ECB ຢຸດຕິ​ໂຄງການ​ກະ​ຕຸ້ນ​ຄວາມ​ຕ້ອງການ

567 17 ທ.ວ. 2018 ຂ່າວຕ່າງປະເທດ
ECB ຢຸດຕິ​ໂຄງການ​ກະ​ຕຸ້ນ​ຄວາມ​ຕ້ອງການ

     ທະນາຄານ​ກາງ​ເອີ​ຣົບ (ECB) ໄດ້​ຢຸດຕິ​ໂຄງການ​ຈັດ​ຊື້​ພັນທະບັດ​ໃນ​ຂອບ​ຂະໜາດ​ໃຫຍ່ ຢ່າງ​ເປັນ​ທາງ​ການ  ເມື່ອ​ວັນ​ທີ 13 ທັນວາ​ນີ້ ໂດຍ​ບໍ່​ເອົາ​ຫົວຊາ​ຕໍ່​ໄພ​ຄຸກ​ຄາມ​ຕໍ່​ຄວາມ​ຫວັງ ຄວາມ​ເຕີບ​ໂຕ​ຂອງ​ເຂດ​ໃຊ້​ເງິນ​ເອີ​ໂຣ (Eurozone).

   ECB ຢັ້ງຢືນ​ຢູ່​ໃນ​ແຈ້ງ​ການ​ສະບັບ​ໜຶ່ງ​ວ່າ ຈະ​ງົດ​ການ​ຈັດ​ຊື້​ພັນທະບັດ​ຂອງ​ລັດຖະບານ ແລະ ວິ​ສາ​ຫະ​ກິດ​ນັ້ນ​ທັງ​ສິ້ນ ພາຍ​ໃນ​ທ້າຍ​ເດືອນ​ນີ້ ຫຼັງ​ຈາກ​ທີ່​ຄ່ອຍໆ​ຫຼຸດ​ການເຄື່ອນໄຫວ​ຈັດ​ຊື້​ຊັບ​ສິນ ໃນ​ຊຸມ​ເດືອນ​ມໍ່ໆມານີ້.

    ການ​ທີ່ ECB ງົດ​ໂຄງການ​ຈັດ​ຊື້​ພັນທະບັດ​ດັ່ງກ່າວ ຖື​ວ່າ​ເປັນ​ບາດກ້າວ​ທີ່​ສຳຄັນ ໃນ​ຂະ​ບວນ​ການ​ມຸ່ງ​ໄປ​ສູ່​ການ​ຫັນ​ນະໂຍບາຍ​ໃຫ້​ເປັນ​ປົກກະຕິ ຫຼັງ​ຈາກ​ທີ່​ໄດ້​ປະຕິບັດ​ໂຄງການ ກະ​ຕຸ້ນ​ຄວາມ​ຕ້ອງການ​ໃນ​ຍຸກ​ວິ​ກິດ​ການ ມາ​ເປັນ​ເວລາ​ຫຼາຍ​ປີ.

    ໂຄງການ​ຈັດ​ຊື້​ພັນທະບັດ ຫຼື​ທີ່​ຍັງ​ເອີ້ນ​ວ່າ​ໂຄງການ​ໂຍະຍານ​ການ​ກຳນົດ​ປະລິມານ​ນັ້ນ ໄດ້​ຮັບ​ການ​ອອກ​ແບບ​ເພື່ອ​ກະ​ຕຸ້ນ​ຄວາມ​ເຕີບ​ໂຕ ແລະ ​ຄວບ​ຄຸມ​ເງິນ​ເຟີ້​ໃຫ້​ຢູ​ທີ່​ລະດັບ​ຕ່ຳ​ກວ່າ 2%. ນັບ​ແຕ່​ປີ 2015 ມາ​ຮອດ​ເວລາ​ນີ້ ECB ໄດ້ "ອັດ​ສີດ" ເງິນ​ກວ່າ 2.600 ຕື້​ເອີ​ໂຣ ໃຫ້​ແກ່​ໂຄງ​ກາ ດັ່ງກ່າວ.

    ຢູ່​ໃນ​ກອງ​ປະຊຸມ​ເທື່ອ​ສຸດ​ທ້າຍ​ໃນ​ປີ 2018 ຊຶ່ງ​ຈັດ​ຂຶ້ນ​ໃນ​ວັນ​ດຽວ​ກັນ ສະພາ​ບໍລິຫານ​ຂອງ ECB ກໍ​ໄດ້​ເຫັນ​ດີ​ເປັນ​ເອກະສັນ​ກັນ ຮັກສາ​ອັດຕາ​ດອກ​ເບ້ຍ​ໄວ້​ຄືເກົ່າ ທີ່​ລະດັບ​ຕ່ຳ​ເປັນ​ປະຫວັດ​ການ ພ້ອມ​ທັງ​ໃຫ້​ຮູ້​ວ່າ ຈະ​ຮັກສາ​ລະດັບ​ຕ່ຳ​ນີ້​ໄວ້​ຄືເກົ່າ “ໄປ​ຢ່າງ​ໜ້ອຍ​ກໍ​ແມ່ນ​ຮອດ​ລະດູແລ້ງ ປີ 2019". 

ຂ່າວທີ່ກ່ຽວຂ້ອງ