໍທີ່ຈະປ່ຽນຈາກແປ້ນເບຣກໄປເປັນຄັນເລັ່ງ.

- ລະບົບ Hill Descent Control (HDC) ຊ່ວຍໃນການຄວບຄຸມຄວາມໄວໃນການຂັບຂີ່ລົງທາງຄ້ອຍຊັນ ໂດຍການປັບຄວາມໄວ ແລະ ຄວາມດັນເບຣກໂດຍອັດຕະໂນມັດ.

- ລະບົບ 4-Wheel Active Brake Limited Slip (ABLS) ຈະກວດຈັບການໝູນຂອງລໍ້ ແລະ ໃຊ້ແຮງກົດເບຣກກັບລໍ້ທີ່ມື່ນໄຫຼ ແລະ ປ່ຽນທິດທາງກຳລັງໄປຍັງລໍ້ອື່ນໆ ໂດຍອັດຕະໂນມັດດ້ວຍການຍຶດເກາະ ເພື່ອຊ່ວຍໃນການເອົາຊະນະສະພາບສະພາບເສັ້ນທາງທີ່ຫຍຸ້ງຍາກ.

- ລະບົບ Electronic Locking Rear Differential (ELRD) ເປີດໃຊ້ງານດ້ວຍການກົດປຸ່ມທີ່ໃຫ້ຄຸນສົມບັດການຂັບຂີ່ແບບອອຟໂຣດ ທີ່ຍອດຍ້ຽມໂດຍການຂັບເຄື່ອນລໍ້ຫຼັງທັງສອງເທົ່າກັນ ເພື່ອເພີ່ມການຍຶດເກາະ ແລະ ເຮັດໃຫ້ທ່ານກ້າວໄປຂ້າງໄດ້ຢ່າງໝັ້ນໃຈ.

- ຖົງລົມນິລະໄພແບບ SRS 6 ຈຸດ (ຖົງລົມຄູ່ໜ້າ, ຖົງລົມດ້ານຂ້າງ, ມ່ານຖົງລົມດ້ານຂ້າງ ສໍາລັບເບາະນັ່ງແຖວທີ່ 2 ແລະ ແຖວທີ່ 3).

- ລະບົບເຊັນເຊີຈອດລົດດ້ານຫຼັງແບບ 4 ຕາພ້ອມຈໍສະແດງຜົນ, ກ້ອງເບີ່ງດ້ານຫຼັງ, ລະບົບປ້ອງກັນຂະໂມຍ ພ້ອມໜ້າທີ່ແບບ ແຈ້ງເຕືອນແບບ VSS ແລະ ລະບົບຄວບຄຸມການເປີດ-ປິດໄຟລົດແບບອັດຕະໂນມັດໃນຂະນະທີ່ເຂົ້າ-ອອກລົດ.

- ລະບົບເບຣກປ້ອງກັນລໍ້ລ໊ອກ (ABS), ລະບົບກະຈາຍແຮງເບຣກແບບອີເລັກໂທຣນິກ (EBD), ລະບົບຊ່ວຍເບຣກ(BA), ລະບົບຄວບຄຸມຍານພາຫະນະແບບໄດນາມິກ (VDC), ລະບົບປ້ອງກັນຄວາມປອດໄພຂອງເດັກນ້ອຍ ແລະ ໂຄງສ້າງຕົວຖັງລົດ (ລວມເຖີງໂຄງສ້າງດ້ານໜ້າໂຄງສ້າງຫ້ອງຜູ້ໂດຍສານເພື່ອຫຼຸດຜ່ອນຜົນກະທົບ ແລະ ໃຫ້ຄວາມຄຸ້ມຄອງແກ່ທ່ານ ແລະ ຜູ້ໂດຍສານຂອງທ່ານ).

- ລະບົບເບຣກປ້ອງກັນລໍ້ລ໊ອກ (ABS), ລະບົບກະຈາຍແຮງເບຣກແບບອີເລັກໂທຣນິກ (EBD), ລະບົບຊ່ວຍເບຣກ(BA), ລະບົບຄວບຄຸມຍານພາຫະນະແບບໄດນາມິກ (VDC), ລະບົບປ້ອງກັນຄວາມປອດໄພຂອງເດັກນ້ອຍ ແລະ ໂຄງສ້າງຕົວຖັງລົດ (ລວມເຖີງໂຄງສ້າງດ້ານໜ້າໂຄງສ້າງຫ້ອງຜູ້ໂດຍສານເພື່ອຫຼຸດຜ່ອນຜົນກະທົບ ແລະ ໃຫ້ຄວາມຄຸ້ມຄອງແກ່ທ່ານ ແລະ ຜູ້ໂດຍສານຂອງທ່ານ).

 

ບັນດາລູກຄ້າ ແລະ ສະມາຊິກທົ່ວໄປທີ່ມີຄວາມສົນໃຈ ລົດນິດສັນເທີຣາລຸ້ນໃໝ່ ເຊີນທ່ານເຂົ້າເບີ່ງໄດ້ທີ່ຫ້ອງວາງສະແດງລົດນິດສັນທຸກສາຂາ ຊຶ່ງມີຫຼາຍສີໃຫ້ທ່ານໄດ້ເລືອກເຊັ່ນ: Earth Brown, Lunar Metallic Gray, Flare Metallic Gold, Fiery Red, Galaxy Black, Dark Blue, Brilliant Silver ແລະ Aspen Pearl White.

ສຳລັບຂໍ້ມູນເພີ່ມເຕີມກ່ຽວກັບລົດນິດສັນທຸກລຸ້ນໃນ ສປປ ລາວ, ກະລຸນາເຂົ້າຢ້ຽມຊົມໄດ້ທີ່ເວັບໄຊທ໌ www.nissan-lao.la

ຫຼື ຕິດຕາມໄດ້ທີ່ໜ້າ ເຟສບຸກຂອງນິດສັນລາວ fb.com/NissanLaos/

 

 

#             #             #

 

ຂ່າວທີ່ກ່ຽວຂ້ອງ