ລັດຖະບານ​ອົດ​ສະ​​ຕຣ​ລີ ຍອມຮັບ​ເຈ​ຣູ​ຊາ​ແລມ​ຕາເວັນຕົກ ເປັນ​ນະຄອນຫຼວງ​ຂອງ​ອິດ​ສະ​ຣາ​ແອນ

368 18 ທ.ວ. 2018 ຂ່າວຕ່າງປະເທດ
ລັດຖະບານ​ອົດ​ສະ​​ຕຣ​ລີ ຍອມຮັບ​ເຈ​ຣູ​ຊາ​ແລມ​ຕາເວັນຕົກ ເປັນ​ນະຄອນຫຼວງ​ຂອງ​ອິດ​ສະ​ຣາ​ແອນ

     ຂ່າວສານ AFP ລາຍ​ງານ​ວ່າ ນາຍົກລັດຖະມົນຕີ​ອົດ​ສະ​ຕຣາ​ລີ ສະ​ກອດ ມໍ​ຣີ​ສັນ ກ່າວ​ຍອມຮັບ​ເມື່ອ​ວັນ​ທີ 15 ທັນວາ​ນີ້​ວ່າ ອົດ​ສະ​ຕຣາ​ລີ ຍອມຮັບ​ເຈ​ຣູ​ຊາ​ແລມ​ຕາເວັນຕົກ ວ່າ​ເປັນ​ນະຄອນຫຼວງ​ຂອງ​ອິດ​ສະ​ຣາ​ແອນ. ແຕ່​ເຖິງ​ຢ່າງໃດ​ກໍ​ຕາມ ການ​ຍ້າຍ​ສະຖານທູດ​ຂອງ ອົດ​ສະ​ຕຣາ​ລີ ຈາກ ແຕນ​ອາ​ວິບ ຈະ​ບໍ່​ມີ​ຂຶ້ນ​ໄປ​ຈົນ​ກວ່າ​ວ່າ ຂະ​ບວນ​ການ​ສັນຕິພາບ ລະຫວ່າງ​ອິດ​ສະ​ຣາ​ແອນ ກັບ​ປາ​ແລັດ​ສະ​ຕິນ ສຳເລັດ​ເສັດ​ສິ້ນ.

    ທ່ານ ມໍ​ຣີ​ສັນ ກໍ​ໃຫ້​ສັນຍາ​ຍອມຮັບ​ຕໍ່​ຄວາມ​ມຸ່ງ​ຫວັງ ກ່ຽວ​ກັບ​ລັດ​ປາ​ແລັດ​ສະ​ຕິນ ໃນ​ອະນາຄົດ ໂດຍ​ມີ ເຈ​ຣູ​ຊາ​ແລມ​ຕາເວັນ​ອອກ ເປັນ​ນະຄອນຫຼວງ ໃນ​ເມື່ອ​ວ່າ​ຖານະ​ທີ່​ຕັ້ງ​ຂອງ​ນະຄອນ​ນີ້ (ເຈ​ຣູ​ຊາ​ແລມ) ໄດ້​ຮັບ​ການ​ກຳນົດ​ຢູ່​ໃນ​ຂໍ້​ຕົກລົງ​ສັນຕິພາບ​ສະບັບ​ໜຶ່ງ.

    ນາຍົກລັດຖະມົນຕີ ມໍ​ຣີ​ສັນ ເວົ້າ​ວ່າ ການ​ສະໜັບສະໜູນ “ພື້ນຖານ​ປະຊາທິປະໄຕ​ເສລີ” ຢູ່​ໃນ​ຕາເວັນ​ອອກ​ກາງ ລ້ວນ​ແຕ່​ນອນ​ຢູ່​ໃນ​ຜົນ​ປະໂຫຍດ​ຂອງ​ອົດ​ສະ​ຕຣາ​ລີ.

ຂ່າວທີ່ກ່ຽວຂ້ອງ