ນັກກີລາເພາະກາຍລາວ ສ້າງຜົນງານເດັ່ນຊີງແຊັມໂລກ

382 19 ທ.ວ. 2018 ວົງຈອນກີລາ
ນັກກີລາເພາະກາຍລາວ ສ້າງຜົນງານເດັ່ນຊີງແຊັມໂລກ

    ນັກ­ກີ­ລາ​ເພາະ​ກາຍ​ທີມ​ຊາດ​ລາວ ສາ­ມາດ​ສ້າງ​ປະ­ຫວັດ­ສາດ ແລະ ຜົນ­ງານ​ອັນ​ໃໝ່​ໄດ້​ຢ່າງ​ໂດດ​ເດັ່ນ ໃນ​ເວ­ທີ​ລະ­ດັບ​ສາ­ກົນ ດ້ວຍ​ການ​ໄດ້​ອັນ​ດັບ 3 ແລະ ອັນ​ດັບ 4 ການ​ແຂ່ງ­ຂັນ​ເພາະ​ກາຍ​ຊີງ​ແຊັມ​ໂລກ ຄັ້ງ​ທີ 10 ຈັດ​ຂຶ້ນ​ວັນ​ທີ 11-17 ທັນ­ວາ 2018 ທີ່​ຊຽງ​ໃໝ່ ປະ­ເທດ​ໄທ.

    ການ​ແຂ່ງ­ຂັນ​ຄັ້ງ​ນີ້​ມີ​ນັກ­ກີ­ລາ​ຈາກ 51 ປະ­ເທດ​ເຂົ້າ​ຮ່ວມ ສະ­ເພາະ​ສະ­ຫະ­ພັນ​ກີ­ລາ​ເພາະ​ກາຍ​ແຫ່ງ​ຊາດ​ລາວ ສົ່ງ​ນັກ­ກີ­ລາ​ເຂົ້າ​ຮ່ວມ 4 ຄົນ ຍິງ 1 ຄົນ ຮ່ວມ​ແຂ່ງ­ຂັນ 5 ລາຍ­ການ ສາ­ມາດ​ໄດ້​ອັນ​ດັບ 3 (ຫຼຽນ​ທອງ) ຈາກ​ນາງ ພອຍ​ໄພ­ລິນ ພັນ­ທະ​ລີ ລາຍ­ການ Women’s Model Physique ຄວາມ​ສູງ 160 ຊັງ​ຕີ​ແມັດ ຫຼຽນ​ຄຳ​ເປັນ​ຂອງ​ນັກ­ກີ­ລາ​ຈາກ​ໄທ​ເຈົ້າ­ພາບ ແລະ ຫຼຽນ​ເງິນ​ນັກ­ກີ­ລາ​ຈາກ​ມົງ​ໂກ​ລີ.

    ຂະ­ນະ​ທີ່​ທ້າວ ສັນ­ຕິ​ສຸກ ດວງ​ແກ້ວ​ມະ­ນີ ໄດ້​ອັນ​ດັບ​ທີ 4 ລາຍ­ການ Men’s Sport Physique ຄວາມ​ສູງ 175 ຊັງ​ຕີ​ແມັດ ຫຼຽນ​ຄຳ​ເປັນ​ຂອງ​ນັກ­ກີ­ລາ​ຈາກ​ໄທ​ເຈົ້າ­ພາບ ຫຼຽນ​ເງິນ​ນັກ­ກີ­ລາ​ຈາກ​ນິວ​ຄາ​ເລ​ໂດ​ເນຍ (New Caledonia) ແລະ ຫຼຽນ​ທອງ​ນັກ­ກີ­ລາ​ຈາກ​ຈີນ.

ຂ່າວທີ່ກ່ຽວຂ້ອງ