ຂ່າວຫຼ້າສຸດ

ເຕັກໂນໂລຊີ ທີ່ທັນສະໄໝໃນອະນາຄົດ

369 25 ທ.ວ. 2018 ຫົວຂໍ້ຂ່າວອື່ນໆ

    ລົດ­ຍົນ​ທີ່​ຂັບ​ເອງ​ໄດ້ ບໍ­ລິ­ສັດ Otto motors ກຳ­ລັງ​ພັດ­ທະ­ນາ​ລະ­ບົບ​ຂອງ​ລົດ​ທີ່​ຂັບ​ເອງ​ໄດ້​ໂດຍ​ອັດ­ຕະ­ໂນ­ມັດ ໂດຍ​ໄດ້​ຕິດ​ຕັ້ງ​ໃຊ້​ວຽກ​ຕົວ​ຈິງ​ແລ້ວ​ໃນ​ລົດ​ບັນ­ທຸກ Volvo ຮຸ່ນ 780 Semis ທາງ Otto ກ່າວ​ວ່າ ອຸ­ປະ­ກອນ​ກວດ​ຈັບ​ທີ່​ໃສ່​ເຂົ້າ​ໄປ​ໃນ​ລະ­ບົບ​ນີ້ ມີ​ຄຸ­ນະ­ພາບ​ໃກ້​ຄຽງ​ກັບ​ຈະ​ຫຼວດ​ນຳ​ວິ­ຖີ​ພຸ້ນ​ເລີຍ ເຕັກ​ໂນ​ໂລ​ຊີ​ສຳ­ຄັນ​ໃນ​ລະ­ບົບ sensor ນີ້ ເອີ້ນ​ວ່າ ລະ­ບົບ LIDAR (Light Detection and Ranging) ມັນ​ຄື​ລະ­ບົບ​ທີ່​ຍິງ​ແສງ LASER pulse ໄປ​ອ້ອມໆ​ຕົວ​ລົດ ເພື່ອ​ກວດ​ສະ­ພາບ​ແວດ​ລ້ອມ​ອ້ອມ​ຮອບ​ລົດ ປັດ­ຈຸ­ບັນ ອຸ­ປະ­ກອນ LIDAR ຈາກ​ຜູ້​ຜະ­ລິດ​ທົ່ວ​ໄປ ມີ​ລາ­ຄາ​ສູງ​ເຖິງ​ຊຸດ​ລະ​ເກືອບ 900 ລ້ານ​ກີບ ແຕ່​ທາງ Otto ສາ­ມາດ​ອອກ​ແບບ​ອຸ­ປະ­ກອນ​ຊຸດ​ນີ້ ສຳ­ລັບ​ໃຊ້​ງານ​ທົ່ວ​ໄປ​ໃນ​ລາ­ຄາ 77 ລ້ານ​ກີບ ໂດຍ​ລະ­ບົບ​ທີ່​ສົມ­ບູນ​ຈະ​ໃຊ້​ງານ​ໄດ້​ໃນ​ອີກ ປະ­ມານ 5 ປີ​ຂ້າງ​ໜ້າ.

    ລະ­ບົບ​ກວດ​ຈັບ​ໃບ​ໜ້າ Face ++: ທີ່​ປະ­ເທດ​ຈີນ ຂະ­ນະ​ນີ້ ລະ­ບົບ​ກວດ​ຈັບ​ໃບ​ໜ້າ­ທີ່​ມີ​ຊື່­ວ່າ Face ++ ໄດ້​ຖືກ​ນຳ​ມາ​ໃຊ້​ເຜີຍ­ແຜ່​ຫຼວງ­ຫຼາຍ ໂດຍ​ນຳ​ເອົາ​ໃບ​ໜ້າ​ເປັນ​ລາຍ​ເຊັນ​ປະ­ຈຳ​ຕົວ​ຂອງ​ຄົນ​ກວ່າ 120 ລ້ານ​ຄົນ ມາ​ເປັນ​ການ​ຢືນ­ຢັນ​ການ​ຊຳ­ລະ​ເງິນ ແລະ ການ​ຜ່ານ​ເຂົ້າ​ອາ­ຄານ​ຕ່າງໆ ຊຶ່ງ​ລະ­ບົບ​ຈົດ​ຈຳ​ໃບ​ໜ້າ ມີ​ມາ​ນານ​ນັບ​ສິບ​ປີ​ແລ້ວ ແຕ່​ຕອນ​ນີ້ ມີ​ຄວາມ​ຖືກ­ຕ້ອງ​ຫຼາຍ​ພໍ​ທີ່​ຈະ​ນຳ­ໄປ​ໃຊ້​ໃນ​ທຸ­ລະ​ກຳ​ການ​ເງິນ ການ​ຮັກ­ສາ​ຄວາມ​ປອດ​ໄພ.

    ທາງ​ບໍ­ລິ­ສັດ​ຍັກ​ໃຫຍ່​ຂອງ​ຈີນ Baido (ໄປ​ຕູ້) ໄດ້​ພັດ­ທະ­ນາ​ລະ­ບົບ​ໃຫ້​ຄົນ​ສາ­ມາດ​ຮັບ​ປີ້​ຂີ່​ລົດ­ໄຟ​ໄດ້ ໂດຍ​ການ­ສະ­ແດງ​ໃບ​ໜ້າ ຊຶ່ງ​ທາງ​ບໍ­ລິ­ສັດ​ຢືນ­ຢັນ​ຄວາມ​ຖືກ­ຕ້ອງ​ເຖິງ 99%.

ຂ່າວທີ່ກ່ຽວຂ້ອງ