ບໍລິສັດຈີນ ຮ່ວມພັດທະນານະວັດຕະກຳ ພລາສຕິກ ລະລາຍນ້ຳໄດ້ເພື່ອຫຼຸດມົນລະພາວະທາງທະເລ

375 03 ມ.ກ. 2019 ຫົວຂໍ້ຂ່າວອື່ນໆ

    ຖົງ​ພລາ​ສ​ຕິກ​ລະ­ລາຍ​ນ້ຳ ທີ່​ຜະ­ລິດ ແລະ ພັດ­ທະ­ນາ​ຮ່ວມ​ໂດຍ​ນັກ­ທຸ­ລະ­ກິດ​ຊາວ​ຊິ​ລີ ທ່ານ ໂຣ​ແບຣ໌ໂຕ ແອ​ສ​ເຕ​ເຕ (Roberto Astete) ຜູ້​ກໍ່​ຕັ້ງ​ບໍ​ລິ​ສັກ Solubag SpA ກັບ​ບໍ­ລິ­ສັດ​ຄູ່​ຄ້າ​ໃນ​ມົນ­ທົນ​ກວ່າງ​ຕົງ Polye Materials Co.

    ລາຍ​ງານ​ຂ່າວ​ຈາກ​ໜັງ­ສື­ພິມ​ໄຊ​ນ່າ​ເດລີ່ ກ່າວ​ວ່າ​ນັກ­ທຸ­ລະ­ກິດ​ຊາວ​ຊິ​ລີ ທ່ານ ໂຣ​ແບຣ໌ໂຕ ແອ​ສ​ເຕ​ເຕ (Roberto Astete) ຜູ້​ກໍ່​ຕັ້ງ​ບໍ­ລິ­ສັດ Solubag SpA ຊຶ່ງ​ມີ​ແນວ​ຄິດ​ຜະ­ລິດ​ພລາ​ສ​ຕິກ ທີ່​ສາ­ມາດ​ລະ­ລາຍ​ນ້ຳ​ໄດ້ ຮ່ວມ​ມື​ກັບ​ບໍ­ລິ­ສັດ​ຄູ່​ຄ້າ​ຂອງ​ເຂົາ​ໃນ​ມົນ­ທົນ​ກວ່າງ​ຕົງ Polye Materials Co. ເພື່ອ​ຜະ­ລິດ​ຖົງ​ຜ້າ​ພລາ​ສ​ຕິກ ທີ່​ລະ­ລາຍ​ນ້ຳ ແລະ ວາງ​ຈຳ­ໜ່າຍ​ໃນ​ປະ­ເທດ​ຊີ​ລີ ເມື່ອ​ເດືອນ​ກໍ­ລະ­ກົດ​ທີ່​ຜ່ານ​ມາ ຫຼັງ​ຈາກ​ປະ­ເທດ​ຊິ​ລີ ອອກ​ກົດ­ໝາຍ​ຫ້າມ​ໃຊ້​ຖົງ ພລາ​ສ​ຕິກ​ຕາມ​ຮ້ານ​ຄ້າ.

    ຖົງ​ພລາ​ສ​ຕິກ ເປັນ​ຜະ­ລິດ​ຕະ​ພັນ​ປິ​ໂຕຣ​ເຄ​ມີ ຊຶ່ງ​ເປັນ​ອັນ­ຕະ­ລາຍ​ຕໍ່​ລະ­ບົບ​ນິ­ເວດ​ທັງ​ໝົດ ແລະ ຕ້ອງ​ໃຊ້​ເວ­ລາ​ຫຼາຍ​ສະ­ຕະ­ວັດ​ສຳ­ລັບ​ການ​ຍ່ອຍ​ສະ­ຫຼາຍ.

    ການ​ທົດ​ສອບ​ກະ​ເປົ໋າ​ທີ່​ຜະ­ລິດ​ຮ່ວມ​ໂດຍ Solubag SpA ກັບ Polye Materials Co. ຊຶ່ງ​ລະ­ລາຍ​ໃນ​ນ້ຳ​ໄດ້​ຢ່າງ​ວ່ອງ­ໄວ ແລະ Astete ໄດ້​ດື່ມ​ສ່ວນ​ປະ­ສົມ​ໃນ​ລະ­ຫວ່າງ​ການ​ຖະ­ແຫຼງ​ຂ່າວ ເພື່ອ​ຮັບ­ຮອງ​ຄວາມ​ປອດ​ໄພ​ຈິງ.

    ທ່ານ ເສິນ ກັງ ປະ­ທານ Polyrocks Chemical Co ບໍ­ລິ­ສັດ​ແມ່​ຂອງ Polye ໃຫ້​ຂໍ້​ມູນ​ວ່າ ຖົງ​ພລາ​ສ​ຕິກ​ນີ້ ເຮັດ​ຈາກ​ໂພ​ລີ​ໄວ​ນິວ​ແອວ​ກໍ​ຮໍ ຊຶ່ງ​ເປັນ PVA ກ໊າ​ຊ​ທຳ​ມະ​ຊາດ ຫຼື ຄາຣ໌​ໄບດ໌ແຄວ​ຊຽມ ລະ­ລາຍ​ໃນ​ນ້ຳ​ໄດ້​ໃນ​ບໍ່​ເທົ່າ­ໃດ​ນາ­ທີ ຈຶ່ງ​ບໍ່​ເຮັດ​ໃຫ້​ສັດ­ທະ​ເລ​ເປັນ​ອັນ­ຕະ­ລາຍ ແລະ ມົນ​ລະ​ພິດ​ທັງ​ໃນ​ນ້ຳ ແລະ ດິນ ເປັນ​ມິດ​ກັບ​ສິ່ງ­ແວ­ດລ້ອມ.

    ທັ້ງ​ນີ້ PVA ຖືກ​ນຳ​ມາ​ໃຊ້​ໃນ​ການ​ຜະ­ລິດ​ສີ​ກາວ ແລະ ສິ່ງ​ທໍ ນັບ​ຕັ້ງ­ແຕ່​ທົດ​ສະ​ວັດ ທີ 1930 ເປັນ­ຕົ້ນ​ມາ ແລະ ໃນ​ໄລ­ຍະ​ບໍ່​ເທົ່າ­ໃດ​ປີ​ທີ່​ຜ່ານ​ມາ ຟິລ໌ມ PVA ຍັງ​ໃຊ້​ກັນ​ຢ່າງ​ກວ້າງ­ຂວາງ​ໃນ​ການ​ບັນ­ຈຸ​ຫີບ​ຫໍ່.

    ທ່ານ ສຸຍ ເຢ່ວ​ເຟີຍ ນັກ​ປະ­ດິດ​ຖົງ ແລະ ວິ­ສະ­ວະ­ກອນ​ອາ­ວຸ­ໂສ​ຂອງ South China University of Technology ໃນ​ກວາງ​ໂຈວ ກ່າວ​ວ່າ ໄດ້​ໃຊ້​ເວ­ລາ​ຫຼາຍ​ປີ​ໃນ​ການ ພັດ­ທະ­ນາ PVA ໃນ​ຫ້ອງ​ທົດ​ລອງ ແລະ ສຳ­ເລັດ​ການ​ທົດ​ລອງ​ຂອງ​ເຂົາ ໃນ​ປີ 2008 ຈົນ​ໄດ້​ຮັບ​ຄວາມ​ສົນ­ໃຈ​ຈາກ ບໍ­ລິ­ສັດ Polyrocks ຊຶ່ງ​ເປັນ​ທີ່​ຮູ້­ຈັກ​ໃນ​ດ້ານ​ຜະ­ລິດ​ຕະ​ພັນ​ທີ່​ທົນ​ໄຟ.

    ຢ່າງ­ໃດ​ກໍ່​ຕາມ ຖົງ​ພລາ​ສ​ຕິກ​ຊະ­ນິດ​ນີ້ ຍັງ​ມີ​ບັນ­ຫາ​ຄວາມ​ຫົດ​ຢືດ​ກັບ​ຄວາມ​ຮ້ອນ ເຮັດ​ໃຫ້​ຈິກ​ຂາດ​ງ່າຍ ຈຶ່ງ​ຍັງ​ຕ້ອງ​ພັດ­ທະ­ນາ​ຕໍ່​ໄປ​ເພື່ອ​ໃຊ້​ງານ​ໃນ​ລະ­ດັບ​ອຸດ­ສາ­ຫະ­ກຳ.

    ທ່ານ ໂຣ​ແບຣ໌ໂຕ ແອ​ສ​ເຕ​ເຕ ນັກ­ທຸ­ລະ­ກິດ​ຊາວ​ຊິ​ລີ ກ່າວ​ວ່າ: “ຂ້ອຍ​ຢູ່​ໃນ​ອຸດ­ສາ­ຫະ­ກຳ​ພລາ​ສ​ຕິກ​ມາ​ຕະ­ຫຼອດ ແລະ ຄິດ​ວ່າ​ເຖິງ​ເວ­ລາ​ແລ້ວ ເຮົາ​ບໍ່​ສາ­ມາດ​ໃຊ້​ຖົງ​ປິ​ໂຕຣ​ເຄ​ມີ​ໄດ້​ອີກ​ຕໍ່​ໄປ ຂ້ອຍ​ພະ­ຍາ­ຍາມ​ນຳ​ສະ­ເໜີ​ນະ​ວັດ­ຕະ​ກຳ​ນີ້​ກັບ​ຜູ້​ຜະ­ລິດ​ໃນ​ເອີ​ຣົບ ແລະ ອາ​ເມ​ຣິ​ກາ​ເປັນ​ອັນ​ດັບ​ຕົ້ນ ແຕ່​ພວກ​ເຂົາ​ບໍ່​ຄ່ອຍ​ສົນ­ໃຈ ເພາະ​ອັດ­ຕາ​ກຳ­ໄລ​ຂອງ​ຖົງ​ຊ້ອບ​ປິ້ງ​ມີ​ໜ້ອຍ​ຫຼາຍ ຂ້ອຍ​ຈຶ່ງ​ມາ​ຮ່ວມ​ທຸ­ລະ​ກິດ​ທີ່​ປະ­ເທດ​ຈີນ”.

ວ. ດາ­ລາ​ວົງ -ນຳ​ສະ­ເໜີ

ຂ່າວທີ່ກ່ຽວຂ້ອງ