ຂ່າວຫຼ້າສຸດ

ໜ້າໄມ້

460 27 ທ.ວ. 2018 ຫົວຂໍ້ຂ່າວອື່ນໆ

    ໜ້າ­ໄມ້ ຄຳ​ນາມ ແປ​ວ່າ ເຄື່ອງ­ມື​ພື້ນ­ເມືອງ​ໃຊ້​ຍິງ​ສັດ​ຊະ­ນິດ​ໜຶ່ງ​ເຮັດ​ດ້ວຍ​ໄມ້­ແກ່ນ ມີ​ຄັນ ແລະ ເຊືອກ​ໜັງ​ມັດ​ໃສ່​ສອງ​ສົ້ນ​ເພື່ອ​ດຶງ​ມາ​ໃສ່​ໄລ​ຢູ່ ທ້າຍ​ລຳ​ທີ່​ຍາວ​ມີ​ຮ່ອງ​ສຳ­ລັບ ໃສ່​ລູກ​ໜ້າ. ໜ້າ­ໄມ້​ມີ​ຮູບ­ຊົງ ຄ້າຍ​ກັບ​ທະ­ນູ. ຊາວ­ບ້ານ​ມັກ ໃຊ້​ໜ້າ­ໄມ້​ຍິງ​ສັດ­ປ່າ​ທີ່­ຢູ່​ໄກ ຢູ່​ສູງ ເຊັ່ນ: ນົກ​ປ່າ ລີງ ຄ່າງ ກະ­ຮອກ ກະ­ຕ່າຍ​ປ່າ ປາ ເຫງັນ... ບາງ​ທ້ອງ­ຖິ່ນ​ເອີ້ນ ໜ້າ​ເກັກ.

ຕົວ­ຢ່າງ:

    - ໜ້າ­ໄມ້​ເຮັດ​ດ້ວຍ​ໄມ້​ແຂງ​ຈະ​ທົນ​ທານ​ດີ

    - ຊາວ­ບ້ານ​ມັກ​ໃຊ້​ໜ້າ­ໄມ້​ຍິງ​ນົກ​ປ່າ

    - ພໍ່​ນາ​ຍິງ​ໜ້າ­ໄມ້​ໃສ່​ເຫງັນ​ທີ່​ໄຕ່​ຢູ່​ງ່າ­ໄມ້​ສູງ

    - ການ​ຍິງ​ໜ້າ­ໄມ້​ຈະ​ດຶງ​ສາຍ​ເຊືອກ​ໃສ້​ໄລ​ທີ່­ຢູ່​ທາງ​ຫຼັງ​ລຳ​ໜ້າ

    - ເວ­ລາ​ຍິງ​ສັດ​ຕ້ອງ​ແນ​ໜ້າ­ໄມ້​ໄປ​ຫາ​ສັດ​ທີ່​ແນມ​ເຫັນ

    - ໜ້າ­ໄມ້​ເປັນ​ອາ­ວຸດ​ລ່າ​ສັດ​ຂອງ​ຊາວ­ບ້ານ

    - ທະ­ນູ​ບໍ່​ມີ​ລຳ​ສຳ­ລັບ​ຂັດ​ໄລ​ຄື​ກັນ​ກັບ​ໜ້າ­ໄມ້

    - ການ​ແຂ່ງ­ຂັນ​ຍິງ​ໜ້າ​ເກັກ

 ນຳ​ສະ­ເໜີ​ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ