ຂ່າວຫຼ້າສຸດ

ບານສົ່ງລາວ ສືບຕໍ່ພັດທະນານັກກີລາພອນສະຫວັນດີເດັ່ນຕິດທີມຊາດ

213 18 ທ.ວ. 2018 ວົງຈອນກີລາ
ບານສົ່ງລາວ ສືບຕໍ່ພັດທະນານັກກີລາພອນສະຫວັນດີເດັ່ນຕິດທີມຊາດ

    ພາຍ­ຫຼັງ​ທີ່​ສຳ­ເລັດ​ການ​ແຂ່ງ­ຂັນ​ກີ­ລາ​ບານ­ສົ່ງ​ໃນ​ຮົ່ມ​ທີມ​ຍິງ-ທີມ​ຊາຍ​ທົ່ວ​ປະ­ເທດ ຊີງ​ຂັນ​ປະ­ທານ​ສະ­ຫະ­ພັນ​ບານ­ສົ່ງ​ແຫ່ງ​ຊາດ​ລາວ ຄັ້ງ​ທີ 1 ປະ­ຈຳ​ປີ 2018 ໃນ​ວັນ​ທີ 9 ທັນ­ວາ 2018 ຜ່ານ​ມາ ທ່ານ ຈັນ​ສະ­ໝອນ ຜ່ອງ​ຈັນ­ທາ ປະ­ທານ​ສະ­ຫະ­ພັນ​ບານ­ສົ່ງ​ແຫ່ງ​ຊາດ​ລາວ ໄດ້​ໃຫ້​ສຳ­ພາດ​ຕໍ່​ສື່​ມວນ​ຊົນ​ລາວ​ວ່າ: ການ​ຈັດ​ແຂ່ງ­ຂັນ​ບານ­ສົ່ງ​ລາຍ­ການ​ນີ້ ມີ​ໝາກ​ຜົນ­ສຳ­ເລັດ​ສູງ​ຫຼາຍ ເຫັນ​ໄດ້​ແຕ່​ລະ​ທີມ​ມີ​ການ​ກຽມ​ຄວາມ​ພ້ອມ​ທີມ​ມາ​ເຕັມ­ທີ່ ແລະ ທາງ​ເບື້ອງ​ກຳ­ມະ­ການ ກໍ່​ເອົາ­ໃຈ​ໃສ​ຕໍ່​ການ​ຈັດ​ແຂ່ງ­ຂັນ​ແບບ​ຍຸດ­ຕິ​ທຳ​ທີ່​ສຸດ ແລະ ຜູ້​ຊົມ​ກໍ່​ໃຫ້­ການ​ຕອບ​ຮັບ​ດີ ກອງ​ເຊຍ​ມາ​ຕິດ­ຕາມ​ຊົມ ແລະ ເຊຍ​ຢ່າງ​ຫຼວງ­ຫຼາຍ ແນວ­ໃດ​ກໍ່​ດີ ບັນ­ຫາ​ທີ່​ຢາກ​ຈະ​ປັບ­ປຸງ​ຫຼາຍ​ທີ່​ສຸດ​ຄື ຈະ​ພະ­ຍາ­ຍາມ​ສູ້​ຊົນ​ໃຫ້​ມີ​ການ​ເຊີນ​ບັນ­ດາ​ແຂວງ​ເຂົ້າ​ຮ່ວມ​ແຂ່ງ­ຂັນ​ໃຫ້​ຫຼາຍ​ເທົ່າ­ໃດ​ຍິ່ງ​ດີ ບັນ­ຫາ​ສຳ­ຄັນ​ທີ່​ຫຼາຍ​ແຂວງ​ສົ່ງ​ເຂົ້າ​ຮ່ວມ​ໜ້ອຍ​ຍ້ອນ​ຂາດ­ແຄນ​ທາງ​ດ້ານ​ງົບ­ປະ­ມານ ສະ­ນັ້ນ ໃນ​ອະ­ນາ­ຄົດ​ສະ­ຫະ­ພັນ ຈະ​ພະ­ຍາ­ຍາມ​ຊອກ​ຫາ​ແຫຼ່ງ​ທຶນ​ເພື່ອ​ມາ​ສະ­ໜັບ­ສະ­ໜູນ​ໃຫ້​ນັກ­ກີ­ລາ​ໃນ​ແຕ່​ລະ​ແຂວງ​ໄດ້​ເຂົ້າ​ຮ່ວມ ແຂ່ງ­ຂັນ​ໃຫ້​ຫຼາຍ​ທີ່​ສຸດ.

    ສະ­ນັ້ນ ໃນ­ຕໍ່­ໜ້າ ໂດຍ​ສະ­ເພາະ ປີ 2019 ຈະ​ພະ­ຍາ­ຍາມ​ຍູ້​ແຮງ​ໃຫ້​ມີ​ລາຍ­ການ​ແຂ່ງ­ຂັນ​ໃຫ້​ຫຼາຍ​ກວ່າ​ທຸກ​ປີ​ທີ່​ຜ່ານ​ມາ ແນ­ໃສ່​ເປີດ​ໂອ­ກາດ​ໃຫ້​ນັກ­ກີ­ລາ​ຮຸ່ນ​ສຶບ​ທອດ ສາ­ມາດ​ກ້າວ​ຂຶ້ນ​ມາ​ທົດ​ແທນ​ນັກ­ກີ­ລາ​ທີມ​ຊາດ​ຮຸ່ນ​ອ້າຍ​ໃນ​ອະ­ນາ­ຄົດ ເພື່ອ​ສົ່ງ​ເຂົ້າ​ຮ່ວມ​ແຂ່ງ­ຂັນ​ສ້າງ​ຜົນ­ງານ​ໃນ​ເວ­ທີ​ລະ­ດັບ​ພາກ​ພື້ນ ແລະ ສາ­ກົນ ເວົ້າ​ລວມ ເວົ້າ​ສະ­ເພາະ ການ​ແຂ່ງ­ຂັນ​ກີ­ລາ​ບານ­ສົ່ງ ງານ​ມະ​ຫະ​ກຳ​ກິ­ລາ​ຊີ­ເກມ ຄັ້ງ​ທີ 30 ປີ 2019 ທີ່​ປະ­ເທດ​ຟິ​ລິບ​ປິນ ເປັນ​ເຈົ້າ­ພາບ​ຢ່າງ​ໜ້ອຍ ຖ້າ​ຫາກ​ບານ­ສົ່ງ​ລາວ ໄດ້​ເຂົ້າ​ຮ່ວມ​ແຂ່ງ­ຂັນ ທັບ​ນັກ­ກີ­ລາ​ບານ­ສົ່ງ​ລາວ​ອາດ​ຈະ​ສ້າງ​ຜົນ­ງານ​ໄດ້​ດີ​ກວ່າ​ເກົ່າ.

ຂ່າວທີ່ກ່ຽວຂ້ອງ