ປະກາດການຈັດຕັ້ງ ລັດວິສາຫະກິດ ລາວເດີນອາກາດ ຊຸດໃໝ່

369 17 ທ.ວ. 2018 ຂ່າວໜ້າ​ໜຶ່ງ
ປະກາດການຈັດຕັ້ງ ລັດວິສາຫະກິດ ລາວເດີນອາກາດ ຊຸດໃໝ່

    ກຸ່ມ​ບໍ­ລິ­ສັດ ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ ຈັດ​ພິ​ທິ​ປະ­ກາດ​ການ​ຈັງ​ຕັ້ງ​ຊຸດ​ໃໝ່​ຂອງ​ຕົນ​ຂຶ້ນ​ໃນ​ວັນ​ທີ 13 ທັນ­ວາ 2018 ທີ່​ໂຮງ­ແຮມ​ເມືອງ​ແທັງ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ພົນ​ຕີ ອ່ອນ​ສີ ແສນ​ສຸກ ຮອງ​ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ປະ­ເທດ ພ້ອມ​ບັນ­ດາ​ພາກ­ສ່ວນ​ກ່ຽວ­ຂ້ອງ ແລະ ພະ­ນັກ­ງານ​ວິ­ຊາ​ການ​ໃນ​ກຸ່ມ​ບໍ­ລິ­ສັດ​ເຂົ້າ​ຮ່ວມ.

    ການ​ປະ­ກາດ​ການ­ຈັດ­ຕັ້ງ​ຊຸດ​ໃໝ່​ຄັ້ງ​ນີ້ ແມ່ນ​ອີງ​ຕາມ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ໜ້າ​ວຽກ ແລະ ໄດ້​ຮັບ​ການ​ຕົກ­ລົງ​ຂອງ​ການ­ຈັດ­ຕັ້ງ​ຂັ້ນ​ເທິງ ເຊິ່ງ​ໄດ້​ແຕ່ງ­ຕັ້ງ​ທ່ານ ສີ​ວຽງ​ທອງ ກອງ​ມະ­ນີ​ວົງ ເປັນ​ຜູ້­ອຳ­ນວຍ­ການ​ໃຫຍ່ ກຸ່ມ​ບໍ­ລິ­ສັດ ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ ຄົນ​ໃໝ່ ສ່ວນ​ທ່ານ ບຸນ​ມາ ຈັນ­ທະ​ວົງ­ສາ ຜູ້­ອຳ­ນວຍ­ການ​ໃຫຍ່​ຄົນ​ເກົ່າ ໄປ​ຮັບ​ໜ້າ­ທີ່​ເປັນ​ຜູ້­ອຳ­ນວຍ­ການ​ຂອງ​ລັດ​ວິ​ສາ​ຫະ​ກິດ​ການ­ບິນ​ລາວ ໃນ​ທ້າຍ​ເດືອນ​ກັນ­ຍາ 2018 ຜ່ານ​ມາ.

    ສຳ­ລັບ​ບໍ­ລິ­ສັດ ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ ໄດ້​ເຕີບ​ໃຫຍ່​ຂະ­ຫຍາຍ­ຕົວ​ຕະ­ຫຼອດ​ໄລ­ຍະ 17 ປີ­ຜ່ານ­ມາ ຈາກ​ການ​ຂະ­ຫຍາຍ­ຕົວ​ດັ່ງ­ກ່າວ ມາ​ຮອດ​ປີ 2018 ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ ໄດ້​ສ້າງ­ຕັ້ງ​ເປັນ​ກຸ່ມ​ບໍ­ລິ­ສັດ ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ ເຊິ່ງ​ປະ­ກອບ​ມີ 5 ຫົວ­ໜ່ວຍ​ທຸ­ລະ​ກິດ​ດ້ວຍ​ກັນ ເຊັ່ນ: ບໍ­ລິ­ສັດ ລັດ​ວິ​ສາ​ຫະ​ກິດ ລາວ​ເດີນ​ອາ­ກາດ (ບໍ­ລິ­ການ​ຖ້ຽວ​ບິນ​ເໝົາ ແລະ ສາຍ​ການ­ບິນ​ເປັນ​ບໍ­ລິ­ສັດ​ແມ່) ອຸດ­ສາ­ຫະ­ກຳ​ການ­ບິນ ລາວ​ສະ​ກາຍ​ເວ (ບໍ­ລິ­ການ​ສ້ອມ­ແປງ​ເຮືອ­ບິນ) ໂຮງ­ແຮມ​ລາວ​ສະ​ກາຍ​ເວ ບໍ­ລິ­ສັດ​ທ່ອງ​ທ່ຽວ​ລາວ​ສະ​ກາຍ​ເວ ແລະ ບໍ­ລິ­ສັດ ລາວ​ສະ​ກາຍ​ເວ ບໍ­ລິ­ການ​ອາ­ຄານ ແລະ ບໍ­ລິ­ການ​ພາກ​ພື້ນ​ດິນ.

ຂ່າວທີ່ກ່ຽວຂ້ອງ